ព័ត៌មានអន្ដរជាតិ
ហេតុអ្វីបានជាអង្ករនាំចេញរបស់វៀតណាម មានតម្លៃខ្ពស់ជាងគូប្រជែង?
សមាគមស្បៀងអាហារវៀតណាម (VFA) បានឲ្យដឹងថា តម្លៃអង្ករនាំចេញរបស់វៀតណាមកំពុងឡើងថ្លៃ ដែលផ្ទុយខុសពីគូប្រជែងធំៗដទៃរួមមានថៃ និងប៉ាគីស្ថាន។ នេះបើតាមការចុះផ្សាយរបស់កាសែត Viet Nam News។
អង្ករបាក់វៀតណាម (៥ ភាគរយបាក់) លក់នៅតម្លៃ ៥៧៥ ដុល្លារ/តោន ដោយខ្ពស់ជាងប្រភេទអង្ករដូចគ្នាពីថៃចំនួន ១៤ ដុល្លារ និងពីប៉ាគីស្ថានចំនួន ៣៤ ដុល្លារ។ អង្ករបាក់វៀតណាម (២៥ ភាគរយបាក់) លក់នៅតម្លៃ ៥៣៩ ដុល្លារ/តោន ដោយលើសថៃ ២៧ ដុល្លារ និងប៉ាគីស្ថាន ២២ ដុល្លារ។
VFA បានគូសបញ្ជាក់ថា ធៀបនឹងប្រទេសគូប្រជែងធំៗផ្សេងទៀត វៀតណាមមានតម្លៃអង្ករនាំចេញខ្ពស់ជាងគេ ដែលនេះបង្ហាញពីសន្ទុះដ៏គួរកត់សម្គាល់ ព្រោះ១ខែមុន តម្លៃអង្ករវៀតណាមត្រូវបានលក់ថោកជាងអង្ករថៃ មីយ៉ាន់ម៉ា និងប៉ាគីស្ថាន។
អ្នកនាំចេញអង្ករវៀតណាមបានគូសបញ្ជាក់ថា វៀតណាមអាចនាំចេញអង្កររបស់ខ្លួនខ្ពស់នាពេលនេះ គឺដោយសារតែប្រទេសអតិថិជនធំៗដូចជាឥណ្ឌូណេស៊ី និងហ្វីលីពីន បានបង្កើនការនាំចូលរបស់ខ្លួនក្នុងរយៈពេលប៉ុន្មានខែចុងឆ្នាំ។ ហ្វីលីពីនបានបង្កើនគោលដៅនាំចូលអង្ករប្រចាំឆ្នាំពី ៤,២លាន ទៅ ៤,៥-៤,៧លានតោន។ ឥណ្ឌូណេស៊ីឯណោះវិញ បានបង្កើនគោលដៅរបស់ខ្លួនពី ៣,៦ លានតោន ដល់ ៤,៣ លានតោន ដោយសារតែការថយចុះផលិតកម្មស្រូវរបស់ប្រទេសរហូតដល់ ៩,៥ ភាគរយ ក្នុងរយៈពេល៨ខែដើមឆ្នាំនេះ ធៀបនឹងរយៈពេលដូចគ្នាកាលពីឆ្នាំមុន។
អ្នកជំនាញវៀតណាម បានលើកឡើងថា តម្រូវការអង្ករនៅលើទីផ្សារនៅតែខ្ពស់ថេរ ហើយការប្រែប្រួលតម្លៃភាគច្រើន ត្រូវបានជំរុញដោយកត្តារដូវកាល។ បច្ចុប្បន្ននេះ ការផ្គត់ផ្គង់មានកម្រិត ហើយប្រទេសនានាកំពុងពន្លឿនការនាំចូល ដើម្បីត្រៀមសម្រាប់រដូវរាំងស្ងួតនាឆ្នាំក្រោយ ដែលជំរុញឱ្យតម្លៃអង្ករវៀតណាមកាន់តែខ្ពស់។ អ្នកជំនាញបន្តថា តម្លៃអង្ករនាំចេញវៀតណាម នឹងបន្តខ្ពស់ថេរ និងកើនឡើងរហូតដល់ចុងឆ្នាំនេះ ប្រសិនបើឥណ្ឌានៅតែរឹងត្បឹតការនាំចេញអង្កររបស់ខ្លួន។
ជាមួយគ្នានេះ VFA បានឱ្យដឹងថា តម្រូវការពីប្រទេសនាំចូលអង្ករជាទម្លាប់របស់វៀតណាម រួមមាន ហ្វីលីពីន ឥណ្ឌូណេស៊ី ហ្គាណា ម៉ាឡេស៊ី សិង្ហបុរី និងប្រទេសដទៃទៀត នឹងបន្តមានកម្រិតខ្ពស់ ខណៈក្រុមហ៊ុននាំចេញអង្ករវៀតណាម កំពុងពង្រីកការនាំចេញទៅកាន់ទីផ្សារថ្មីផ្សេងៗ រួមមានមជ្ឈិមបូព៌ា អាហ្វ្រិក អាមេរិកខាងត្បូង ជប៉ុន និងកូរ៉េខាងត្បូង។
បើតាមស្ថិតិពីសមាគមដដែល ក្នុងរយៈពេល៧ដើមឆ្នាំ វៀតណាមបាននាំចេញអង្ករជាង ៥,១ លានតោន កើនឡើង ២៥ ភាគរយ ជាមួយនឹងចំណូល ៣,២ ប៊ីលានដុល្លារ កើនឡើង ៥,៨ ភាគរយ ធៀបនឹងរយៈពេលដូចគ្នាកាលពីឆ្នាំមុន។ ជាមួយនឹងកំណើននៃការនាំចូលរបស់ប្រទេសអតិថិជន VFA ព្យាករថា ការនាំចេញអង្កររបស់វៀតណាមអាចឈានដល់ប្រហែល៨លានតោននៅឆ្នាំនេះ និងទទួលបានប្រាក់ចំណូលជាង ៥ ប៊ីលានដុល្លារ ដែលជាកំណត់ត្រាថ្មីសម្រាប់វិស័យនាំចេញមួយនេះ៕
ក្រោយការប្រកួតយប់មិញ លោក Tuchel ថា Foden និង Rashford នៅស្ទើរត្រង់ចំណុចនេះ
ស្រីអុីត ចេញមុខការពារនាយ ចឺម ខណៈបទថ្មីត្រៀមសម្រាប់ចូលឆ្នាំរងការរិះគន់ និងប្រមាថកប់ៗមាត់
អត្ថប្រយោជន៍នៃការប្រើប្រាស់ប្រាក់រៀលសម្រាប់សេដ្ឋកិច្ចកម្ពុជា
ប ស ស ណែនាំសមាជិកប្តឹងតាមរយៈប្រអប់បណ្តឹងអនាមិក ពេលឃើញមានភាពមិនប្រក្រតីណាមួយរបស់គ្រូពេទ្យ
បេីករថយន្ដទាក់ខ្សែភ្លើងដាច់បង្កជាអគ្គិភ័យឆេះ សន្ធោសន្ធៅ
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
គណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
អង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក
លោក ស សុខា ឱ្យបណ្ដុះទឹកចិត្តយុវជនឱ្យហ៊ានចេញការពារជាតិ ទឹកដី បើថ្ងៃណាមួយសត្រូវឈ្លានពានកម្ពុជា
ត្រាំ៖ ជនណាដែលបំផ្លាញក្រុមហ៊ុន Tesla អាចជាប់ពន្ធនាគាររហូតដល់២០ឆ្នាំ
-
KPT+៦ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៤ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៤ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម១ សប្តាហ៍ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៣ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ១ សប្តាហ៍ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៧ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
ព័ត៌មានជាតិ៣ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ