ព័ត៌មានជាតិ
សមាជិករបស់ CCCនឹងកាន់តែមានលទ្ធភាពបន្ថែមក្នុងការទទួលបានហិរញ្ញប្បទានពី SME Banks
សភាពាណិជ្ជកម្មកម្ពុជា (CCC) និងធនាគារសហគ្រាសធុនតូច និងមធ្យម កម្ពុជា ម.ក (SME Banks) បានចុះអនុស្សរណៈនៃការយោគយល់(MoU) ដើម្បីសហការគ្នាក្នុងការផ្សព្វផ្សាយគម្រោងហិរញ្ញប្បទាន កម្ពុជាដល់សមាជិក សភាពាណិជ្ជកម្មកម្ពុជា និងដើម្បីជម្រុញលទ្ធភាពទទួលបានហិរញ្ញប្បទាន ដែលមានលក្ខខណ្ឌអនុគ្រោះ។
ការចុះ MoU នេះធ្វើឡើងកាលពីរសៀលថ្ងៃទី១៩ ខែសីហារវាងលោក ងួន ម៉េងតិច អគ្គនាយក CCC និងលោក លឹម អូន SME Banks នៅនៅការិយាល័យកណ្តាល ធនាគារសហគ្រាសធុនតូច និងមធ្យម កម្ពុជា។
លោក ងួន ម៉េងតិចបានថ្លែងប្រាប់កម្ពុជាថ្មីនៅព្រឹកថ្ងៃទី២០ខែសីហានេះថា បើយោងតាមខ្លឹមសារនៃ MoU ភាគីទាំងពីរ បានព្រមព្រៀងគ្នាលើការសហការគ្នាក្នុងការផ្សព្វផ្សាយគម្រោងហិរញ្ញប្បទាននៃធនាគារសហគ្រាសធុនតូច និងមធ្យម កម្ពុជាដល់សមាជិក សភាពាណិជ្ជកម្មកម្ពុជា ដើម្បីពង្រឹងការយល់ដឹងពីការស្នើសុំ ក៏ដូចជាការប្រើប្រាស់ហិរញ្ញប្បទានក្នុងអាជីវកម្មឲ្យមានប្រសិទ្ធភាពខ្ពស់។
ជាមួយគ្នានេះដែរ លោកថាភាគីទាំងពីរក៏នឹងសហការគ្នាដើម្បីជម្រុញលទ្ធភាពទទួលបានហិរញ្ញប្បទាន ដែលមានលក្ខខណ្ឌអនុគ្រោះសម្រាប់សមាជិក សភាពាណិជ្ជកម្មកម្ពុជា ហើយតាមរយៈគំរោងហិរញ្ញប្បទាននេះសមាជិក សមាជិកា នឹងអាចពង្រីកអាជីវកម្មរបស់ខ្លួនប្រកបដោយផលិតភាព និងប្រសិទ្ធភាពខ្ពស់។
លោក ងួន ម៉េងតិចបានមានប្រសាសន៍បញ្ជាក់ថា៖«ពិធីចុះអនុស្សារណៈនាថ្ងៃនេះ គឺដើម្បីបើកទំព័រថ្មីនៃកិច្ចសហប្រតិបត្តិការរវាងស្ថាប័នទាំងពីរ ដើម្បីជម្រុញអំពីលទ្ធភាពទទួលបានហិរញ្ញប្បទាន ដើម្បីពង្រីកអាជីវកម្ម និងគាំទ្រទៅដល់ម្ចាស់អាជីវកម្ម សហគ្រាសធុនតូច និងមធ្យម នៅកម្ពុជា»៕
-
ព័ត៌មានជាតិ២ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ១ សប្តាហ៍ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានអន្ដរជាតិ៥ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានជាតិ១ សប្តាហ៍ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម៤ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
ព័ត៌មានជាតិ១ សប្តាហ៍ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់