ព័ត៌មានអន្ដរជាតិ
ចិនកាត់បន្ថយអត្រាការប្រាក់កម្ចីសំខាន់ៗ ដើម្បីជំរុញសេដ្ឋកិច្ចយឺតយ៉ាវ
ធនាគារកណ្ដាលចិនកាលពីថ្ងៃចន្ទ ចេញចំណាត់ការដ៏គួរឱ្យភ្ជាក់ផ្អើលសម្រាប់ទីផ្សារ ដោយកាត់បន្ថយអត្រាការប្រាក់កម្ចីសំខាន់ៗទាំងសម្រាប់រយៈពេលវែង និងខ្លី ដើម្បីជាជំហានជំរុញសេដ្ឋកិច្ច ដែលស្ថិតក្នុងកំណើនយឺតយ៉ាវ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ធនាគារប្រជាជនចិន (PBOC) ដែលជាធនាគារកណ្ដាល បាននិយាយកាលពីថ្ងៃចន្ទថា ខ្លួននឹងកាត់បន្ថយអត្រាការប្រាក់ «Reverse Repo» (អត្រាការប្រាក់ដែលធនាគារកណ្ដាលទិញសន្ទនីយភាពពីធនាគារពាណិជ្ជ) រយៈពេល៧ថ្ងៃ មកត្រឹម ១,៧ ភាគរយ ពី ១,៨ ភាគរយ ដែលនេះជាការកាត់បន្ថយលើកដំបូងបំផុត រាប់ចាប់តាំងពីខែសីហា ឆ្នាំ ២០២៣។
បន្ទាប់មកទៀត ក្នុងថ្ងៃដដែល PBOC បានប្រកាសបញ្ចុះអត្រាការប្រាក់សម្រាប់កម្ចីរយៈពេលមួយឆ្នាំ(LPR) ពី៣,៤៥ ភាគរយ មកនៅត្រឹម ៣,៣៥ ភាគរយ និងអត្រាការប្រាក់សម្រាប់កម្ចីរយៈពេល៥ឆ្នាំ ពី ៣,៩៥ ភាគរយ មកត្រឹម ៣,៨៥ ភាគរយ។
គូសបញ្ជាក់ថា ការប្រកាសកាត់បន្ថយនេះ ធ្វើឡើងតែប៉ុន្មានថ្ងៃប៉ុណ្ណោះក្រោយថ្នាក់ដឹកនាំបក្សកុម្មុយនិស្តចិនបានជួបប្រជុំគ្នាដើម្បីកំណត់ទិសដៅសេដ្ឋកិច្ច និងបន្ទាប់ពីប្រទេសដែលមានសេដ្ឋកិច្ចដ៏ធំជាងគេបំផុតទី២ដដែល បានរាយការណ៍ពីកំណើនសេដ្ឋកិច្ចយឺតជាងការរំពឹងទុកប្រមាណ ៤,៧ ភាគរយក្នុងត្រីមាសទី២ កាលពីសប្ដាហ៍មុន។
ឆ្នាំ ២០២៤ នេះ រដ្ឋាភិបាលចិនបានប្ដេជ្ញាឱ្យសម្រេចបាននូវគោលដៅកំណើនសេដ្ឋកិច្ចប្រមាណ ៥ ភាគរយ ដោយដាក់ចេញនូវគោលនយោបាយផ្សេងៗ ដើម្បីស្ដារសន្ទុះសេដ្ឋកិច្ច ដែលយឺតយ៉ាវដោយសារតែបរិត្តផរណា កម្សោយនៃ តម្រូវការក្នុងស្រុក ក៏ដូចជាការអូសបន្លាយនៃវិបត្តិអចលនទ្រព្យជាដើម។ យ៉ាងណាមិញ ប្រសិទ្ធភាពនៃវិធានការទាំងនោះ ហាក់នៅតែមានកម្រិត ដែលធ្វើឱ្យចិនត្រូវពឹងផ្អែកខ្លាំងលើការនាំចេញ ដើម្បីសម្រេចបានគោលដៅកំណើនរបស់ខ្លួន៕
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?