ព័ត៌មានអន្ដរជាតិ
អតីត CEO ក្រុមហ៊ុន ASML៖ ចិន និងអាមេរិក នឹងបន្តឈ្លោះគ្នាលើវិស័យបន្ទះឈីប
អតីតនាយកប្រតិបត្តិរបស់ក្រុមហ៊ុនផលិតឧបករណ៍ផលិតបន្ទះឈីបហូឡង់ ASML បាននិយាយក្នុងបទសម្ភាសន៍ជាមួយវិទ្យុហូឡង់ BNR កាលពីចុងសប្ដាហ៍ថា ជម្លោះរវាងសហរដ្ឋអាមេរិក និងចិនលើបន្ទះឈីបគឺជាមនោគមវិជ្ជា ដែលមិនផ្អែកលើការពិតនោះទេ ដូច្នេះវានឹងបន្ត។ នេះបើតាមការស្រង់សម្ដីរបស់ទីភ្នាក់ងារសារព័ត៌មានរ៉យទ័រ។
លោក Wennink ថ្លែងយ៉ាងដូច្នេះថា៖ «ការពិភាក្សាបែបនេះ(បញ្ហាឈីប) មិនធ្វើឡើងដោយផ្អែកលើអង្គហេតុ ឬខ្លឹមសារ ឬតួលេខ ឬទិន្នន័យនោះទេ ប៉ុន្តែផ្អែកលើមនោគមវិជ្ជា»។ លោកបន្តថា៖ «អ្នកអាចគិតតាមចិត្តចង់របស់អ្នកអំពីបញ្ហានេះ ប៉ុន្តែយើងធ្វើជំនួញ ដែលផលប្រយោជន៍ម្ចាស់ភាគហ៊ុនរបស់យើងត្រូវតែគ្រប់គ្រងដោយតុល្យភាព…ប្រសិនបើមនោគមវិជ្ជាធ្វើឱ្យប៉ះពាល់នោះ ខ្ញុំក៏មានបញ្ហាជាមួយវា»។
អតីតនាយកប្រតិបត្តិ ដែលបញ្ចប់អាណត្តិកាលពីខែមេសាដដែល បានគូសថា ក្រុមហ៊ុន ASML មានអតិថិជន និងបុគ្គលិកក្នុងប្រទេសចិនអស់រយៈពេល ៣០ ឆ្នាំមកហើយ ដូច្នេះ ក្រុមហ៊ុនក៏មានកាតព្វកិច្ចដោះស្រាយបញ្ហា។
លោក Wennink បានលើកឡើងទៀតថា អាមេរិកប្រហែលជាគិតថាលោកជាមិត្តនឹងចិន ប៉ុន្តែ «វាមិនពិតទេ។ ខ្ញុំជាមិត្តនឹងអតិថិជនរបស់ខ្ញុំ អ្នកផ្គត់ផ្គង់របស់ខ្ញុំ បុគ្គលិករបស់ខ្ញុំ ម្ចាស់ភាគហ៊ុនរបស់ខ្ញុំ»។ លោកបន្ថែមថា ដោយសារតែបញ្ហាផលប្រយោជន៍ភូមិសាស្រ្តនយោបាយបច្ចុប្បន្ន សង្រ្គាមបន្ទះឈីបនឹងអូសបន្លាយទៅមុខបន្តរយៈពេលយូរទៀត។
គូសបញ្ជាក់ថា ការព្រមានរបស់លោក ធ្វើឡើងខណៈ ASML ដែលជាក្រុមហ៊ុនផលិតឧបករណ៍ផលិតបន្ទះឈីបឈានមុខគេមួយរបស់ពិភពលោក ត្រូវជាប់ខ្លួននៅក្នុងជម្លោះពាណិជ្ជកម្មរវាងសហរដ្ឋអាមេរិក និងចិន។ កន្លងមក សហរដ្ឋអាមេរិក និងសម្ព័ន្ធមិត្ត បានចេញការរឹតត្បឹតលើការនាំចេញឧបករណ៍ផលិតបន្ទះឈីបទំនើបៗទៅចិន ដោយខ្លាចប្រទេសនេះប្រើវាដើម្បីធ្វើទំនើបកម្មយោធា៕
ក្រុមឧទ្ទាមមីយ៉ាន់ម៉ា សម្រុកផលិតគ្រឿងញៀននាំចូលថៃ យកលុយទុកទិញអាវុធ
កម្ពុជា ទទួលបានមេដាយ ៩ គ្រឿង ពីការប្រកួតកីឡាសាកលវិទ្យាល័យអាស៊ាន នៅ ឥណ្ឌូណេស៊ី
រដ្ឋទូតហ្វីលីពីន អរគុណកម្ពុជា ដែលបានគាំទ្រ និងការពារដល់ប្រជាជនហ្វីលីពីននៅកម្ពុជា
បារាំង កើតចលាចលនិងអំពើលួចប្លន់ ក្រោយប្រកាសលទ្ធផលឆ្នោត
អតីត CEO ក្រុមហ៊ុន ASML៖ ចិន និងអាមេរិក នឹងបន្តឈ្លោះគ្នាលើវិស័យបន្ទះឈីប
សារចុងក្រោយរបស់លោក គន្ធ ជីវ័ន្ត ពោរពេញដោយក្តីសន្តោសប្រណី
លោក នេត សាវឿន៖ បើគ្រួសារមួយមានមនុស្សម្នាក់ប្រើគ្រឿងញៀន គ្រួសារនោះប្រៀបដូចមានជាភ្នំភ្លើងមួយដែរ
វៀតណាម ព្រមានឲ្យពលរដ្ឋត្រៀមខ្លួន ព្រោះថា រលកកម្តៅនឹងវាយប្រហារក្នុងសប្តាហ៍នេះ
ក្រោយបញ្ចប់កំណត់ត្រារបស់ Buakaw ជើងខ្លាំង Stoyan បន្តឈ្នះរហូតគ្រងខ្សែក្រវាត់ K-1
ក្មេងប្រុសចិន វ័យ ១៤ ឆ្នាំ ខូចតម្រងនោម និងក្រលៀន ដែលបណ្ដាលពីម្ហូប៣មុខញ៉ាំសឹងរាល់ថ្ងៃ
-
ព័ត៌មានជាតិ៣ ថ្ងៃ agoយាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ agoកូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ agoកម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ agoរថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ agoធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ agoឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ១ ថ្ងៃ agoម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
ព័ត៌មានជាតិ៥ ថ្ងៃ agoកូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤