ព័ត៌មានអន្ដរជាតិ
អ្នកជំនាញថៃ៖ ការរំលាយបក្ស MFP អាចប៉ះពាល់ដល់ទំនុកចិត្តវិនិយោគិនពីលោកខាងលិច
ប្រធានសហព័ន្ធឧស្សាហកម្មថៃ (FTI) លោក Kriangkrai Thiennukul បាននិយាយនៅថ្ងៃព្រហស្បតិ៍នេះថា ការរំលាយគណបក្សចលនាឆ្ពោះទៅមុខ (MFP) ដែលទទួលបានសម្លេងគាំទ្រច្រើនបំផុតក្នុងការបោះឆ្នោតកាលពីឆ្នាំមុន នឹងប៉ះពាល់ដល់ទំនុកចិត្តរបស់អ្នកវិនិយោគមកពីប្រទេសលោកខាងលិច។ នេះបើតាមការស្រង់សម្ដីរបស់កាសែត The Nation។
លោក Kriangkrai បានគូសបញ្ជាក់ថា ទំនុកចិត្តរបស់វិនិយោគិននឹងរងផលប៉ះពាល់ ដោយសារតែលោកខាងលិចផ្ដោតលើសេរីភាពនយោបាយក្នុងជំនួញរបស់ពួកគេ ជាពិសេសនៅពេលស្ថាប័ន និងប្រទេសលោកខាងលិច ដូចជាសហរដ្ឋអាមេរិក អង់គ្លេស សហភាពអឺរ៉ុប សម្ដែងការព្រួយបារម្ភធ្ងន់ធ្ងរចំពោះសេរីភាពនយោបាយ និងលទ្ធិប្រជាធិបតេយ្យរបស់ប្រទេសថៃ។
សហភាពអឺរ៉ុប បាននិយាយកាលពីថ្ងៃពុធថា ការសម្រេចចិត្តរបស់តុលាការធម្មនុញ្ញថៃក្នុងការរំលាយគណបក្សនយោបាយដ៏សំខាន់របស់ថៃ បានធ្វើឱ្យប៉ះពាល់ដល់ការបើកចំហលទ្ធិប្រជាធិបតេយ្យរបស់ប្រទេស ខណៈក្រសួងការបរទេសសហរដ្ឋអាមេរិក បានលើកឡើងថា សេចក្តីសម្រេចរបស់តុលាការដដែល បានធ្វើឱ្យប៉ះពាល់ដល់វឌ្ឍនភាពលទ្ធិប្រជាធិបតេយ្យរបស់ថៃ ហើយដើរផ្ទុយទៅនឹងសេចក្តីប្រាថ្នារបស់ប្រជាជនថៃសម្រាប់អនាគតដ៏រឹងមាំ និងប្រកបដោយប្រជាធិបតេយ្យ។
គួរគូសបញ្ជាក់ថា គណបក្ស MFP បានឈ្នះការបោះឆ្នោត តែមិនបានសម្រេចក្នុងការបង្កើតរដ្ឋាភិបាល ដោយសារតែខ្វះការគាំទ្រពីសមាជិកព្រឹទ្ធសភា ដែលរបបយោធាចាស់តែងតាំង។ តុលាការធម្មនុញ្ញថៃ បានប្រកាសរំលាយគណបក្សនេះកាលពីថ្ងៃពុធ និងហាមឃាត់អតីតមេដឹកនាំបក្ស លោក Pita Limjaroenrat និងសមាជិកបក្សសំខាន់ៗ១០នាក់ផ្សេងទៀត ពីការនយោបាយរយៈពេល១០ឆ្នាំ ដោយសារតែជំហរកំណែទម្រង់របស់បក្សលើច្បាប់ប្រមាថព្រះមហាក្សត្រដ៏តឹងរ៉ឹងរបស់ប្រទេស។
យ៉ាងណាមិញ អ្នកវិភាគខ្លះលើកឡើងថា វិនិយោគិននៅអាស៊ីភាគច្រើនយល់ច្បាស់ពីស្ថានភាពនយោបាយរបស់ប្រទេសថៃ ហើយការវិវត្តចុងក្រោយប្រហែលជាមិនប៉ះពាល់ដល់ទំនុកចិត្តរបស់ពួកគេខ្លាំងនោះទេ។
ចំណែកឯប្រធានសភាពាណិជ្ជកម្មថៃ លោក Sanan Angubolkul វិញ បាននិយាយថា លោកមិនគិតថាការរំលាយគណបក្ស MFP នឹងប៉ះពាល់ដល់សេដ្ឋកិច្ចថៃនោះទេ ព្រោះថា ភាពតានតឹងផ្នែកនយោបាយនឹងធូរស្រាលក្នុងពេលឆាប់ៗនេះ ហើយសេដ្ឋកិច្ចរបស់ប្រទេសនឹងបន្តនៅលើផ្លូវនៃការស្ទុះងើបឡើងវិញ នៅត្រីមាសចុងក្រោយឆ្នាំនេះ។
ទោះបីជាយ៉ាងណាក៏ដោយ លោក Sanan យល់ស្របជាមួយអ្នកវិភាគផ្សេងៗទៀត ដែលថា បញ្ហានយោបាយក៏នឹងបន្តមានឥទ្ធិពលលើទំនុកចិត្តរបស់វិនិយោគិន ដែលទាមទារឱ្យពួកគេឃ្លាំមើលជាប់លាប់។
បន្ទាប់ពីករណីរំលាយបក្ស MFP តុលាការធម្មនុញ្ញដដែលគ្រោងនឹងប្រកាសសាលក្រមលើសំណុំរឿងលោកនាយករដ្ឋមន្រ្តី សេដ្ឋា ថាវីស៊ីន នៅថ្ងៃពុធ ទី ១៤ សប្ដាហ៍ក្រោយ។ ក្នុងសំណុំរឿងនោះ អតីតសមាជិកព្រឹទ្ធសភាមួយក្រុមមានគ្នា៤០រូប បានចោទប្រកាន់លោក សេដ្ឋា ពីបទរំលោភធម្មនុញ្ញ និងបទដ្ឋានសីលធម៌ ដោយតែងតាំងអ្នកជាប់គុកម្តងជាសមាជិកនៃគណៈរដ្ឋមន្ត្រីរបស់ខ្លួន។ មានការលើកឡើងថា សំណុំរឿងនេះ អាចធ្វើឱ្យលោក សេដ្ឋា របូតដំណែងនាយករដ្ឋមន្រ្តីរបស់លោកឮ៕
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?