ព័ត៌មានអន្ដរជាតិ

សកម្មភាពរោងចក្រចិន ទំនងបន្តធ្លាក់ចុះនៅខែកក្កដា

បានផុស

៦ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

ទិន្នន័យជាមធ្យមរបស់ទីភ្នាក់ងារសារព័ត៌មានរ៉យទ័រ ពីការស្ទង់មតិសេដ្ឋវិទូ ៣១ រូប បានបង្ហាញថា សកម្មភាពរោងចក្រនៅក្នុងប្រទេសចិននឹងបន្តធ្លាក់ចុះនៅខែកក្កដា ដែលជាការធ្លាក់ចុះ៣ខែជាប់ៗគ្នា និងទាមទារឱ្យរដ្ឋាភិបាលចិនត្រូវបញ្ចេញគោលនយោបាយជំរុញសេដ្ឋកិច្ចបន្ថែមទៀត ដើម្បីលើកកំណើនតាមគោលដៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលស្ទង់មតិបង្ហាញថា សន្ទស្សន៍អ្នកគ្រប់គ្រងការទិញ (PMI) របស់ចិន ដែលបង្ហាញពីការផ្លាស់ប្ដូរនៃស្ថានភាពសេដ្ឋកិច្ចនៅរោងចក្រ រំពឹងថានឹងស្ថិតនៅ ៤៩,៣ ពិន្ទុ ក្នុងខែកក្កដា ដោយបន្តធ្លាក់ចុះពី ៤៩,៥ ពិន្ទុ ក្នុងខែមិថុនា។

កំណើនសេដ្ឋកិច្ចរបស់ចិន បានកើនឡើងយឺតជាងការរំពឹងទុកក្នុងត្រីមាសទី២ ដែលបញ្ចប់នៅចុងខែមិថុនា ដោយសារតែកម្សោយនៃការចំណាយរបស់អ្នកប្រើប្រាស់ ដែលជះឥទ្ធិពលដោយផ្ទាល់លើ PMI ។ កំណើននៃការលក់រាយ បានធ្លាក់ចុះដល់កម្រិតទាបក្នុងរយៈពេល ១៩ ខែ ដោយសារសម្ពាធបរិត្តផរណា បានបង្ខំឱ្យអាជីវកម្មកាត់បន្ថយតម្លៃលើគ្រប់មុខទំនិញ រាប់ចាប់ពីរថយន្ត រហូតដល់ម្ហូបអាហារ និងសម្លៀកបំពាក់។

ការនាំចេញរឹងមាំរបស់ចិន បានជួយគាំទ្រជាអន្លើលើសន្ទស្សន៍អ្នកគ្រប់គ្រងការទិញរបស់រោងចក្រក្នុងរយៈពេលប៉ុន្មានខែថ្មីៗនេះ និងជំរុញឱ្យមានវឌ្ឍនភាពឆ្ពោះទៅរកគោលដៅកំណើនរបស់រដ្ឋាភិបាលក្នុងរង្វង់ ៥ ភាគរយ។ យ៉ាងណាមិញ ការបន្ថែមពន្ធលើមុខទំនិញចិន ពីសំណាក់ដៃគូពាណិជ្ជកម្ម កំពុងដាក់សម្ពាធលើដំណើរឆ្ពោះទៅរកគោលដៅនេះ។

ការនាំចេញទៅក្រៅប្រទេសរបស់ចិន បានកើនឡើងក្នុងល្បឿនដ៏លឿនបំផុតក្នុងរយៈពេល ១៥ ខែ នៅខែមិថុនា ខណៈពេលដែលការនាំចូល បានធ្លាក់ចុះដោយមិននឹកស្មានដល់ ដែលបង្ហាញថាតម្រូវការក្នុងស្រុកនៅតែខ្សោយ៕

Related Topics:សន្ទស្សន៍អ្នកគ្រប់គ្រងការទិញ (PMI)ចិន