សេដ្ឋកិច្ច
មុខរបរចិញ្ចឹមត្រីអណ្ដែង ចំណាយដើមទុនតិច មានតម្រូវការទីផ្សារខ្ពស់
មុខរបរចិញ្ចឹមត្រីអណ្ដែង ជាមុខរបរមួយដែលងាយស្រួលក្នុងការចិញ្ចឹម ដោយចំណាយដើមទុនតិចតួច ក្នុងការរៀបចំស្រះ ឬអាងចិញ្ចឹមចិញ្ចឹមប្រើរយៈពេលត្រឹមតែ ២ ទៅ ៣ខែ អាចប្រមូលផលលក់បាន និងមានទីផ្សារខ្ពស់។
លោក ហាច ឆន អាយុ៤៥ឆ្នាំ ម្ចាស់កសិដ្ឋាន ៤០០ ស្ថិតនៅភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី បានប្រាប់ កម្ពុជាថ្មី ដឹងថា មុខរបរចិញ្ចឹមត្រីអណ្ដែងនេះ ជាការងារមួយដែលមានភាពងាយស្រួលជាងគេ ក្នុងចំណោមការងារវារីវប្បកម្ម ឬការចិញ្ចឹមត្រី ផ្សេងៗទៀត។ លោក បន្តថា ទាក់ទងនឹងបច្ចេកទេសចិញ្ចឹមត្រីអណ្ដែង វាប្រើរយៈពេលត្រឹមតែ ៣ខែតែប៉ុណ្ណោះ អ្វីដែលសំខាន់នោះ ត្រីអណ្ដែង ងាយស្រួលលក់ចេញទៅកាន់ទីផ្សារ។
លោក ហាច ឆន បន្ថែមទៀតថា សម្រាប់ត្រីអណ្ដែង ក្នុងកសិដ្ឋាន អាចលក់ចេញទៅកាន់ទីផ្សារ ក្នុងតំបន់របស់លោកផង និងបាននាំចេញខេត្តមួយចំនួនក្នុងប្រទេសកម្ពុជា មានដូចជា៖ ខេត្តមណ្ឌលគិរី រតនគិរី កំពង់ចាម និងរាជធានីភ្នំពេញ ក្នុងមួយខែ ប្រមាណជាង៥តោន។
លោក ហាច ឆន បានបញ្ជាក់ទៀតថា ចំពោះតម្លៃលក់ចេញវិញ ត្រីអណ្ដែង អាចលក់បានក្នុងតម្លៃបោះដុំបន្តចាប់ពី ៤៥០០រៀល ទៅ ៥០០០រៀល ក្នុងមួយគីឡូក្រាម។ ចំណែកតម្លៃលក់រាយវិញ លក់បានចន្លោះពី ៩០០០រៀល ទៅ ១០០០០រៀល ក្នុងមួយគីឡូក្រាម។
ម្ចាស់កសិដ្ឋានរូបនេះ ក៏សូមលើកទឹកចិត្តប្រជាពលរដ្ឋខ្មែរ និងម្ចាស់កសិដ្ឋានផ្សេងៗទៀត ប្រសិនបើអាចគួរនាំគ្នាចិញ្ចឹមប្រភេទត្រីអណ្ដែងនេះ ឱ្យបានច្រើនឡើង ពីព្រោះតែរបរនេះពុំចាំាបាច់ចំណាយដើមទុនច្រើន ដោយគ្រាន់តែចំណាយទៅលើតង់ ឬ អាងចិញ្ចឹមតិចតួច តែអាចទទួលបានផលលឿន និងមានទីផ្សារខ្ពស់ ងាយស្រួលរកចំណូលសម្រាប់ផ្គត់ផ្គង់គ្រួសារផងដែរ៕
អត្ថបទ ៖ សួស សិត
-
សន្តិសុខសង្គម២ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
វប្បធម៌ ជំនឿ១ សប្តាហ៍ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានជាតិ៨ ម៉ោង ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
ព័ត៌មានអន្ដរជាតិ៦ ថ្ងៃ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ៤ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានអន្ដរជាតិ៣ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម២ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព