ព័ត៌មានជាតិ
កម្ពុជារំពឹងនឹងទទួលបានភ្ញៀវទេសចរអន្តរជាតិបន្ថែមទៀតមកពីវៀតណាមក្រោយមានការហោះហើរត្រង់ពីទីក្រុងហាណូយ-ភ្នំពេញនាខែតុលា
តំណាងឯកជននៅក្នុងវិស័យទេសចរណ៍មានសុទិដ្ឋិនិយមខ្ពស់លើរំហូរភ្ញៀវទេសចរអន្តរជាតិមកពីតាមច្រកវៀតណាម បន្ទាប់ពីក្រុមហ៊ុនអាកាសចរណ៍ Vietnam Airlinesសម្រេចបើកការហោះហើរត្រង់ពីទីក្រុងហាណូយមកកាន់រាជធានីភ្នំពេញចាប់ពីខែតុលាដើម្បីចូលរួមផ្សព្វផ្សាយយុទ្ធនាការទេសចរណ៍ប្រទេសពីរគោលដៅតែមួយ។
![](https://www.kampucheathmey.com/wp-content/uploads/2024/07/Vietnam-Airline-2.jpg)
កាលពីថ្ងៃទី១៣ខែកក្កដាកន្លងទៅនេះ ក្រុមហ៊ុនអាកាសចរណ៍ Vietnam Airlines បានប្រកាសដាក់ឱ្យដំណើការហោះហើរត្រង់លើដំណាក់ផ្លូវខាងលើ ដោយផ្លាស់ប្តូរពីការហោះហើរឈប់នៅទីក្រុងវៀងច័ន្ទប្រទេសឡាវ រួចមកកាន់រាជធានីភ្នំពេញ។ សម្រាប់ផ្លូវថ្មីនេះគ្រោងនឹងចាប់ផ្តើមនៅថ្ងៃទី ២៧ ខែតុលា ឆ្នាំ ២០២៤ ជាមួយនឹងការហោះហើរចចំនួន៤ ជើងក្នុងមួយសប្តាហ៍នៅថ្ងៃច័ន្ទ ពុធ សុក្រ និងថ្ងៃអាទិត្យដោយប្រើប្រាស់យន្តហោះ Airbus A៣២១។
«ទន្ទឹមនឹងដំណើរទស្សនកិច្ចផ្លូវរដ្ឋរបស់ឯកឧត្តមតូ ឡឹម ( To Lam) ប្រធានរដ្ឋ នៃសាធារណរដ្ឋសង្គមនិយមវៀតណាមមកកាន់ព្រះរាជាណាចក្រកម្ពុជា ក្រុមហ៊ុនអាកាសចរណ៍វៀតណាមបានប្រកាសបើកដំណើរការសេវាកម្មហោះហើររវាងទីក្រុងហាណូយ និងរាជធានីភ្នំពេញ»។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុនអាកាសចរណ៍នេះ។
![](https://www.kampucheathmey.com/wp-content/uploads/2024/07/Vietnam-Airline-3-1024x614.jpg)
ជាមួយគ្នានេះដែរ ក្រុមហ៊ុនអាកាសចរណ៍បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយដៃគូសំខាន់ៗក្នុងប្រទេសកម្ពុជា ដើម្បីជំរុញការអភិវឌ្ឍវិស័យអាកាសចរណ៍ និងទេសចរណ៍រវាងប្រទេសទាំងពីរ។
លោក ស សារិន អនុប្រធានភ្នាក់ងារទេចរណ៍កម្ពុជា(CATA) ដែលបានចូលរួមពិធីប្រកាសការបើកជើងហោះហើរត្រង់នេះថា កន្លងមកក្រុមហ៊ុនអាកាសចរណ៍នេះធ្លាប់ធ្វើការហោះហើររួចហើយ ប៉ុន្តែពីហាណួយឈប់នៅទីក្រុងវាំងច័ន្ទប្រទេសឡាវសិន ទើបមកភ្នំពេញ ប៉ុន្តែឥឡូវនេះគឺក្រុមហ៊ុននេះនឹងហោះហើរត្រង់ពីហាណូយមកភ្នំពេញ និងពីភ្នំពេញទៅហាណូយតែម្តង។
លោកបានថ្លែងថា៖«សម្រាប់ទីផ្សាររបស់ក្រុមហ៊ុនអាកាសចរណ៍នេះមានទីផ្សារធំទូលាយដែលពួកយើងជាប្រតិបត្តិករបានធ្វើការជាមួយ។ សម្រាប់ជើងហោះហើរត្រង់ពីហាណូយទៅសៀមរាបក្រុមហ៊ុនបានដំណើការយូរមកហើយ។ ឥឡូវនេះក្រុមហ៊ុនបានសម្រេចធ្វើការបង្កើនការហោះហើរត្រង់ពីហាណូយមកភ្នំពេញដោយសារក្រុមហ៊ុនមើលឃើញថាភ្ញៀវទេសចរអាចទស្សនានៅទីក្រុងហាណូយគឺអាចមកទស្សនាប្រទេសកម្ពុជាយើងបានផងដែរ»។
លោកថា៖«ការណ៍នេះនឹងផ្តល់ភាពងាយស្រួលដល់ភ្ញៀវទេចរដែលពួកគេអាចទស្សនាប្រទេសយើងទាំងពីរដោយពុំចាំបាច់ចំណាយពេលហោះហើរច្រើនមិនបាចឈប់ចតតាមផ្លូវ ហើយតម្លៃសំបុត្រក៏ធូរថ្លៃផងដែរដូច្នេះភ្ញៀវទេចរគាត់អាចធ្វើការទស្សនាប្រទេសវៀតណាមនិងកម្ពុជាយើងដែលការចំណាយក៏តិចជាងមុនផងដែរ។ ពីមុនយើងឃើញមានភ្ញៀវឥណ្ឌានិងអឺរ៉ុបច្រើនបានទៅទស្សនាទីក្រុងហាណូយ និងមកទស្សនាប្រទេសកម្ពុជាយើង ដូច្នេះការហោះហើរត្រង់នេះគឺជាឪកាសសម្រាប់ប្រទេសយើងក្នុងការរៀបចំខ្លួនស្វាគមន៍ពួកគេ»។
![](https://www.kampucheathmey.com/wp-content/uploads/2024/07/Phnom-Penh2-1.jpg)
ក្នុងរយៈពេលបីទសវត្សរ៍កន្លងមកនេះ ក្រុមហ៊ុនអាកាសចរណ៍វៀតណាមបានដឹកជញ្ជូនអ្នកដំណើរជិត ៨,២ លាននាក់ និងទំនិញចំនួន ២៨ ៤០០ តោន ដែលមានជើងហោះហើរជាង ៨១ពាន់រវាងប្រទេសវៀតណាម និងកម្ពុជា។
យោងតាមរបាយការណ៍ក្រសួងទេសចរណ៍សូមជម្រាបជូនថា ចាប់ពីខែមករា ដល់ខែឧសភា ដើមឆ្នាំ២០២៤នេះ កម្ពុជា ទទួលបានភ្ញៀវទេសចរអន្តរជាតិសរុបប្រមាណ ២,៦លាននាក់ កើនឡើងជាង២២ភាគរយ ធៀបនឹងរយៈពេលដូចគ្នាក្នុងឆ្នាំ២០២៣។ ក្នុងនោះភ្ញៀវទេសចរចូលមកតាមផ្លូវអាកាសមានប្រមាណ ៩៨៦ ៤៣៥នាក់ ផ្លូវគោកមានជាង ១,៦លានដនាក់ និងផ្លូវទឹកមានជាង៤២ពាន់នាក់៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ១៤ ម៉ោង ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ២ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ១ សប្តាហ៍ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ជីវិតកម្សាន្ដ១៩ ម៉ោង ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៤ ថ្ងៃ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
សុខភាព៦ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ