ព័ត៌មានអន្ដរជាតិ
តម្លៃទំនិញប្រើប្រាស់នៅចិន កើនឡើងតិចជាងការរំពឹងទុកនៅខែមិថុនា
សន្ទស្សន៍ថ្លៃទំនិញប្រើប្រាស់ (CPI) របស់ប្រទេសចិន បានកើនឡើងតិចតួចកាលពីខែមិថុនា ពោលគឺតិចជាងការរំពឹងទុករបស់សេដ្ឋវិទូ ខណៈដែលរដ្ឋាភិបាលចិនព្យាយាមជម្នះសម្ពាធបរិត្តផរណា ដោយជំរុញការប្រើប្រាស់ក្នុងស្រុកដែលចុះខ្សោយ។
យោងតាមទិន្នន័យពីការិយាល័យស្ថិតិជាតិចិន ដែលចេញផ្សាយនាថ្ងៃពុធនេះ CPI ប្រចាំខែមិថុនា បានកើនឡើង ០,២ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ដោយតិចជាងការរំពឹងទុក ០,៤ ភាគរយរបស់សេដ្ឋវិទូ ០,៤ ។ CPI ចិន បានកើនឡើង ០,៣ ភាគរយ នៅខែឧសភា។
កំណើនដ៏តិចតួចនេះ កើតឡើងខណៈសន្ទស្សន៍តម្លៃអ្នកផលិត (PPI) របស់ចិន បន្តធ្លាក់ចុះប្រមាណ ០,៨ ភាគរយក្នុងខែដដែល។
CPI ស្នូល ដែលមិនរាប់បញ្ចូលនូវតម្លៃអាហារ និងថាមពល បានកើនឡើង ០,៦ ភាគរយនៅខែមិថុនា បើធៀបនឹងរយៈពេលដូចគ្នាកាលពីឆ្នាំមុន ប៉ុន្តែតិចជាងកំណើន ០,៧ ភាគរយ សម្រាប់ឆមាសទី ១ ឆ្នាំនេះ។
ក្រោមទិន្នន័យចុងក្រោយនេះ សេដ្ឋវិទូបានលើកឡើងថា ហានិភ័យនៃបរិត្តផរណាក្នុងប្រទេសចិន មិនទាន់រសាយចេញទៅណានៅឡើយទេ ដែលនេះមានន័យថា តម្រូវការក្នុងស្រុកនៅតែទន់ខ្សោយ បង្កជាហានិភ័យដល់សេដ្ឋកិច្ច។ ដូច្នេះហើយ ចិននឹងត្រូវពឹងផ្អែកលើការនាំចេញ ដើម្បីគាំទ្រដល់កំណើនសេដ្ឋកិច្ចរបស់ខ្លួនក្នុងឆមាសទី១ នៃឆ្នាំនេះ។
ប្រទេសនេះ គ្រោងនឹងចេញផ្សាយទិន្នន័យពាណិជ្ជកម្មសម្រាប់ខែមិថុនា នៅថ្ងៃសុក្រខាងមុខ។
គេមើលឃើញថា ភាពទន់ខ្សោយខ្លាំងនៃតម្រូវការក្នុងស្រុករបស់ចិន ធ្វើឱ្យអតិផរណាស្ថិតនៅអត្រាទាប ដោយវាផ្ទុយទៅនឹងប្រទេសសេដ្ឋកិច្ចធំៗដូចជាសហរដ្ឋអាមេរិក ដែលតម្លៃនៅតែបន្តកើនឡើង៕
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៦ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១៩ ម៉ោង ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
សន្តិសុខសង្គម៦ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ