សេដ្ឋកិច្ច
ការនាំចេញដំឡូងមី មានកំណើនជាង ៣៨៥% នៅឆមាសទី១ ឆ្នាំនេះ
នៅឆមាសទី០១ ឆ្នាំ ២០២៤ ការនាំចេញដំឡូងមីស្រសស់សម្រេចបានជាង ១,៦៧ លានតោន កើនឡើងជាង ៣៨៥% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍របស់នាយកដ្ឋានរដ្ឋបាលផែនការ គណនេយ្យ និងសហប្រតិបត្តិការអន្តរជាតិ នៃអគ្គនាយកដ្ឋានកសិកម្ម។
ប្រធានសមាគមកសិករដំឡូងមីខ្មែរ លោក អិល ឈិញ មានប្រសាសន៍ថា និន្នាការនាំចេញមានកំណើនទំនងដោយសារកម្ពុជាមិនទាន់មានរោងចក្រផលិតនៅក្នុងស្រុក ហើយកម្ពុជាក៏មានច្រកនាំដំឡូងមីទៅកាន់ទីផ្សារចិនផងដែរ ខណៈតម្រូវការក្នុងស្រុកមានតិចតូច។ ប៉ុន្តែលោកបញ្ជាក់ថា តាមការមើលឃើញរបស់លោក ទិន្នផលដំឡូងមីក្នុងឆ្នាំ ២០២៤ មានតិចជាងឆ្នាំ ២០២៣។
លោក អិល ឈិញ បញ្ជាក់ថា កំណើននាំចេញនេះដំឡូងមី ទំនងនៅអំឡុងពេលខែមករា ដល់ខែមេសា ឆ្នាំ ២០២៤ ស្របពេលដែលតម្លៃកំពុងបានល្អប្រសើរចាប់ពី ៣១០-៣៣០ រៀល ក្នុងមួយគីឡូក្រាម ខណៈតម្លៃដំឡូងមីបានចាប់ផ្ដើមធ្លាក់ថ្លៃពីខែឧសភាមក តម្លៃជាង ១០០ រៀល ក្នុងមួយគីឡូក្រាម ដែលធ្វើឱ្យកសិករមួយចំនួនភ្ជួរចោល។
លោក អិល ឈិញ បញ្ជាក់ថា កសិករអាចទទួលផលចំណេញបាន ទាល់តែតម្លៃចាប់ពី ២៥០ រៀល ក្នុងមួយគីឡូក្រាមឡើងទៅ ហើយអាស្រ័យលើទិន្នផលដំឡូងទៀតដែលបានប្រមាណជាង ២០ តោនក្នុងមួយហិកតា។
យោងតាមរបាយការណ៍របស់ក្រសួងកសិកម្ម នៅឆ្នាំ២០២៣ កម្ពុជានាំចេញដំឡូងមីស្រស់ ដំឡូមីក្រៀម និងម្សៅដំឡូងមី សរុបជាង៣លានតោនរួមមាន ដំឡូងមីស្រស់ចំនួន ១,៩៦ លានតោន កើនឡើង ២៦.៥១%, ចំណិតដំឡូងមីក្រៀមមានចំនួន ១,២៩ លានតោន ធ្លាក់ចុះ ៣៧.៦៤%, ម្សៅដំឡូងមីមានចំនួនជាង ៣ សែន ៦ ម៉ឺនតោន ធ្លាក់ចុះ៤៥.៣៩%៕
អត្ថបទ៖ ឡេង ដេត
-
ព័ត៌មានជាតិ៣ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៥ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ២១ ម៉ោង ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស