ព័ត៌មានអន្ដរជាតិ
រដ្ឋមន្រ្តីក្រសួងហិរញ្ញវត្ថុថៃ៖ សេដ្ឋកិច្ចប្រទេសស្ថិតក្នុងស្ថានភាពមិនប្រាកដប្រជា ដោយកំណើនខ្សោយ
រដ្ឋមន្ត្រីហិរញ្ញវត្ថុថៃ លោក Pichai Chunhavajira បាននិយាយនៅថ្ងៃពុធនេះថា សេដ្ឋកិច្ចរបស់ប្រទេសថៃ ស្ថិតនៅក្នុងស្ថានភាពមិនប្រាកដប្រជាអស់រយៈពេលជាយូរមកហើយ ដោយសារតែកំណើនយឺត ជាមួយនឹងបញ្ហារចនាសម្ព័ន្ធផ្សេងៗ។
![](https://www.kampucheathmey.com/wp-content/uploads/2024/07/Thailand-ministry-of-Finance-1024x614.jpg)
ទីភ្នាក់ងារសារព័ត៌មានរ៉យទ័រ បានស្រង់សម្ដីលោក Pichai ដែលថ្លែងក្នុងសិក្ខាសាលាធុរកិច្ចមួយថា រដ្ឋាភិបាលថៃ កំពុងធ្វើការដើម្បីលើកកំណើនសេដ្ឋកិច្ចឱ្យបាន ៣ ភាគរយនៅឆ្នាំនេះ ខណៈការព្យាករណ៍បច្ចុប្បន្នបង្ហាញថា សេដ្ឋកិច្ចថៃនឹងកើនឡើងត្រឹមតែប្រហែល ២,៥ ភាគរយ ប៉ុណ្ណោះ។
រដ្ឋមន្រ្តីដដែលបានបន្ថែមថា វិស័យទេសចរណ៍នឹងជួយជំរុញសេដ្ឋកិច្ច ដោយភ្ញៀវទេសចរបរទេសយ៉ាងហោចណាស់ ៣៥ លាននាក់ រំពឹងថានឹងមកលេងថៃនៅឆ្នាំ ២០២៤ នេះ។ ក្នុងឆ្នាំ ២០១៩ ពោលគឺមុនវិបត្តិជំងឺកូវីដ១៩ ថៃទទួលភ្ញៀវទេសចរប្រមាណ ៤០ លាននាក់។
![](https://www.kampucheathmey.com/wp-content/uploads/2024/07/thailand-port-2-1024x614.jpg)
លោក Pichai ក៏បានលើកឡើងផងដែរថា បំណុលគ្រួសារបច្ចុប្បន្នឈរនៅជាង ៩០ ភាគរយ ធៀបនឹងផលិតផលក្នុងស្រុកសរុប (GDP) ដែលបញ្ហាត្រូវការដំណោះស្រាយជាបន្ទាន់ ខណៈមានបញ្ហាលើប្រាក់កម្ចី ដែលជាផ្នែកមួយធ្វើឱ្យសេដ្ឋកិច្ចថៃកើនយឺតយ៉ាវ។
កំណើនសេដ្ឋកិច្ចរបស់ថៃ កើនបានត្រឹមតែ ១,៩ ភាគរយប៉ុណ្ណោះកាលពីឆ្នាំមុន ដោយខ្សោយជាងប្រទេសជាច្រើនក្នុងតំបន់ផ្សេងទៀត ដោយសារតែការនាំចេញខ្សោយ រួមផ្សំជាមួយនឹងបំណុលគ្រួសារ និងថ្លៃកម្ចីខ្ពស់៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៦ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ២៣ ម៉ោង ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
សន្តិសុខសង្គម៦ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ