ព័ត៌មានអន្ដរជាតិ

តម្លៃប្រេងធ្លាក់ចុះទាបបំផុត រាប់តាំងពីខែមករា

បានផុស

៨ ខែ មុន

នៅ

ថ្ងៃសៅរ៍ ៣ សីហា ២០២៤

ដោយ

តម្លៃប្រេងឆៅ បានបញ្ចប់ការជួញដូរប្រចាំសប្ដាហ៍កាលពីថ្ងៃសុក្រ ដោយធ្លាក់ចុះទាបបំផុត រាប់តាំងពីខែមករាដើមឆ្នាំ ដោយសារតែកំណើនការងារនៅសហរដ្ឋអាមេរិកយឺតយ៉ាវ តែអត្រាអត់ការងារធ្វើកើនឡើង ចំពេលដែលសកម្មភាពរោងចក្រនៅចិនក៏ធ្លាក់ចុះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគតម៉ាក Brent បានធ្លាក់ចុះ ២,៧១ ដុល្លារ ឬ ៣,៤១ ភាគរយ ដោយបញ្ចប់ការជួញដូរនៅតម្លៃ ៧៦,៨១ ដុល្លារ/បារ៉ែល។ តម្លៃប្រេងឆៅអាមេរិក ម៉ាក West Texas Intermediate (WTI) បានធ្លាក់ចុះ ២,៧៩ ដុល្លារ ឬ ៣,៦៦ ភាគរយ ដោយជួញដូរនៅ ៧៣,៥២ ដុល្លារ/បារ៉ែល។

អ្នកវិភាគបានទាញភ្ជាប់ការធ្លាក់ចុះទាបនេះ ទៅនឹងទិន្នន័យរដ្ឋាភិបាលអាមេរិក ដែលបង្ហាញថា កំណើនការងាររបស់សហរដ្ឋអាមេរិកក្នុងខែកក្កដា ស្ថិតក្នុងសន្ទុះយឺតយ៉ាវជាងការរពឹងទុក ខណៈអត្រាអត់ការងារធ្វើបានកើនដល់ ៤,៣ ភាគរយ ដែលបង្កជាការភ័យខ្លាំងពីវិបត្តិសេដ្ឋកិច្ច។

ជាមួយគ្នានេះ ទិន្នន័យសេដ្ឋកិច្ចពីប្រទេសនាំចូលប្រេងកំពូលចិន និងការស្ទង់មតិផ្សេងៗ ដែលបង្ហាញពីសកម្មភាពផលិតកម្មខ្សោយនៅទូទាំងអាស៊ី អឺរ៉ុប និងសហរដ្ឋអាមេរិក បានបង្កើនហានិភ័យលើការស្ទុះងើបឡើងវិញយឺតយ៉ាវនៃសេដ្ឋកិច្ចពិភពលោក ដែលនឹងដាក់សម្ពាធលើការប្រើប្រាស់ប្រេង។

ការកើនឡើងនៃទិន្នផលប្រេងរបស់អង្គការនៃប្រទេសនាំចេញប្រេងកាត និងសម្ព័ន្ធមិត្ត (OPEC+) ក្នុងខែកក្កដា ដ៏ជួញធ្វើឱ្យតម្លៃប្រេងធ្លាក់ចុះផងដែរ។ OPEC+ បានផលិតប្រេងប្រមាណ ២៦,៧០ លានបារ៉ែល/ថ្ងៃ កាលពីខែមុន ដោយកើនឡើងប្រមាណ ១០០ ០០០ បារ៉ែល/ថ្ងៃ ពីខែមិថុនា។

យ៉ាងណាមិញ អ្នកវិនិយោគលើវិស័យប្រេង នៅតែសង្កេតមើលស្ថានការណ៍នៃជម្លោះនៅមជ្ឈិមបូព៌ា ដែលកំពុងបន្តពុះកញ្រ្ជោលប៉ុន្មានថ្ងៃចុងក្រោយនេះ៕