ព័ត៌មានអន្ដរជាតិ
សេដ្ឋកិច្ចអាមេរិកកើនលឿនគួរឱ្យកត់សម្គាល់ ក្នុងត្រីមាសទី២ ជំរុញដោយការចំណាយរបស់អ្នកប្រើប្រាស់
សេដ្ឋកិច្ចអាមេរិក បានកើនឡើងលឿនជាងការរំពឹងទុកក្នុងត្រីមាសទី ២ ដែលជំរុញដោយកំណើនយ៉ាងរឹងមាំក្នុងការចំណាយរបស់អ្នកប្រើប្រាស់ និងការវិនិយោគអាជីវកម្ម។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការិយាល័យវិភាគសេដ្ឋកិច្ចរបស់ក្រសួងពាណិជ្ជកម្ម បាននិយាយក្នុងរបាយការណ៍ចេញផ្សាយកាលពីថ្ងៃព្រហស្បតិ៍ ថា ផលិតផលក្នុងស្រុកសរុប (GDP)របស់អាមេរិក បានកើនឡើងក្នុងអត្រាប្រចាំឆ្នាំ ២,៨ ភាគរយ កាលពីត្រីមាសទី២។ នោះគឺជាកំណើនទ្វេដង ពីអត្រា ១,៤ ភាគរយ ក្នុងត្រីមាសទី១ ឆ្នាំ ២០២៤។
គេមើលឃើញថា តួលេខនេះបង្ហាញពីកំណើនលឿនជាងការរំពឹងទុករបស់សេដ្ឋវិទូ ដែលដាក់កំណើន GDP ក្នុងត្រីមាសដដែល ត្រឹមរង្វង់ ២,០ ភាគរយ។ យ៉ាងណាមិញ អត្រាកំណើនក្នុងឆមាសទី១មានជាមធ្យម ២,១ ភាគរង ពោលគឺស្មើនឹងពាក់កណ្ដាលនៃកំណើន ៤,២ ភាគរយ នៃឆមាសចុងក្រោយ ឆ្នាំ ២០២៣។
បើតាមតួលេខ កំណើនក្នុងត្រីមាសទី២ ត្រូវបានជំរុញដោយភាពរឹងមាំនៃការចំណាយរបស់អ្នកប្រើប្រាស់ និងការវិនិយោគលើអាជីវកម្ម គួបផ្សំនឹងការបង្កើនការចំណាយរបស់រដ្ឋាភិបាលអាមេរិក។
ការចំណាយរបស់អ្នកប្រើប្រាស់ដែលរួមចំណែកច្រើនជាង ២/៣ នៃសេដ្ឋកិច្ចអាមេរិក បានកើនឡើងក្នុងអត្រាប្រហែល ២,៣ ភាគរយ ក្រោយយឺតយ៉ាវក្នុងរង្វង់ ១,៥ ភាគរយក្នុងត្រីមាសទី១។ នេះជំរុញដោយការកើនឡើងនៃការចំណាយលើសេវាកម្មដូចជា ការថែទាំសុខភាព លំនៅដ្ឋាន និងសម្ភារៈប្រើប្រាស់ ព្រមទាំងការទស្សនាមជ្ឈមណ្ឌលកីឡា ឧទ្យាន រោងកុន និងសារមន្ទីរ និងការលេងល្បែងស៊ីសងជាដើម។
ការវិនិយោគអាជីវកម្មបានកើនឡើងក្នុងអត្រា ១១,៦ ភាគរយ ពីកំណើនត្រឹមតែ ១,៦ ភាគរយក្នុងត្រីមាសទី១ ដែលជំរុញដោយការបង្កើនការទិញឧបករណ៍ដូចជាសម្រាប់យន្តហោះ ខណៈការចំណាយលើផលិតផលកម្មសិទ្ធិបញ្ញា ក៏បន្តកើនឡើង។
អ្នកវិភាគលើកឡើងថា កំណើនសេដ្ឋកិច្ចអាមេរិកស្ថិតនៅក្នុងស្ថានភាពរឹងមាំ ដោយមិនក្ដៅពេក មិនត្រជាក់ពេក។ ចំណែកឯអតិផរណាក៏ដូចគ្នា ដែលអាចឱ្យធនាគារកណ្ដាលកាត់បន្ថយអត្រាការប្រាក់តឹងតែងរបស់ខ្លួននៅខែកញ្ញាខាងមុខ។ ទោះជាយ៉ាងណាក៏ដោយ ទស្សនវិស័យសម្រាប់ឆមាសទី២នៃឆ្នាំនេះ មានភាពអាប់អួរ ដោយទីផ្សារការងារកំពុងធ្លាក់ចុះ ដែលនឹងប៉ះពាល់ដល់ការដំឡើងប្រាក់ឈ្នួល ដែលកត្តាបង្កើនការចំណាយលើតម្រូវការរបស់អ្នកប្រើប្រាស់៕
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
លោក Yoon ចូលពេទ្យយោធា ក្រោយចេញពីសវនាការតុលាការធម្មនុញ្ញ
លោក សាន ផានិត ប្រតិកម្មតបទៅអ្នករិះគន់អតីតកាលនៃអាជីពចម្រៀងរបស់ខ្លួន
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ