ព័ត៌មានអន្ដរជាតិ
កាម៉ាឡា ហារីស ប្ដេជ្ញាបង្កើនពន្ធសាជីវកម្មដល់ ២៨ ភាគរយ ប្រសិនបើលោកស្រីជាប់ឆ្នោត
អនុប្រធានាធិបតីសហរដ្ឋអាមេរិក លោកស្រី កាម៉ាឡា ហារីស បានប្ដេជ្ញាថានឹងបង្កើនពន្ធសាជីវកម្មឱ្យដល់ ២៨ ភាគរយ ប្រសិនបើលោកស្រីឈ្នះការបោះឆ្នោតប្រធានាធិបតីទល់នឹងលោក ដូណាល់ ត្រាំ នាខែវិច្ឆិកាខាងមុខ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
អ្នកនាំពាក្យយុទ្ធនាការឃោសនាបោះឆ្នោតរបស់លោកស្រី លោក James Singer បាននិយាយថា ការផ្លាស់ប្តូរនេះនឹងក្លាយជាផ្នែកមួយនៃការខុសត្រូវផ្នែកសារពើពន្ធ ដើម្បីធានាថាពួកមហាសេដ្ឋី និងសាជីវកម្មធំៗបង់ចំណែកពន្ធរបស់ខ្លួនដោយស្មើភាព។
គួររំឭកថា ពេលលោក ត្រាំ នៅជាប្រធានាធិបតី លោកបានកាត់បន្ថយអត្រាពន្ធសាជីវកម្មមកនៅត្រឹម ២១ ភាគរយ ពីអត្រាចាស់ ៣៥ ភាគរយ ហើយបានអនុវត្តការបន្ធូរបន្ថយពន្ធផ្សេងៗទៀត ដែលកំណត់ថានឹងផុតកំណត់នៅឆ្នាំក្រោយ។ បេក្ខជនមកពីគណបក្សសាធារណរដ្ឋរូបនេះ នាពេលកន្លងមក បានប្តេជ្ញាថានឹងកំណត់ការកាត់បន្ថយពន្ធរបស់ខ្លួនជាគោលនយោបាយអចិន្ត្រៃយ៍។
គណៈកម្មាធិការសម្រាប់ការប្រើថវិកាសហព័ន្ធប្រកបដោយទំនួលខុសត្រូវ ដែលជាអង្គការតស៊ូមតិលើបញ្ហាថវិកាសហព័ន្ធ និងសារពើពន្ធ បាននិយាយកាលពីថ្ងៃចន្ទថា សំណើរបស់លោកស្រី ហារីស ដែលជាបេក្ខជនឈរឈ្មោះមកពីគណបក្សប្រជាធិបតេយ្យ ក្នុងការបង្កើនអត្រាពន្ធលើប្រាក់ចំណូលសាជីវកម្មដល់ ២៨ ភាគរយ នឹងកាត់បន្ថយឱនភាពថវិការបស់សហរដ្ឋអាមេរិកចំនួន ១ ទ្រីលានដុល្លារក្នុងរយៈពេល១ទសវត្សរ៍។
ការផ្លាស់ប្ដូរអត្រាពន្ធរបស់សហរដ្ឋអាមេរិក ទាមទារឱ្យមានការយល់ព្រមពីសភា ហើយបច្ចុប្បន្ន គណបក្សប្រជាធិបតេយ្យ និងគណបក្សសាធារណរដ្ឋ កំពុងស្ថិតក្នុងការប្រជែងគ្នាយ៉ាងតឹងរ៉ឹងដើម្បីគ្រប់គ្រងព្រឹទ្ធសភា និងសភាតំណាងរាស្រ្តក្នុងការបោះឆ្នោតប្រធានាធិបតីថ្ងៃទី ៥ ខែវិច្ឆិកា ខាងមុខ។ កន្លងមក លោកស្រី ហារីស បានប្ដេជ្ញារក្សាការសន្យារបស់លោកប្រធានាធិបតី ចូ បៃដិន ថានឹងមិនដំឡើងពន្ធលើពលរដ្ឋដែលរកចំណូលត្រឹម ឬតិចជាង ៤០០ ០០០ ដុល្លារ/ឆ្នាំ។
ក្នុងសុន្ទរកថាគោលនយោបាយសេដ្ឋកិច្ចកាលពីសប្តាហ៍មុន លោកស្រី ហារីស បានគូសបញ្ជាក់អំពីសំណើកាត់បន្ថយពន្ធសម្រាប់ពលរដ្ឋអាមេរិកភាគច្រើន ហាមឃាត់ការតម្លើងថ្លៃទំនិញរបស់ហាងទំនិញ និងសាងសង់លំនៅដ្ឋានដែលមានតម្លៃសមរម្យបន្ថែមទៀត ប្រសិនបើលោកស្រីឡើងកាន់អំណាច។
គេមើលឃើញថា ភាពខុសគ្នារវាងគោលនយោបាយពន្ធ គឺជាយុទ្ធសាស្រ្តទាក់ទាញអ្នកគាំទ្រសម្រាប់ការបោះឆ្នោតប្រធានាធិបតីនៅសហរដ្ឋអាមេរិក ដោយគណបក្សប្រជាធិបតេយ្យទំនោរផ្ដោតលើបញ្ហាសង្គមសេដ្ឋកិច្ច ដែលអាចទាញសម្លេងគាំទ្រពីក្រុមវណ្ណៈកណ្ដាល ខណៈគណបក្សសាធារណរដ្ឋទំនោរផ្ដោតគោលនយោបាយដែលអនុគ្រោះដល់ផលប្រយោជន៍ជំនួញ និងពាណិជ្ជកម្ម៕
ថ្ងៃនេះក្រុមលីគកំពូលកម្ពុជា២គូជួបគ្នាវគ្គ១៦ក្រុមជើងទី១ ពានសម្តេចតេជោ
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ត្រឹមជាង១ឆ្នាំ កីឡាករគុនខ្មែរ៩រូបឈ្នះរង្វាន់រថយន្តថ្មី
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ