សេដ្ឋកិច្ច
ទំហំពាណិជ្ជកម្មទ្វេភាគីកម្ពុជា-ចិន កើនជាង ១៨% សរុបទឹកប្រាក់ជាង $៧,៣ ពាន់លាន
កម្ពុជារកបានប្រាក់ចំណូលជាង ៨១៤ លានដុល្លារ ពីការនាំទំនិញទៅប្រទេសចិននៅក្នុងឆមាសទី១ ឆ្នាំ ២០២៤ កើនឡើង ១៤.២ ភាគរយបើធៀបរយៈពេលដូចគ្នាកាលពីឆ្នាំមុន ខណៈពាណិជ្ជកម្មទ្វេភាគីមានជាង ៧,៣១ ពាន់លានដុល្លារ។ នេះបើយោងតាមអគ្គនាយកដ្ឋានគយ និងរដ្ឋាករកម្ពុជា (GDCE)។
![](https://www.kampucheathmey.com/wp-content/uploads/2024/07/photo_2024-07-10_16-11-31-1024x576.jpg)
ប្រភពដដែលបង្ហាញថា នៅក្នុងឆមាសទី១ ឆ្នាំ ២០២៤ ការនាំចេញ-នាំចូលរវាងកម្ពុជាចិន មានទឹកប្រាក់សរុប ៧,៣១ ពាន់លានដុល្លារ កើនឡើង ១៨,៨ ភាគរយ បើធៀបនឹងឆមាសទី១ ឆ្នាំ ២០២៣ ដែលមាន ៦,១៥ ពាន់លានដុល្លារ។
អគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា តុល្យភាពជញ្ជីងពាណិជ្ជកម្មនៅឆមាសទី១ ឆ្នាំ ២០២៤ គឺកម្ពុជាមានឱនភាព ៥,៦៨ ពាន់លានដុល្លារ។
![](https://www.kampucheathmey.com/wp-content/uploads/2024/07/PPSEZ2-3-1024x614.jpg)
លោក ឃឹម ហ្វីណង់ រដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ផលិតផលកសិផលជាច្រើនត្រូវបាននាំទៅកាន់ទីផ្សារប្រទេសចិន ដូចជាអង្ករ ដំឡូងមី ម្រេច មៀនប៉ៃលិន ស្វាយ ចេកជាដើម។ លោក ឃឹម ហ្វីណង់ បញ្ជាក់ថា ការនាំចេញទៅទីផ្សារបរទេសកើនឡើង ដោយសារកម្ពុជាបើកទីផ្សារថ្មីដូចជាប្រទេសចិនជាដើម។
លោក បណ្ឌិត ហុង វណ្ណៈ អ្នកជំនាញសេដ្ឋកិច្ចនៅរាជ្យបណ្ឌិតសភាកម្ពុជាប្រាប់កម្ពុជាថ្មីនៅថ្ងៃទី ១០ ខែកក្កដា ឆ្នាំ ២០២៤ថា ចាប់តាំងពីដំណាច់ឆ្នាំ ២០២៣ ទីផ្សារនៅក្នុងតំបន់អាស៊ាន និងប្រទេសចិនមានការបញ្ជាទិញច្រើន ដែលនាំឱ្យមានកំណើននាំចេញនៅរយៈពេល ៦ ខែកន្លងមកនេះ៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៦ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៧ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព១ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានអន្ដរជាតិ១ សប្តាហ៍ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១៨ ម៉ោង ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»