ព័ត៌មានអន្ដរជាតិ
ការលក់រថយន្តអគ្គិសនីពិភពលោកកើនឡើងជាង ១០ ភាគរយនៅខែមិថុនា ប៉ុន្តែធ្លាក់ចុះនៅអឺរ៉ុប
របាយការណ៍ពីក្រុមហ៊ុនស្រាវជ្រាវទីផ្សារ Rho Motion បានបង្ហាញថា ការលក់រថយន្តអគ្គិសនី រួមទាំងប្រភេទរថយន្តកូនកាន់ (ស៊ីប្រេង និងភ្លើង) បានកើនឡើងប្រមាណ ១៣ ភាគរយ នៅទូទាំងពិភពលោកកាលពីខែមិថុនា ដោយការលក់នៅចិនកើនឡើងខ្ពស់ដាច់គេ ប៉ុន្តែនៅអឺរ៉ុប ធ្លាក់ចុះ។
អ្នកគ្រប់គ្រងផ្នែកទិន្នន័យរបស់ Rho Motion លោក Charles Lester បានប្រាប់ទីភ្នាក់ងារសារព័ត៌មានរ៉យទ័រថា ប្រទេសចិនរួមចំណែកប្រមាណ ៦០ ភាគរយនៃកំណើនសរុប ដោយសារតែវត្តមានកាន់តែច្រើននៃរថយន្តអគ្គិសនីលើទីផ្សារចិន ហើយរថយន្តអគ្គិសនី BYD ក៏លក់ដាច់ខ្លាំង ខណៈតម្រូវការរថយន្តកូនកាត់ ក៏កើនឡើងក្នុងឆមាសទី១នៃឆ្នាំនេះ។
លោក Lester បានគូសបញ្ជាក់ជាលម្អិតថា ការលក់រថយន្តកូនកាន់ទូទាំងពិភពលោក បានកើនឡើងដល់ ១,៤ លានគ្រឿងក្នុងខែមិថុនា។ ០,៨៦ លានគ្រឿងក្នុងនោះ ស្ថិតនៅក្នុងប្រទេសចិន ដែលស្មើនឹងកំណើនក្នុងស្រុក ២៥ ភាគរយ ធៀបនឹងរយៈពេលដូចគ្នាកាលពីឆ្នាំមុន។
លោកបានបន្ថែមថា នៅអឺរ៉ុប ការលក់ប្រចាំខែបានធ្លាក់ចុះ ៧ ភាគរយមកនៅត្រឹម ០,៣០ លានគ្រឿង ដោយប្រទេសហ្វាំងឡង់ អៀរឡង់ និងហូឡង់ បានធ្លាក់ចុះច្រើនជាងគេ ខណៈអ៊ីតាលីឯណោះវិញ បានកត់ត្រាពីកំណើនកប់ពពករហូតដល់ ៣៤ ភាគរយ ក្រោមគោលនយោបាយលើកទឹកចិត្តឱ្យប្រើរថយន្តអគ្គិសនីរបស់រដ្ឋាភិបាល។
នៅខែមិថុនាដដែល ប្រទេសកាណាដា និងសហរដ្ឋអាមេរិក បានមើលឃើញពីកំណើន ៦ ភាគរយនៃការលក់រថយន្តកូនកាត់ ដល់ប្រមាណ ០,១៤ លានគ្រឿង។
លោក Lester បាននិយាយក្នុងសេចក្តីថ្លែងការណ៍ថា៖ «រូបភាពទាំងមូលគឺថា ឆ្នាំ ២០២៤ នឹងមិនមានកំណើនដ៏ធំក្នុងវិស័យរថយន្តអគ្គិសនី ដូចមនុស្សមួយចំនួនសង្ឈឹមទុកនោះទេ ហើយយើងបានបន្ថយការព្យាករ ៥ ភាគរយ ដោយថា រថយន្តអគ្គិសនីនឹងលក់បានត្រឹម ១៦,៦ លានគ្រឿងប៉ុណ្ណេះក្នុងឆ្នាំនេះ»។ លោកថា វិសមភាពនៃការលក់តាមតំបន់ គឺជាចំណុចគឺឱ្យកត់សម្គាល់មួយ។
បើតាមរ៉យទ័រ តម្រូវការលក់រថយន្តអគ្គិសនីបានថយចុះក្នុងរយៈពេលប៉ុន្មានខែថ្មីៗនេះក្រោយកើនឡើងយ៉ាងខ្លាំងអស់រយៈពេលជាច្រើនឆ្នាំ។ ការថយចុះ ក៏រួមចំណែកផងដែរ ពីការដាក់វិធានការបន្ថែមពន្ធរបស់លោកខាងលិច លើរថយន្តអគ្កិសនីនាំចូលពីចិន៕
រដ្ឋាភិបាល ជំរុញបើកការដ្ឋានស្ថាបនាផ្លូវជាតិលេខ ៦៧ និង លេខ ៦៨ ឱ្យបានលឿន
ការនាំចេញរបស់វៀតណាមទៅហ្វីលីពីនកើនដល់ ៦ ប៊ីលានដុល្លារ ខ្ពស់បំផុតក្នុងកំណត់ត្រា
គណបក្សប្រជាជនកម្ពុជារៀបចំសន្និបាតគណៈកម្មាធិការកណ្តាលលើកទី៤៥ អាណត្តិទី៥
លោក លៀក លីដា យល់ថា ភាពយន្តខ្មែរអាចនឹងដើរថយក្រោយ និងចង់ឱ្យរួមគ្នាគិតដើម្បីវិស័យនេះរីកចម្រើន
ក្រុមហ៊ុនហូលឌីងត្រូវបានអនុញ្ញាតឱ្យធ្វើការបោះផ្សាយមូលបត្រកម្មសិទ្ធិនៅកម្ពុជា
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១៩ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ agoយោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត