ព័ត៌មានអន្ដរជាតិ
Honda ប្រកាសបញ្ចប់ផលិតកម្មរថយន្តនៅរោងចក្រក្រុងអយុធ្យា ខណៈការលក់ក្នុងស្រុកថៃធ្លាក់ចុះ
ក្រុមហ៊ុន Honda Automobile នៅថៃ បានប្រកាសកាលពីថ្ងៃអង្គារថា ខ្លួនគ្រោងនឹងបញ្ឈប់ការផលិតរថយន្តនៅរោងចក្រក្នុងក្រុងអយុធ្យា ដោយផ្តុំការផលិតទាំងអស់នៅរោងចក្រ ក្នុងខេត្តប្រាចិនបុរីវិញ។ នេះបើតាមការចុះផ្សាយរបស់កាសែតបាងកកប៉ុស្តិ៍។
ការប្រកាសរបស់ក្រុមហ៊ុនដើមកំណើតជប៉ុនមួយនេះ ធ្វើឡើងចំពេលដែលការលក់រថយន្តក្នុងស្រុកថៃ បានធ្លាក់ចុះ ខណៈការប្រកួតប្រជែងលើវិស័យរថយន្តអគ្គិសនី ស្ទុះឡើងកាន់តែស្វិតស្វាញ ដោយមានក្រុមហ៊ុនចិនជាអ្នកវាយលុកទីផ្សារយ៉ាងឆាប់រហ័ស។
អ្នកនាំពាក្យរបស់ក្រុមហ៊ុន បានគូសបញ្ជាក់ថា ក្រោយបញ្ឈប់ការផលិតរថយន្តចាប់ពីឆ្នាំក្រោយទៅ រោងចក្រនៅអយុធ្យា នឹងត្រូវប្រើសម្រាប់ផលិតគ្រឿងបន្លាស់រថយន្ត ហើយការផលិតរថយន្តទាំងមូល នឹងផ្ដុំនៅរោងចក្រក្នុងខេត្ត ប្រាចិនបុរី ដែលបើកដំណើរការនៅឆ្នាំ ២០១៦។ ក្រុមហ៊ុន Honda មានរោងចក្រផលិតតែ២ នេះគត់ ក្នុងប្រទេសថៃ។
បើតាមបាងកកប៉ុស្តិ៍ សមត្ថភាពផលិតរថយន្តប្រចាំឆ្នាំនៅរោងចក្រទាំង ២ របស់ក្រុមហ៊ុន Honda បានធ្លាក់ចុះជាគំហុក ពី ២៧០ ០០០ គ្រឿង/ឆ្នាំ នៅឆ្នាំ ២០១៩ មកត្រឹម ១៥០ ០០០ គ្រឿង/ឆ្នាំ កាលពីឆ្នាំមុន។ ការលក់ប្រចាំឆ្នាំវិញ ក៏ធ្លាក់ចុះមកនៅត្រឹមក្រោម ១០០ ០០០ គ្រឿង ក្នុងរយៈពេលដូចគ្នាផងដែរ។
អ្នកនាំពាក្យដដែលរបស់ក្រុមហ៊ុន បានគូសបញ្ជាក់ថា ក្រុមហ៊ុន Honda និងក្រុមហ៊ុនមកពីជប៉ុនផ្សេងទៀត កំពុងប្រឈមមុខនឹងការប្រកួតប្រជែងខ្លាំងពីក្រុមហ៊ុនផលិតរថយន្តអគ្គិសនីចិន ដូចជា BYD ជាដើម ខណៈការធ្លាក់ចុះនៃការនាំចេញរថយន្តពីថៃទៅកាន់ប្រទេសឥណ្ឌា ក៏ជាផ្នែកមួយធ្វើឱ្យរោងចក្រនៅអយុធ្យាត្រូវបញ្ឈប់ការផលិតផងដែរ។
អ្នកនាំពាក្យនិយាយយ៉ាងបន្ថែមយ៉ាងដូច្នេះថា៖ «យើងមិនឃើញពីកំណើនទីផ្សាររថយន្តនៅថៃ ដូចដែលយើងបានរំពឹងទុកនោះទេ។ យើងចង់ផ្តោតលើរថយន្តអគ្គិសនីវិញ ទាំងរថយន្តអគ្គិសនីសុទ្ធ ឬកូនកាត់ (ស៊ីសាំង និងបញ្ជូលភ្លើង)»។
ជុំវិញបញ្ហានេះ សហព័ន្ធឧស្សាហកម្មថៃ (FTI) បាននិយាយថា ក្រុមហ៊ុន Honda បានប្ដេជ្ញារក្សាបរិមាណផលិតកម្មបច្ចុប្បន្នរបស់ខ្លួន ទោះបីជាការប្រកួតប្រជែងកំពុងមានភាពតានតឹង ចំពេលមានសេដ្ឋកិច្ចក្នុងស្រុកធ្លាក់ចុះក៏ដោយ។ អនុប្រធាន FTI និងជាអ្នកនាំពាក្យក្លឹបឧស្សាហកម្មរថយន្ត លោក Surapong Paisitpatanapong និយាយថា៖ «ក្រុមហ៊ុនផលិតរថយន្តអគ្គិសនីរបស់ចិន កំពុងផ្លាស់ប្តូរឧស្សាហកម្មពិភពលោក ដោយបង្ខំឱ្យក្រុមហ៊ុនផលិតរថយន្តជប៉ុនត្រូវឆ្លើយតបប្រកបដោយការប្រកួតប្រជែង»។
ការប្រកាសដដែលរបស់ Honda ធ្វើឡើងតែប៉ុន្មានថ្ងៃប៉ុណ្ណោះ ក្រោយក្រុមហ៊ុនផលិតរថយន្តអគ្គិសនីយក្សចិន បើកដំណើរការរោងចក្រផលិតរបស់ខ្លួននៅក្នុងប្រទេសថៃ៕
២០២៤ កម្ពុជា បញ្ជូនពលករទៅធ្វើការនៅថៃ ជាង ៣ ម៉ឺននាក់ ជួយលើកស្ទួយសេដ្ឋកិច្ចគ្រួសារកាន់តែប្រសើរ
ត្រីទីឡាបព្យាខ្មែរ ជប៉ុនច្នៃជាម្ហូបញាំឆៅជំនួសត្រីសាល់ម៉ុន
សួនឧស្សាហកម្មស្វាយចន្ទីទំហំជិត ៦០០ ហិកតា នឹងលេចរូបរាងនៅខេត្តកំពង់ធំ
អន្តរក្រសួង កំពុងរៀបចំគោលនយោបាយជួយដល់ជនងាយរងគ្រោះ និងទារកកំព្រា
កម្ពុជា-ឡាវ រក្សាជំហរមិនឱ្យមានកម្លាំងអមិត្តប្រើប្រាស់ទឹកដីខ្លួន ដើម្បីប្រឆាំងប្រទេសមួយទៀត
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?