សេដ្ឋកិច្ច
អ្នកជំនាញហិរញ្ញវត្ថុ៖ «មុនពេលខ្ចីលុយ គិតឱ្យច្បាស់ចៀសវាងហានិភ័យ»
អក្ខរកម្មហិរញ្ញវត្ថុគឺជាចំណេះដឹងមូលដ្ឋានផ្នែកហិរញ្ញវត្ថុ ដែលមនុស្សគ្រប់រូប ជាពិសេសប្រជាជនកម្ពុជាត្រូវតែមានចំណេះដឹងផ្នែកនេះ ដើម្បីចៀសវាងហានិភ័យណាមួយនៅពេលដែលយើងទៅខ្ចីលុយគេ។
លោក តូច ចៅចេក ប្រធាននាយកប្រតិបត្តិធនាគារ ប្រៃសណីយ៍កម្ពុជា មានប្រសាសន៍ថា ចំណេះដឹងហិរញ្ញវត្ថុមានសារសំខាន់ណាស់ដែលប្រជាពលរដ្ឋត្រូវយល់ដឹង។
លោក តូច ចៅចេក មានប្រសាសន៍ថា៖ «មុនពេលយើងខ្ចីលុយគេគិតឱ្យច្បាស់ ប្រសិនបើយើងគិតថា ចង់ដូរឡានថ្មី ចុះឡានចាស់ហ្នឹងជិះកើតអត់ ចង់ដូរទូរស័ព្ទថ្មី តើមានលុយសល់អត់ បើយើងចេះតែបង្កើនបំណុល ហើយគិតថា មិនអីទេ បង់រំលស់ តែមួយខែ ២០ ឬ៣០ ដុល្លារ ថែមឡានផង ផ្ទះផង និងអ្វីផ្សេងៗទៀត វាកាន់តែជ្រុល»។
លោក តូច ចៅចេក បញ្ជាក់ថា នៅពេលដែលមានវិបត្តិអ្វីមួយកើតឡើង យើងនឹងអាចមានបញ្ហា ដូច្នេះត្រូវគិតប្រើហិរញ្ញវត្ថុ និងចាយវាយត្រូវតែប្រុងប្រយ័ត្ន។
លោក តូច ចៅចេក បន្ថែមថា៖ «មិនមែនយើងថា ខ្ញុំក្រណាស់ដោយសារខ្ញុំរកបានតែ ២០០ ដុល្លារ កុំថាឡើយរកបាន ២០០ ក្រ រកបាន ២០០០ ក៏ក្រដែរ ប្រសិនបើយើងចាយដល់ ៣០០០ រកបាន ២០០ ក៏យើងមានដែរប្រសិនបើយើងចាយតែ ១០០ ហើយ ១០០ ក៏យើងចាយគ្រប់ដែរ ប្រសិនបើយើងចេះចាត់ចែងចំណាយឱ្យត្រឹមត្រូវ»។
យោងតាមធនាគារជាតិនៃកម្ពុជា នៅក្នុងឆមាសទី ១ ឆ្នាំ ២០២៤ ទ្រព្យសកម្មរបស់ប្រព័ន្ធធនាគារមានកំណើន ៦,១% ដល់ ៣៥៦,៩ ទ្រីលានរៀល (៨៨,៣ ប៊ីលានដុល្លារអាមេរិក) ក្នុងនោះវិស័យធនាគារមាន ៩៥,៩% នៃទ្រព្យសកម្មប្រព័ន្ធធនាគារ វិស័យមីក្រូហិរញ្ញវត្ថុ ៣,៦% និងវិស័យភតិសន្យាហិរញ្ញវត្ថុ ០,៥%។ ឥណទានអតិថិជនបានកើនឡើង ២,៦% ដល់ ២៣៨,១ ទ្រីលានរៀល (៥៨,៩ ប៊ីលានដុល្លារអាមេរិក)៕
អត្ថបទ៖ ឡេង ដេត
-
ជីវិតកម្សាន្ដ៥ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ម៉ោង ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
សន្តិសុខសង្គម២០ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៥ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៤ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង