ព័ត៌មានអន្ដរជាតិ

ថៃត្រៀមខ្លួនការពារការនាំចេញ ចំពេលមានការព្រួយបារម្ភអំពីការធ្លាក់ចុះសេដ្ឋកិច្ចពិភពលោក

បានផុស

៣៨ វិនាទី មុន

នៅ

ថ្ងៃសៅរ៍ ១០ សីហា ២០២៤

ដោយ

រដ្ឋាភិបាលថៃ បានបង្កើនកិច្ចខិតខំប្រឹងប្រែងដើម្បីទប់ទល់នឹងផលប៉ះពាល់ដែលអាចកើតមានលើការនាំចេញចំរបស់ប្រទេស ចំពេលមានកំណើននៃការព្រួយបារម្ភអំពីការធ្លាក់ចុះសេដ្ឋកិច្ចពិភពលោក ដែលកំពុងរុញច្រានដោយភាពមិនប្រាកដប្រជាសេដ្ឋកិច្ចរបស់សហរដ្ឋអាមេរិក។ នេះបើតាមការចុះផ្សាយរបស់កាសែត The Thaiger កាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងពាណិជ្ជកម្មថៃ លោក Phumtham Wechayachai បានគូសបញ្ជាក់ពីការបន្តតាមដានពីទិដ្ឋភាពសេដ្ឋកិច្ចរបស់សហរដ្ឋអាមេរិក ដោយបង្ហាញពីក្ដីព្រួយបារម្ភអំពីវិបត្តិសេដ្ឋកិច្ចដែលអាចនឹងអាចកើនឡើងតាមរយៈទីផ្សារពិភពលោក។

លោកបានបន្តយ៉ាងដូច្នេះថា៖ «យើងបានកំពុងសម្របសម្រួល និងជួបជាមួយសហគ្រិនខ្នាតតូច មធ្យម និងធំ ដើម្បីជួយពួកគេសម្របខ្លួនទៅនឹងការប្រែប្រួលរបស់ពិភពលោក។ ក្រសួងកំពុងស្វែងរកដំណោះស្រាយ ហើយនឹងផ្តល់ព័ត៌មានថ្មីៗអំពីដំណើរការរបស់ខ្លួន»។

ក្រសួងពាណិជ្ជកម្ម កំពុងរៀបចំសម្រាប់ផលប៉ះពាល់ដែលអាចកើតមាន ដោយឃើញថា បរិយាកាសនយោបាយ និងសេដ្ឋកិច្ច ជម្លោះ និងការវិវឌ្ឍនៃសណ្តាប់ធ្នាប់ពិភពលោក បង្ហាញពីបញ្ហាដែលការនាំចេញត្រូវប្រឈម។ កិច្ចខិតខំប្រឹងប្រែងដើម្បីគ្រប់គ្រងការឆ្លើយតបជាប្រព័ន្ធចំពោះស្ថានការណ៍ទាំងនេះ កំពុងបន្ត។

ប្រធានសហព័ន្ធឧស្សាហកម្មថៃ (FTI) លោក Kriengkrai Thiennukul បានព្រមានពីផលប៉ះពាល់អវិជ្ជមានដែលអាចកើតមានលើអ្នកនាំចេញ និងក្រុមហ៊ុនផលិតរបស់ថៃ ប្រសិនបើសេដ្ឋកិច្ចអាមេរិកធ្លាក់ចូលក្នុងវិបត្តិសេដ្ឋកិច្ច។ លោកបានកត់សម្គាល់ថា វិស័យនាំចេញនឹងក្លាយជាវិស័យដំបូងគេដែលទទួលបានផលប៉ះពាល់ ខណៈក្រុមហ៊ុនផលិតនឹងជួបប្រទះនឹងការលក់យឺត និងកង្វះការបញ្ជាទិញថ្មី។