ព័ត៌មានជាតិ
កម្ពុជាគ្រោងនឹងពង្រីកការទូទាត់ឆ្លងដែននៅតាមបណ្តាប្រទេសចំនួន៦បន្ថែមទៀត
កម្ពុជាគ្រោងនឹងពង្រីកការទូទាត់ឆ្លងដែននៅតាមបណ្តាប្រទេសចំនួន៦បន្ថែមទៀត ខណៈ បច្ចប្បន្នបានដាក់ឱ្យដំណើរការគម្រោងទូទាត់ឆ្លងដែន ជាមួយប្រទេសថៃ ឡាវ វៀតណាម ។ នេះបើយោងតាមមន្រ្តីជាន់ខ្ពស់នៃធនាគារជាតិនៃកម្ពុជា (NBC)។
ថ្លែងបើកសន្និបាតបូកសរុបការងារឆមាសទី១និងលើកទិសដៅសម្រាប់ឆមាសទី២ឆ្នាំ២០២៤របស់ធនាគារជាតិនៃកម្ពុជានៅព្រឹកថ្ងៃទី១៩កក្កដានេះ លោកស្រីបណ្ឌិត ជាសិរី ទេសាភិបាលធនាគារជាតិនៃកម្ពុជាបានមានប្រសាសន៍ថាធនាគារជាតិនៃកម្ពុជាបានអភិវឌ្ឍ ប្រព័ន្ធទូទាត់ ដើម្បីធ្វើឱ្យការទូទាត់កាន់តែងាយស្រួល សុវត្ថិភាព និងឆាប់រហ័ស មិនថាការ ទូទាត់ឆ្លងគ្រឹះស្ថានក្នុងស្រុក និងការទូទាត់ឆ្លងដែននោះទេ សំដៅគាំទ្រការអភិវឌ្ឍសេដ្ឋ កិច្ចនិងសង្គមឌីជីថល។
លោកស្រីបណ្ឌិត បានថ្លែងបន្តទៀតថា ក្នុងចំណោមប្រព័ន្ធទូទាត់ទាំងអស់ ប្រព័ន្ធទូទាត់បាគង បាននិងកំពុងបំពេញមុខងារកាន់តែសំបូរបែបជូនដល់អ្នកប្រើប្រាស់ ប្រាស់ប្រព័ន្ធនេះឱ្យកើនឡើងជាបន្តបន្ទាប់ ដែលបានជំរុញការប្រើ និងរួមចំណែកដល់ការលើកកម្ពស់បរិយាបន្ន ហិរញ្ញវត្ថុ និងមុខមាត់កម្ពុជានៅលើឆាកអន្តរជាតិ។
លោកស្រី បណ្ឌិត ជាសិរី បានបន្តថា៖« ធនាគារជាតិនៃកម្ពុជាបានដាក់ឱ្យដំណើរការគម្រោងទូទាត់ឆ្លងដែន ជាមួយប្រទេសថៃ ឡាវ វៀតណាម និងក្រុមហ៊ុនអន្តរជាតិយូញៀនផេ ព្រមទាំងកំពុងពង្រីកគម្រោងទូទាត់ឆ្លងដែនជាមួយប្រទេសផ្សេងទៀតក្នុងតំបន់ និងដៃគូ សហការនានា ដូចជា ប្រទេសចិន ជប៉ុន ឥណ្ឌា កូរ៉េ សិង្ហបុរី និងម៉ាឡេស៊ី ជាដើម»។
លោកស្រីបណ្ឌិតបានបន្តទៀតថា៖ នៅក្នុងសម័យកាលដែលបច្ចេកវិទ្យារីកចម្រើនយ៉ាងឆាប់រហ័សនេះ ឧក្រិដ្ឋកម្មសាយប័រក៏បានកើត ឡើងផងដែរនិងបានក្លាយជាការព្រួយបារម្ភយ៉ាងខ្លាំងចំពោះការអភិវឌ្ឍសេដ្ឋកិច្ចនិងហិរញ្ញ វត្ថុទាំងកម្រិតមីក្រូនិងម៉ាក្រូ។
លោកស្រីបណ្ឌិតបានថ្លែងថា៖«ធនាគារជាតិនៃកម្ពុជាបានពង្រឹងការគ្រប់គ្រងហានិភ័យ សាយប័រឱ្យកាន់តែមានប្រសិទ្ធភាព រួមទាំងផ្តោតសំខាន់លើការការពារទិន្នន័យ និង គ្រប់គ្រងហានិភ័យនៃបច្ចេកវិទ្យាថ្មីៗ ដើម្បីធានាបាននូវភាពរឹងមាំរបស់ប្រព័ន្ធប្រតិបត្តិការធនាគារ និងជំរុញការផ្តល់សេវាធនាគារប្រកបដោយនវានុវត្តន៍»។
បើយោងតាមរបាយការណ៍របស់ NBC ប្រតិបត្តិការជាប្រាក់រៀលតាមប្រព័ន្ធ បាគងមានចំនួនសរុប ៧៥,៥ លានប្រតិបត្តិការដែលកើន ១,៨ ដង ឬគិតជាទឹកប្រាក់ស្មើ នឹង ៦៤,៩ ទ្រីលានរៀលដែលកើន ១,៤ ដង និងប្រតិបត្តិការជាប្រាក់ដុល្លារអាមេរិក ៩៩,៨ លានប្រតិបត្តិការ ឬស្មើនឹងទឹកប្រាក់ ៣៨,៨ ប៊ីលានដុល្លារអាមេរិកដែលមានកំណើន ១,៣ ដង៕
អត្ថបទ៖សំអឿន
-
ព័ត៌មានជាតិ៥ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៤ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៣ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ៤ ថ្ងៃ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៥ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
សេដ្ឋកិច្ច៣ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ១ សប្តាហ៍ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
ព័ត៌មានអន្ដរជាតិ៤ ថ្ងៃ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា