ព័ត៌មានអន្ដរជាតិ
នាយករដ្ឋមន្ត្រីវៀតណាម ចង់បង្កើនពាណិជ្ជកម្មទ្វេភាគីជាមួយឥណ្ឌាដល់ ២០ ប៊ីលានដុល្លារ នាពេលឆាប់ៗ
នាយករដ្ឋមន្ត្រីវៀតណាម លោក ផាម មិញ ឈិញ កាលពីថ្ងៃពុធ បានអំពាវនាវឱ្យពង្រឹងកិច្ចសហប្រតិបត្តិការវៀតណាម-ឥណ្ឌា ដើម្បីជំរុញពាណិជ្ជកម្មទ្វេភាគីឱ្យឡើងដល់ ២០ ប៊ីលានដុល្លារក្នុងពេលឆាប់ៗនេះ។ នេះបើតាមការចុះផ្សាយរបស់កាសែត VnExpress។
លោកស្នើឡើងយ៉ាងដូច្នេះ ក្នុងវេទិកាធុរកិច្ចវៀតណាម-ឥណ្ឌា នៅទីក្រុងញូវដេលី ដែលលោកបានជួបជាមួយមេដឹកនាំជំនួញឥណ្ឌាជាច្រើនរូប ខណៈគេមើញឃើញពីការរីកចម្រើនយ៉ាងឆាប់រហ័សនៃទំនាក់ទំនងសេដ្ឋកិច្ចរបស់ប្រទេសទាំង២។ ពាណិជ្ជកម្មរវាងវៀតណាម និងឥណ្ឌា បានកើនឡើងពី ២០០ លានដុល្លារក្នុងឆ្នាំ ២០០០ ដល់ជិត ១៥ ប៊ីលានដុល្លារកាលពីឆ្នាំមុន ដែលក្នុងនោះ ការនាំចេញរបស់វៀតណាមបានរួមចំណែកប្រមាណ ៨,៥ ប៊ីលានដុល្លារ។
បច្ចុប្បន្ន ឥណ្ឌាមានគម្រោងវិនិយោគជាក់លាក់ចំនួន ៤១០ ដែលមានតម្លៃសរុប ១,០៣ ប៊ីលានដុល្លារ នៅក្នុងប្រទេសវៀតណាម ខណៈវៀតណាមមានគម្រោងវិនិយោគប្រមាណ ១៦ នៅក្នុងប្រទេសឥណ្ឌា ក្នុងតម្លៃសរុបប្រមាណ ១៤ លានដុល្លារ ដោយមិនរាប់បញ្ជូលការវិនិយោគរបស់ក្រុមហ៊ុនពហុវិស័យ Vingroup។
លោក ឈិញ បានសង្កត់ធ្ងន់ថា កត្តាស្នូលសំខាន់ៗចំនួន៥សម្រាប់កិច្ចសហប្រតិបត្តិការប្រកបដោយជោគជ័យ និងប្រសិទ្ធភាពរវាងធុរកិច្ចនៃប្រទេសទាំង២ គឺទំនាក់ទំនងមិត្តភាព និងកិច្ចសហប្រតិបត្តិការទ្វេភាគីល្អ ទំនុកចិត្តនយោបាយខ្ពស់ ទីផ្សារបើកចំហ ភាពស្រដៀងគ្នានៃវប្បធម៌ អរិយធម៌ និងប្រវត្តិសាស្ត្រ និងគោលដៅរួមលើកសាងប្រទេសដ៏មានអំណាច វិបុលភាព និងមានការអភិវឌ្ឍសេដ្ឋកិច្ចយ៉ាងឆាប់រហ័ស និងនិរន្តរភាព។
នាយករដ្ឋមន្ត្រីដដែល បាននិយាយថា រដ្ឋាភិបាលវៀតណាមតែងតែលើកទឹកចិត្តឱ្យអាជីវកម្មឥណ្ឌាពង្រីកកិច្ចសហប្រតិបត្តិការវិនិយោគលើវិស័យដែលឥណ្ឌាមានចំណុចខ្លាំង ហើយវៀតណាមមានតម្រូវការ និងអាទិភាពខ្ពស់។ ក្នុងនោះ មានដូចជា បច្ចេកវិទ្យាខ្ពស់ អេឡិចត្រូនិក វិទ្យាសាស្ត្រ និងបច្ចេកវិទ្យា បញ្ញាសិប្បនិម្មិត (AI) ការអភិវឌ្ឍន៍ហេដ្ឋារចនាសម្ព័ន្ធ ថាមពលកកើតឡើងវិញ ថាមពលដូចជាអ៊ីដ្រូសែន ជីវបច្ចេកវិទ្យា ការបង្កើតថ្មី កសិកម្មបច្ចេកវិទ្យាខ្ពស់ និងឱសថជាដើម៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា