សេដ្ឋកិច្ច
ផ្ទាំងសូឡាខ្នាតតូចមិនលើស ១០ គីឡូវ៉ាត់ តភ្ជាប់ជាមួយបណ្ដាញជាតិ តម្រូវឱ្យប្រកាស តែគ្មានការបង់ប្រាក់នោះទេ
លោក កែវ រតនៈ រដ្ឋមន្ត្រីក្រសួងរ៉ែ និងថាមពលមានប្រសាសន៍នៅថ្ងៃទី ១១ ខែកក្កដា ឆ្នាំ ២០២៤ថា ប្រព័ន្ធអគ្គិសនីពន្លឺព្រះអាទិត្យខ្នាតតូច មិនលើសពី ១០ គីឡូវ៉ាត់ តភ្ជាប់ជាមួយបណ្តាញសាធារណៈត្រូវធ្វើស្វ័យប្រកាសទៅអ្នកផ្គត់ផ្គង់អគ្គិសនីនៅមូលដ្ឋាន ហើយមិនតម្រូវឱ្យបង់ប្រាក់ ឬសុំច្បាប់នោះទេ។
![](https://www.kampucheathmey.com/wp-content/uploads/2024/07/450464480_7806142549493337_1414412710634685028_n-1024x475.jpg)
លោករដ្ឋមន្ត្រីបញ្ជាក់ថា ការតភ្ជាប់ប្រព័ន្ធអគ្គិសនី ១០ គីឡូវ៉ាត់ចុះក្រោម ដែលប្រើប្រាស់នៅតាមលំនៅឋាន ឬទីតាំងអាជីវកម្មតម្រូវឱ្យប្រកាស និងរាយកាណ៍ដែលការរាយការណ៍នោះមានផលប្រយោជន៍ជាច្រើនរួមមាន ការទទួលបានភ្លើង ២៤ ម៉ោង និងស្ថិរភាពភ្លើង ការការពារសុវត្ថិភាព និងភាពស្របច្បាប់។
លោក កែវ រតនៈ បានបញ្ជក់ថា នៅពេលដែលយើងដាក់ផ្ទាំងសូឡានៅលើដំបូលផ្ទះ ឬអាគារ ១០ គីឡូវ៉ាចុះក្រោម គឺយើងមានភ្លើងប្រើតែពេលថ្ងៃប៉ុន្មានម៉ោងប៉ុណ្ណោះ ដូច្នេះនៅពេលដែលយើងប្រកាសទៅឱ្យអ្នកលក់អគ្គិសនី បណ្ដាញជាតិនឹងដឹងថាយើងមានតម្រូវការភ្លើងប៉ុណ្ណា ដូច្នេះគេនឹងត្រៀមភ្លើងទុកបម្រុងជូន។ «មានន័យថា ពេលដែលយើងអត់ភ្លើងពីបណ្ដាញពន្លឺព្រះអាទិត្យ ដោយសារពពក ភ្លៀង ឬយប់ ហើយត្រូវការយកភ្លើងពីបណ្ដាញជាតិមកប្រើ យើងអាចយកភ្លើងនោះគ្រប់ពេលបានទាំងអស់ ក្រៅពីទទួលបានផលប្រយោជន៍ពីការបម្រុងទុកភ្លើងរបស់បណ្ដាញសាធារណៈឱ្យយើងប្រើ ២៤ ម៉ោង»។ លោក រដ្ឋមន្ត្រីបន្ថែម។
![](https://www.kampucheathmey.com/wp-content/uploads/2024/07/179709924_261835962289284_7698181731485901366_n-1024x767.jpg)
លោក កែវ រតនៈ បានបន្តថា ផលប្រយោជន៍មួយទៀត គឺគុណភាពភ្លើង នៅពេលដែលយើងបានចុះបញ្ជី ប្រព័ន្ធបណ្ដាញសាធារណៈ អគ្គិសនីកម្ពុជា ដែលជាអ្នកទ្រទ្រង់បណ្ដាញជាតិគឺគេនឹងត្រូវវិនិយោគទៅលើប្រព័ន្ធទប់រំញ័រពីព្រោះពន្លឺព្រះអាទិត្យប្រែប្រួលឡើងចុះៗ ទៅតាមអាកាសធាតុ។ ដូច្នេះនៅពេលដែលគេទប់រំញ័រឱ្យនេះ យើងបានភ្លើងមួយដែលមានគុណភាពល្អ យើងប្រើប្រាស់ឧបករណ៍ របស់យើងងាយស្រួល មិនថាលំនៅឋាន ឬអាជីវកម្ម។
ក្រៅពីនេះ វាជាការការពារសុវត្ថិភាពសម្រាប់ខ្លួនឯង ដែលការតភ្ជាប់ធ្វើឡើងស្របតាមលក្ខណៈបច្ចេកទេសត្រឹមត្រឹមត្រូវ មិនបង្កឱ្យមានការឆេះជាដើម។
ម្យ៉ាងទៀត ក៏ការពារមិនឱ្យមានការជ្រាបថាមពលហូរទៅតាមប្រព័ន្ធបណ្ដាញសាធារណៈបញ្ច្រាស់មកវិញនៅពេលដែលអគ្គិសនីកម្ពុជាធ្វើការជួសជុលអ្វីមួយ។ និងផលប្រយោជន៍មួយទៀត គឺភាពស្របច្បាប់កម្ពុជា។
លោក កែវ រតនៈ បានបញ្ជាក់កាលពីពេលថ្មីៗនេះថា ប្រព័ន្ធផ្ទាំងសូឡាខ្នាតតូចដែលមានអានុភាពចាប់ពី ៥០ វ៉ាត់ដល់ ៥០០ វ៉ាត់ ប្រមាណ ១២ ម៉ឺនខ្នងផ្ទះ ត្រូវបានដាក់ពង្រាយ ដោយមិនចាំបាច់ប្រកាស និងរាយការណ៍សុំច្បាប់នោះទេ ហើយការប្រើសូឡាបូបទឹកដែលមានទំហំធំមិនភ្ជាប់ជាមួយបណ្ដាញសាធារណៈក៏មិនតម្រូវឱ្យប្រកាសដូចគ្នាផងដែរ៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៥ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៥ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម១៦ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៤ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង