ព័ត៌មានអន្ដរជាតិ
វៀតណាមបង្កើនមុខទំនិញកសិផលទៅចិន ខណៈទំនាក់ទំនងពាណិញ្ជកម្មកើនឡើង
ប្រទេសវៀតណាម បានបង្កើនមុខទំនិញកសិផលចំនួន ៣ មុខបន្ថែមទៀត សម្រាប់ការនាំចេញជាផ្លូវការទៅប្រទេសចិន រួមមាន សាច់ក្រពើ ទុរេនក្លាសេ និងផ្លែដូង ខណៈទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសទាំង២កើនឡើង។ នេះបើតាមការចុះផ្សាយរបស់កាសែត Viet Nam News។
ការបង្កើនមុខទំនិញមាននៅក្នុងពិធីសារអនុញ្ញាត ដែលបានចុះហត្ថលេខាដោយក្រសួងកសិកម្ម និងអភិវឌ្ឍន៍ជនបទវៀតណាម (MARD) និងរដ្ឋបាលទូទៅនៃគយនៃប្រទេសចិន ក្នុងអំឡុងដំណើរទស្សនកិច្ចផ្លូវរដ្ឋរបស់អគ្គលេខាបក្សកុម្មុយនិស្ត និងប្រធានាធិបតីវៀតណាម លោក Tô Lâm ទៅកាន់ប្រទេសចិន កាលពីថ្ងៃចន្ទ។
MARD និយាយថា ការចុះហត្ថលេខាលើពិធីសារនេះ បានបង្ហាញពីវឌ្ឍនភាពដ៏សំខាន់ក្នុងទំនាក់ទំនងពាណិជ្ជកម្មកសិកម្មរវាងប្រទេសទាំង២ ដោយមានអត្ថន័យយ៉ាងជ្រាលជ្រៅចំពោះវិស័យកសិកម្មរបស់វៀតណាម។
ទុរេនក្លាសេ ដែលកំណត់ថាជាផលិតផលអាទិភាព ត្រៀមនឹងជំរុញប្រាក់ចំណូលពីការនាំចេញកសិផលយ៉ាងច្រើន ហើយការអនុញ្ញាតឱ្យនាំចូលជាផ្លូវការទៅកាន់ទីផ្សារចិន រំពឹងថានឹងបើកឱកាសជាច្រើនសម្រាប់ឧស្សាហកម្មទុរេនរបស់ប្រទេស ខណៈវៀតណាមរំពឹងកើនចំណូលបានពីទុរេនក្លាសេ ប្រមាណចន្លោះពី ៤០០-៥០០ លានដុល្លារនៅឆ្នាំនេះ ដោយមានចិនរួមចំណែកលើសលប់លើទីផ្សារនាំចូល។
ដូចគ្នាដែរ វៀតណាមមើលឃើញថា ការអនុញ្ញាតពីចិនឱ្យនាំចូលផ្លែដូង ក៏ដូចជាសាច់ក្រពើ នឹងរួមចំណែកយ៉ាងសំខាន់សម្រាប់កំណើនលើវិស័យរៀងៗខ្លួន ដែលនឹងជួយជំរុញផលិតផលវៀតណាមឱ្យត្រូវតាមគុណភាពស្ដង់ដារសកល។
គួរគូសបញ្ជាក់ថា ប្រទេសចិនបន្តជាទីផ្សារដ៏ធំបំផុតមួយសម្រាប់ផលិតផលកសិកម្មវៀតណាម ខណៈទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសទាំង២កើនឡើងសរុបជាទឹកប្រាប់រាប់ពាន់លានដុល្លារ។ ស្ថិតិបង្ហាញថា ចិនជាដៃគូពាណិជ្ជកម្មដ៏ធំបំផុតរបស់វៀតណាម ដោយឆមាសទី១ឆ្នាំនេះ ទំហំពាណិជ្ជកម្មទ្វេភាគីបានឈានដល់ជិត ៩៥ ប៊ីលានដុល្លារ។ ការចេញទៅចិន មានទំហំ ២៧,៨ ប៊ីលានដុល្លារ កើនឡើង ៥,៣ ភាគរយ ធៀបនឹងរយៈពេលដូចគ្នាកាលពីឆ្នាំមុន ហើយការនាំចូលពីចិនមានទំហំ ៦៧ ប៊ីលានដុល្លារ កើនឡើង ៣៥ ភាគរយ។ នេះបើតាមការចុះផ្សាយរបស់កាសែត VietnamPlus។
ប្រទេសទាំង២ បានចុះហត្ថលេខាលើកិច្ចព្រមព្រៀងទ្វេភាគី និងពហុភាគី រួមទាំងកិច្ចព្រមព្រៀងពាណិជ្ជកម្មសេរីអាស៊ាន-ចិន (ACFTA) និងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។ ជាមួយនឹងកតិកាសញ្ញាទាំងនេះ ពាណិជ្ជកម្មទ្វេភាគីត្រូវបានគេរំពឹងថានឹងបន្តកើនឡើងក្នុងប៉ុន្មានឆ្នាំខាងមុខ ជាពិសេសនៅក្នុងវិស័យដូចជា កសិកម្ម វាយនភ័ណ្ឌ និងអេឡិចត្រូនិច។
គេមើលឃើញថា ចិនមិនត្រឹមតែជាដៃគូពាណិជ្ជកម្មដ៏ធំរបស់វៀតណាមនោះទេ ចិនក៏រួមចំណែកដ៏សំខាន់លើលំហូរវិនិយោគផ្ទាល់ពីបរទេសរបស់វៀតណាមផងដែរ។ រយៈពេល៧ខែដំបូងនៃឆ្នាំនេះ ក្នុងចំណោមប្រទេស និងដែនដីចំនួន ៩១ ដែលវិនិយោគនៅវៀតណាម ចិនបានកាន់កាប់តំណែងកំពូលក្នុងចំនួនគម្រោងវិនិយោគថ្មីៗ ដោយរួមចំណែក ២៩,៧ ភាគរយ នៃចំនួនសរុប។ នេះបើតាមក្រសួងផែនការ និងវិនិយោគវៀតណាម ដែលបានឱ្យដឹងថា សាជីវកម្មចិនធំៗជាច្រើនក្នុងវិស័យបច្ចេកវិទ្យា អគ្គិសនី-អេឡិចត្រូនិក កែច្នៃ ផលិត ហេដ្ឋារចនាសម្ព័ន្ធ ថាមពលកកើតឡើងវិញ និងរថយន្តអគ្គិសនី បានដាក់ការវិនិយោគក្នុងប្រទេសវៀតណាម៕
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ