ព័ត៌មានអន្ដរជាតិ
តើហេតុអ្វីបានជាអាមេរិក បន្តចាត់ទុកវៀតណាមជាប្រទេសមានសេដ្ឋកិច្ចក្រៅទីផ្សារ?
កាលពីថ្ងៃសុក្រសប្ដាហ៍មុន ក្រសួងពាណិជ្ជកម្មរបស់សហរដ្ឋអាមេរិក បានប្រកាសថា អាមេរិកនឹងបន្តចាត់ទុកវៀតណាមថាជាប្រទេសមានប្រព័ន្ធសេដ្ឋកិច្ចក្រៅទីផ្សារ។
អ្នកវិភាគនិយាយថា ការប្រកាសនេះ ត្រូវបានធ្វើឡើង ខណៈទំនាក់ទំនងពាណិជ្ជកម្មវៀតណាម-អាមេរិក បានកើនឡើងខ្ពស់ខ្លាំងគួរឱ្យកត់សម្គាល់ និងក្រោយពេលភាគីទាំង២បានព្រមព្រៀងគ្នាធ្វើជា «ដៃគូយុទ្ធសាស្រ្តគ្រប់ជ្រុងជ្រោយ» ក្នុងបរិបទដែលវៀតណាមជាសម្ព័ន្ធមិត្តដ៏សំខាន់របស់ក្រុងវ៉ាស៊ីនតោន ដើម្បីទប់ទល់នឹងកំណើនឥទ្ធិពលចិនក្នុងតំបន់។ ភាពដ៏ស្មុគស្មាញនៃផលប្រយោជន៍ក្នុងស្រុក ទំនាក់ទំនងអន្តរជាតិ និងយុទ្ធសាស្ត្រភូមិសាស្ត្រនយោបាយ ក៏ជាកត្តាសំខាន់ៗជំរុញឱ្យមានការសម្រេចចិត្តចុងក្រោយផងដែរ។
បើតាមក្រសួងពាណិជ្ជកម្មអាមេរិក ការសម្រេចចិត្តបដិសេធសំណើររបស់វៀតណាម ដែលសុំងារជា «ប្រទេសមានសេដ្ឋកិច្ចទីផ្សារ» ធ្វើឡើងដោយមើលឃើញថា រដ្ឋាភិបាលវៀតណាមនៅតែដើរតួនាទីយ៉ាងសំខាន់លើប្រព័ន្ធសេដ្ឋកិច្ចរបស់ប្រទេស ដែលខុសពីគោលការណ៍សេដ្ឋកិច្ចទីផ្សារ «ទោះបីជាមានការកែទម្រង់សំខាន់ៗរបស់វៀតណាមក្នុងរយៈពេល ២០ ឆ្នាំកន្លងមកក៏ដោយ»។
វៀតណាមថា ត្រូវបានចាត់ជាប្រទេសមានសេដ្ឋកិច្ចក្រៅទីផ្សារ ចាប់តាំងពីឆ្នាំ ២០០២ ក្រោមច្បាប់ស្ដីពីការយកពន្ធប្រឆាំងនឹងការលក់បង្ខូចតម្លៃរបស់អាមេរិក។ ក្រសួងពាណិជ្ជកម្មអាមេរិក បានលើកឡើងថា ការសម្រេចបន្តងាររបស់វៀតណាម បានធ្វើឡើងដោយផ្អែកតាមការវាយតម្លៃយ៉ាងម៉ត់ចត់នៃមតិយោបល់ពីក្រុមឧស្សាហកម្មក្នុងស្រុករបស់អាមេរិក និងរដ្ឋាភិបាលវៀតណាមផ្ទាល់។
ការវាយតម្លៃរបស់ក្រសួងអស់រយៈពេល១ឆ្នាំ បានរកឃើញថា រដ្ឋាភិបាលវៀតណាមបានបន្តអន្តរាគមន៍លើកិច្ចការសេដ្ឋកិច្ចដូចជាការកំណត់តម្លៃ និងលុយដុង, ធនគារកណ្ដាលរបស់ប្រទេសគ្មានឯករាជ្យភាព, សហគ្រាសរដ្ឋនៅតែដើរតួសំខាន់ក្នុងសេដ្ឋកិច្ចរបស់ប្រទេស, បញ្ហាពាក់ព័ន្ធសិទ្ធិសេរីផ្នែកកម្លាំងពលកម្ម, ការរឹតត្បឹតហួសហេតុលើការវិនិយោគបរទេស និងការបង្កើតបញ្ហាប្រឈមជាច្រើនសម្រាប់ការវិនិយោគផ្ទាល់ពីបរទេសរបស់រដ្ឋាភិបាល, ការគ្រប់គ្រងលើធនធានរបស់រដ្ឋាភិបាល ដូចជាមធ្យោបាយផលិតកម្ម និងដីធ្លី, ការរីករាលដាលនៃអំពើពុករលួយជាន់ខ្ពស់ និងកង្វះឯករាជ្យភាពរបស់តុលាការជាដើម។
ផ្អែកលើកត្តាទាំងនេះ ក្រសួងបានកំណត់ថា រដ្ឋាភិបាលវៀតណាមនៅតែបន្តលើដំណើរការសេដ្ឋកិច្ចយ៉ាងទូលំទូលាយ ដោយបង្ខូចតម្លៃផលិត និងតម្លៃផលិតផលរបស់វៀតណាម ហើយរារាំងប្រទេសនេះពីការប្រកាន់យកនូវគោលការណ៍ទីផ្សារសេរី។ ការបន្តជាប់ជាប្រទេសមានសេដ្ឋកិច្ចក្រៅទីផ្សារ មានន័យថា ទំនិញនាំចូលពីវៀតណាមនៅតែជាប់វិធានការគណនាពន្ធប្រឆាំងនឹងការលក់បង្ខូចតម្លៃ។
គួរបញ្ជាក់ថា វៀតណាមបានដាក់សំណើកែចំណាត់ងាររបស់ខ្លួន កាលពីខែកញ្ញាឆ្នាំមុន ចំពេលដែលសហរដ្ឋអាមេរិក និងវៀតណាម កំពុងពង្រឹងទំនាក់ទំនងជាមួយគ្នា។ សំណើនេះ ធ្វើឡើងនៅខែតែមួយដែលប្រធានាធិបតីអាមេរិក លោក ចូ បៃដិន បានធ្វើទស្សនកិច្ចនៅវៀតណាម ហើយបានលើកឈ្មោះទំនាក់ទំនងទ្វេរភាគីទៅជា «ភាពជាដៃគូយុទ្ធសាស្ត្រលើគ្រប់ជ្រុងជ្រោយ»។
ជាផ្នែកមួយដើម្បីបង្ហាញសហរដ្ឋអាមេរិកពីការផ្លាស់ប្ដូរទៅរកទីផ្សារសេរីរបស់ខ្លួន វៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្មសេរីជាច្រើនជាមួយសហរដ្ឋអាមេរិក ខណៈអាមេរិកក៏បានដកវៀតណាមចេញពីបញ្ជីត្រួតពិនិត្យ «យុទ្ធសាស្រ្តរូបិយប័ណ្ណមិនស្មើភាព»។
ប្រតិកម្មទៅនឹងការសម្រេចមិនសមតាមបំណង ក្រសួងឧស្សាហកម្ម និងពាណិជ្ជកម្មរបស់វៀតណាម បាននិយាយក្នុងសេចក្ដីថ្លែងការណ៍ថា៖ «វៀតណាមសោកស្តាយ ដែលទោះបីមានការកែលម្អជាវិជ្ជមានច្រើនក្នុងសេដ្ឋកិច្ចវៀតណាមនាពេលថ្មីៗនេះក៏ដោយ ក៏ក្រសួងពាណិជ្ជកម្មអាមេរិក នៅតែមិនទទួលស្គាល់វៀតណាមថាជាប្រទេសសេដ្ឋកិច្ចទីផ្សារ»។
បច្ចុប្បន្ននេះ សហរដ្ឋអាមេរិកបានចាត់ប្រទេសចំនួន ១២ ផ្សេងទៀត រួមទាំងចិន រុស្ស៊ី និងកូរ៉េខាងជើង ថាជាប្រទេសមានសេដ្ឋកិច្ចក្រៅទីផ្សារ។ សម្រាប់វៀតណាម ការដកងារនេះចេញគឺជាអាទិភាពមួយ ជាពិសេសនៅពេលដែលប្រទេសនេះបន្តរីកចម្រើនក្លាយជាមជ្ឈមណ្ឌលផលិតកម្មដ៏សំខាន់។ ងារជាប្រទេសមានសេដ្ឋកិច្ចក្រៅទីផ្សារ បង្កភាពស្មុគស្មាញដល់ទំនាក់ទំនងពាណិជ្ជកម្មដោយការរក្សាពន្ធខ្ពស់ និងបង្កើតរបាំងពាណិជ្ជកម្មតឹងរ៉ឹងលើទំនិញវៀតណាម ពេលចូលទៅទីផ្សារអាមេរិក។
អ្នកវិភាគលើកឡើងថា ការសម្រេចចិត្តរបស់អាមេរិក គឺជាការជួយដល់ឧស្សាហកម្មក្នុងស្រុកអាមេរិក ដោយវានឹងបន្តវិធានការទប់ទល់លំហូរផលិតផលវៀតណាមដូចទឹកបាក់ទំនប់ចូលទៅក្នុងទីផ្សារអាមេរិក។ គេមើលឃើញថា ការនាំចេញរបស់វៀតណាមទៅអាមេរិក បានហក់ឡើងខ្ពស់ជាបន្តបន្ទាប់ ដោយកើនពី ២៣,៨៧ ប៊ីលានដុល្លារ ក្នុងឆ្នាំ ២០១៣ ដល់ជិត ១១០ ប៊ីលានដុល្លារ ក្នុងឆ្នាំ ២០២២។ ទោះបីតួលេខនេះធ្លាក់ចុះមកនៅត្រឹមប្រហែល ៩៧ ប៊ីលានដុល្លារកាលពីឆ្នាំមុនក៏ដោយ អាមេរិកនៅតែជាទីផ្សារនាំចេញដ៏បំផុតសម្រាប់វៀតណាម ខណៈការនាំចេញទៅអាមេរិករំពឹងថានឹងស្ទុះងើបឡើងវិញនៅឆ្នាំនេះ។
ក្រុមឧស្សាហកម្មអាមេរិក លើកឡើងថា ចំណាត់ថ្នាក់សេដ្ឋកិច្ចក្រៅទីផ្សារសម្រាប់វៀតណាម គឺជាឧបករណ៍ដើម្បីទប់ស្កាត់កំណើននៃការនាំចូលពីប្រទេសនេះ ដូចជាតាមរយៈការប្រើគោលនយោបាយពាណិជ្ជកម្មផ្សេងៗ រួមមានទាំងការប្រឆាំងការលក់បង្ខូចតម្លៃរបស់ទំនិញវៀតណាម ដែលជាការអនុវត្តទីផ្សារមិនស្មើភាពគ្នា ជាដើម។
ជាងនេះទៅទៀត អ្នកវិភាគមើលឃើញផងដែរថា វៀតណាមបានក្លាយទៅជាទិសដៅសម្រាប់ក្រុមហ៊ុនអន្តរជាតិផ្សេងៗ ដែលចង់ធ្វើពិពិធកម្មខ្សែចង្វាក់ផ្គត់ផ្គង់ ក្រោមយុទ្ធសាស្រ្ត «ចិនបូកមួយ» ដើម្បីជៀសវាងផលប៉ះពាល់ពីសង្រ្គាមពាណិជ្ជកម្មចិន និងអាមេរិក។ ក្រុមហ៊៊ុនចិន ក៏ងាកទៅវៀតណាមក្នុងជំហានដូចគ្នា ដើម្បីគេចពីគោលនយោបាយតម្លើងពន្ធ និងវិធានការប្រឆាំងទំនិញចិនផ្សេងៗទៀតរបស់សហរដ្ឋអាមេរិកនាពេលបច្ចុប្បន្ន។
ប្រសិនបើក្រសួងពាណិជ្ជកម្មអាមេរិក ចាត់ទុកវៀតណាមថាជាប្រទេសមានសេដ្ឋកិច្ចទីផ្សារ នោះបណ្ដាក្រុមហ៊ុនចិនអាចនឹងបង្កើនការដាក់ទីតាំង និងជំរុញផលិតកម្មនៅវៀតណាម ដើម្បីនាំចេញផលិតផលរបស់ខ្លួនទៅកាន់ទីផ្សារសហរដ្ឋអាមេរិកឱ្យកាន់តែច្រើន៕
រដ្ឋមន្ត្រីក្រសួងព័ត៌មាន បើកវេទិកាជួបម្ចាស់ស្ថានីយ វិទ្យុ និង ទូរទស្សន៍ ដើម្បីរកដំណោះស្រាយនៃដំណើរការប្រព័ន្ធផ្សព្វផ្សាយបុរាណ និងប្រព័ន្ធផ្សព្វផ្សាយទំនើប
ផ្ទេរខ្សែកតំណែងប្រធាន JCI Mekong ជូនអ្នកឧកញ៉ា គីម សុខអេង ក្រោមវត្តមានឯកឧត្តមឧបនាយករដ្ឋមន្រ្តី ហ៊ុន ម៉ានី
អាជ្ញាធរសង្កាត់ភ្លេីងឆេះរទេះ ដាក់គ្រឿងចក្រឈូសឆាយផ្លូវ២ខ្សែនិងរៀបចំដាក់ប្រព័ន្ធលូចាក់បេតុងឆ្អឹងដែក
លោក ហេង សួរ ទទួលជួបពិភាក្សាការងារជាមួយគណៈប្រតិភូនៃសហព័ន្ធសភាពាណិជ្ជកម្ម និងឧស្សាហកម្មខេត្តក្យង់គី នៃសាធារណរដ្ឋកូរ៉េ
រដ្ឋមន្ត្រីទេសចរណ៍ថា នឹងធ្វើឱ្យបរទេសចងចាំ និងមកលេងកម្ពុជាយ៉ាងហោចបានម្ដងក្នុងមួយជីវិត
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
តើគ្រូ និងកីឡាករសិង្ហបុរី និយាយអ្វីខ្លះពីការប្រកួតឈ្នះ កម្ពុជា យប់មិញ?
មជ្ឈមណ្ឌលអេដស៍ ស្នើទំព័រហ្វេសប៊ុក ឬវេទិការផ្សាយព័ត៍មានករណីជំងឺអេដស៍នៅខេត្តតាកែវលុបចេញជាបន្ទាន់
កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup
អ៊ុយក្រែន បាញ់ ATACMS ចូលដីរុស្ស៊ីទៀត ខណៈអាមេរិក ព្រមានឲ្យទីក្រុងកៀវ ត្រៀមទទួលការសងសឹកវិញ
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ២ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានអន្ដរជាតិ១ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៤ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៥ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍៣ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់