សេដ្ឋកិច្ច
ការនាំចេញរបស់កម្ពុជាទៅវៀតណាម សម្រេចបានទំហំទឹកប្រាក់ជាង $២ ពាន់លាន កើនឡើងជាង ៤០%
នៅក្នុងឆមាសទី០១ ឆ្នាំ ២០២៤ ការនាំចេញទំនិញរបស់កម្ពុជាទៅកាន់ទីផ្សារប្រទេសវៀតណាមសម្រេចបានទឹកប្រាក់ជាង ២,០២ ពាន់លានដុល្លារ មានការកើនឡើង ៤១,៨ ភាគរយ ដែលមានទឹកប្រាក់ ១,៤២ ពាន់លានដុល្លារ កាលពីឆ្នាំមុន ធៀបនឹងរយៈពេលដូចគ្នា។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា (GDCE)។
ក្នុងនោះការនាំចូលរបស់វៀតណាមមកកម្ពុជាក៏មានទំហំទឹកប្រាក់ប្រដំប្រសងគ្នាប្រមាណ ២,០២ ពាន់លានដុល្លារ មានកំណើនជិត ៨ ភាគរយ។
លោកបណ្ឌិត ឆេង គឹមឡុង ប្រធានវិទ្យាស្ថានចក្ខុវិស័យអាស៊ី (AVI) ប្រាប់កម្ពុជាថ្មីកន្លងមកថា សេដ្ឋកិច្ចវៀតណាមមានការរីកច្រើនយ៉ាងឆាប់រហ័សចាប់តាំងពីដើមសតវត្សទី ២១ បន្ទាប់ពីការធ្វើសេរីភាវូបនីយកកម្មវិស័យសេដ្ឋកិច្ចរបស់ខ្លួន។
លោកបណ្ឌិត ឆេង គឹមឡុង បន្តថា កិច្ចព្រមព្រៀងពាណិជ្ជកម្មសេរីជាមួយសហគន៍អឺរ៉ុបកាលពីពេលថ្មីៗនេះ និងការធ្វើឱ្យទំនាក់ទំនងកាន់តែស៊ីជម្រៅជាមួយប្រទេសជាច្រើន នៅចំពេលដែលអាមេរិក និងអឺរ៉ុបមានវិធានការរឹតបន្តឹងផ្នែក សេដ្ឋកិច្ចប្រឆាំងចិនដែលផ្ដល់ផលចំណេញទៅវៀតណាម។
លោកបញ្ជាក់ថា ពាណិជ្ជកម្មសេរីអាស៊ាន និង RCEP ក៏បានជំរុញពាណិជ្ជកម្មរវាងកម្ពុជា-វៀតណាមផងដែរ នេះមានន័យថា ប្រាក់ចំណូលកើនឡើង និងកម្រិតនៃការប្រើប្រាស់ក្នុងស្រុកក៏កើន រួមជាមួយនឹងតម្រូវការច្រើនជាងមុនសម្រាប់ការនាំចេញរបស់វៀតណាម ដែល ធ្វើឱ្យការនាំចេញរបស់កម្ពុជាទៅវៀតណាមកើនឡើងដើម្បីបំពេញតម្រូវការទាំងនោះ។
អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានឱ្យដឹងថា ទំនិញដែលនាំចេញពីកម្ពុជាទៅវៀតណាម ភាគច្រើនជាផលិតផលកសិកម្មមិនទាន់កែច្នៃ ដូចជាស្វាយចន្ទី ស្រូវ ជាដើម ខណៈវៀតណាមក៏ត្រូវការវត្ថុធាតុដើមពីកម្ពុជាដែរ។
អ្នកឧកញ៉ា លឹម ហេង បញ្ជាក់ថា៖ «ផលិតផលកសិកម្មបានកើនឡើងពីមួយឆ្នាំទៅមួយឆ្នាំ ហើយបើគ្មានទីផ្សារបញ្ចេញទៅវៀតណាម និងប្រទេសថៃ យើងនឹងកកស្ទះ មិនអាចកែច្នៃទាន់ទេ ដូច្នេះទីផ្សារប្រទេសជិតខាងយើង ជាទីផ្សារដ៏ល្អរបស់យើង»៕
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា