ព័ត៌មានជាតិ
ការប្រែប្រួលអត្រាការប្រាក់គោលខ្ពស់របស់អាមេរិកបន្តជះឥទ្ធិពេលលើអត្រាការប្រាក់នៃប្រព័ន្ធធនាគារកម្ពុជា
ទេសាភិបាលធនាគារជាតិនៃកម្ពុជា (NBC) បានលើកឡើងថានៅក្នុងបរិការណ៍ដែលការបន្ថយអត្រាការប្រាក់គោលរបស់សហរដ្ឋអាមេរិកត្រូវបានពន្យារពេលជាបន្តបន្ទាប់ អត្រាការប្រាក់គោលស្ថិតក្នុងកម្រិតខ្ពស់ដ៏យូរ ដែលបង្កឱ្យមានភាពមិនច្បាស់លាស់ និងការរឹតត្បិតលើស្ថានភាពហិរញ្ញវត្ថុសកលរួមទាំងកម្ពុជាផងដែរ។
លោកស្រីបណ្ឌិត ជា សិរី បានថ្លែងកាលពីពេលថ្មីៗនេះថា កត្តាខាងក្រៅ ជាពិសេសការប្រែប្រួលនៃអត្រាការប្រាក់គោលរបស់សហរដ្ឋអាមេរិកនៅតែជាបញ្ហាប្រឈមដល់ប្រព័ន្ធធនាគារនៅកម្ពុជាដោយសារតែអត្រាចរាចរណ៍ប្រាក់ដុល្លារមានកម្រិតខ្ពស់ជាពិសេសប្រភពទុននៃវិស័យនេះគឺមកពីខាងក្រៅ។
លោកស្រីបណ្ឌិតបានលើកឡើងថា៖«បញ្ហានេះបានផ្តល់ផលប៉ះពាល់អវិជ្ជមានមកលើ ប្រព័ន្ធធនាគារកម្ពុជា ជាពិសេសដោយសារកម្ពុជាមានកម្រិតដុល្លារូបនីយកម្មខ្ពស់ ហើយគ្រឹះស្ថាន ធនាគារនិងហិរញ្ញវត្ថុនៅកម្ពុជាមួយចំនួនពឹងផ្អែកលើប្រភពហិរញ្ញប្បទានពីខាងក្រៅ។ កត្តានេះ គួបផ្សំនឹងការថយចុះនៃកំណើនឥណទានផង បានបន្ថយលទ្ធភាពស្វែងរកប្រាក់ចំណេញរបស់ គ្រឹះស្ថានធនាគារនិងហិរញ្ញវត្ថុគួរឱ្យកត់សម្គាល់»។
លោកស្រីបានថ្លែងបញ្ជាក់ថា៖ក្នុងស្ថានភាពនេះ បទប្បញ្ញត្តិអនុគ្រោះមួយចំនួន បានបន្តអនុវត្តដោយប្រុងប្រយ័ត្ន ហើយការរៀបចំឥណទានឡើងវិញក៏បានអនុញ្ញាតចំពោះវិស័យ និងនៅទីតាំងភូមិសាស្ត្រជាក់លាក់ សំដៅគាំទ្រឱ្យចំគោលដៅនិងការពារហានិភ័យចំពោះស្ថិរភាព ហិរញ្ញវត្ថុ។
បើយោងតាមរបាយការណ៍របស់NBC អត្រាប្តូរប្រាក់រៀលធៀបនឹងដុល្លារអាមេរិកបន្តមានស្ថិរភាពក្នុង កម្រិតជាមធ្យម ៤.០៧៥ រៀលក្នុងមួយដុល្លារអាមេរិក ដោយប្រាក់រៀលបានកើនថ្លៃ ០.៨% ធៀបនឹង គ្រាដូចគ្នាឆ្នាំមុន (៤.០៩៤ រៀល)។
NBC លើកឡើងថា៖«ស្ថិរភាពអត្រាប្តូរប្រាក់នេះត្រូវបានរួមចំណែកដោយការអនុវត្ត នយោបាយរូបិយវត្ថុប្រកបដោយភាពបត់បែននិងប្រុងប្រយ័ត្ន តាមរយៈឧបករណ៍សំខាន់ៗ រួមមាន មូលបត្រអាចជួញដូរបាន (NCD) ប្រតិបត្តិការផ្តល់សន្ទនីយភាពដោយមានការធានា (LPCO) និង ឧបករណ៍ផ្តល់សន្ទនីយភាពរយៈពេលខ្លី (MF) ជាដើម ដែលបានឆ្លើយតបនឹងតម្រូវការសន្ទនីយភាព របស់ប្រព័ន្ធធនាគារ និងសកម្មភាពសេដ្ឋកិច្ច»។
លោក តូច ចៅចេក ប្រធានអគ្គនាយកធនាគារប្រៃសណីយ៍កម្ពុជា បានថ្លែងប្រាប់កម្ពុជាថ្មីថាការប្រែប្រួលនៃអត្រាការប្រាក់គោលរបស់សហរដ្ឋអាមេរិកតែងតែងជះផលវិជ្ជមាននិងអវិជ្ជមានដល់ការប្រាក់នៅគ្រឹះស្ថានហិរញ្ញវត្ថុរបស់កម្ពុជា ដោយសារតែប្រភពទុនភាគច្រើនរបស់គ្រឹះស្ថានទាំងនោះគឺមកពីក្រៅប្រទេស។
លោកបានពន្យល់ថា កាលពីឆ្នាំ២០២៣កន្លងទៅនេះ អត្រាការប្រាក់កម្ចីនៅកម្ពុជាបានកើនឡើងបណ្តាលឱ្យប្រាក់កម្ចីមានការកើនឡើងតិចតួច ខណៈដែរប្រជាពលរដ្ឋដែលសល់ប្រាក់បាននាំគ្នាយកមកដាក់បញ្ញើរដោយទទួលបានអត្រាប្រាក់ជាហេតុធ្វើឱ្យទុននៅក្នុងវិស័យនេះមានច្រើនដើម្បីបញ្ចេញកម្ចីនឹងមានកំណើននៅឆ្នាំ២០២៤នេះ។
លោកស្រីបណ្ឌិត ជា សិរីបានលើកឡើងថាឆ្លើយតបនឹងបញ្ហាខាងលើនេះ ការត្រួតពិនិត្យនិងការវាយតម្លៃលើហានិភ័យចំពោះស្ថិរភាពហិរញ្ញវត្ថុត្រូវបានពង្រឹង ទាំងទៅលើកម្រិតគ្រឹះស្ថាននីមួយៗនិងលើប្រព័ន្ធធនាគារទាំងមូល។
លោកស្រីបណ្ឌិតបានថ្លែងថា៖« គ្រឹះស្ថានធនាគារនិងហិរញ្ញវត្ថុ ក៏ត្រូវបានណែនាំឱ្យធ្វើការតាមដាននិងវិភាគលើគុណភាព ឥណទាន ដោយប្រុងប្រយ័ត្នផងដែរ។ ក្រៅពីនេះ ធនាគារជាតិនៃកម្ពុជា សហការជាមួយភាគីពាក់ព័ន្ធ បានតាមដានជាប់ជាប្រចាំនូវវឌ្ឍនភាពវិស័យសំណង់និងអចលនទ្រព្យ ជាមួយនឹងការវាយតម្លៃ ភាពប្រទាក់ក្រឡា និងហានិភ័យចម្លងជាយថាហេតុមកកាន់វិស័យធនាគារ ដើម្បីចាក់ចេញនូវវិធានការ បុរេសកម្ម និងការត្រៀមខ្លួនក្នុងការគ្រប់គ្រងហានិភ័យទាំងនេះ»៕
-
សន្តិសុខសង្គម៦ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៦ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
សេដ្ឋកិច្ច៣ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១ សប្តាហ៍ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ៤ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៧ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៧ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានជាតិ៤ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ