ព័ត៌មានអន្ដរជាតិ
បង់ក្លាដែសគ្រោងដំឡើងការប្រាក់ដល់ ៩ ភាគរយ ដើម្បីទប់ទល់អតិផរណា ដែលហក់ឡើងជុំវិញចលាចលនយោបាយ
ធនាគារកណ្តាលរបស់ប្រទេសបង់ក្លាដែស គ្រោងនឹងដំឡើងអត្រាការប្រាក់ពីអត្រាបច្ចុប្បន្ន ៨,៥ ភាគរយ ដល់ ៩ ភាគរយ ក្នុងរយៈពេលប៉ុន្មានថ្ងៃខាងមុខនេះ ដើម្បីទប់ទល់នឹងការកើនឡើងនៃអតិផរណា។ នេះបើតាមសម្ដីរបស់ទេសាភិបាលរបស់ធនាគារ ដែលថ្លែងប្រាប់បណ្ដាញព័ត៌មាន BBC ក្នុងបទសម្ភាសន៍មួយដែលចេញផ្សាយនាថ្ងៃព្រហស្បតិ៍នេះ។
វិធានការនេះ ធ្វើឡើងក្រោយភាពចលាចលនយោបាយជាច្រើនសប្តាហ៍នៅបង់ក្លាដែស បានជំរុញឱ្យអតិផរណាហក់ឡើងខ្ពស់រហូតដល់ ១១,៦៦ ភាគរយ ក្នុងខែកក្កដា ខណៈទុនបម្រុងអន្តរជាតិរបស់ប្រទេសក៏ធ្លាក់ចុះ ហើយការនាំចេញផលិតផលឧស្សាហកម្មកាត់ដេរ ក៏រងផលប៉ះពាល់ធ្ងន់ធ្ងរដោយសារការបិទរោងចក្រ។
លោក Ahsan H. Mansur ទេសាភិបាលថ្មីរបស់ធនាគារកណ្ដាលបង់ក្លាដែស ដែលត្រូវបានតែងតាំងកាលពី១សប្តាហ៍មុន ក៏បាននិយាយប្រាប់ BBC ផងដែរថា លោកនឹងដំឡើងអត្រាការប្រាក់បន្ថែមទៀតដល់ ១០ ភាគរយ ឬច្រើនជាងនេះ នៅក្នុងរយៈពេលប៉ុន្មានខែខាងមុខ។ លោកបានគូសបញ្ជាក់ថា ខណៈអតិផរណាអាចនឹងធ្លាក់ចុះជាបណ្តើរៗមកវិញនៅឆ្នាំក្រោយ ការទម្លាក់អត្រាការប្រាក់អាចចំណាយពេលយូរជាងនេះ។
គួរគូសបញ្ជាក់ថា លោក Mansur ត្រូវបានតែងតាំងឱ្យធ្វើជាទេសាភិបាល ដោយរដ្ឋាភិបាលបណ្ដោះអាសន្នដឹកនាំដោយសេដ្ឋវិទូឈ្នះរង្វាន់ណូបែល លោក Muhammad Yunus ដែលបានស្បថចូលកាន់តំណែងជានាយករដ្ឋមន្រ្តី ក្រោយការបះបោររបស់ក្រុមនិស្សិតទម្លាក់លោកស្រី Sheikh Hasina បានសម្រេច កាលពីដើមខែនេះ។
ក្រៅពីដំឡើងអត្រាការប្រាក់ លោក Mansur បានប្រាប់ BBC ថា លោកកំពុងចរចាជាមួយមូលនិធិរូបិយវត្ថុអន្តរជាតិ (IMF) ដើម្បីស្នើទឹកប្រាក់សង្គ្រោះសេដ្ឋកិច្ចបន្ថែម ៣ ប៊ីលានដុល្លារ។ IMF បានអនុម័តកញ្ចប់ប្រាក់កម្ចីចំនួន ៤,៧ ប៊ីលានដុល្លារ សម្រាប់បង់ក្លាដែស កាលពីខែមករា ឆ្នាំ ២០២៣។ ជាមួយគ្នានេះ លោកឱ្យដឹងទៀតថា បង់ក្លាដែសកំពុងស្វែងរកប្រាក់បន្ថែមចំនួន ១,៥ ប៊ីលានដុល្លារពីធនាគារពិភពលោក និង ១ ប៊ីលានដុល្លាររៀងខ្លួន ពីធនាគារអភិវឌ្ឍន៍អាស៊ី និងទីភ្នាក់ងារសហប្រតិបត្តិការអន្តរជាតិជប៉ុន ដើម្បីស្ដារប្រទេសឡើងវិញ៕
តើអ្នកដឹងទេ ជំងឺមហារីកឆ្អឹង មានអាការៈបែបណាខ្លះ?
ខេត្តស្ទឹងត្រែងចាប់ផ្ដើមប្រមូលផលគ្រាប់ស្វាយចន្ទីរដូវកាលថ្មី តម្លៃបាន ៥ ៨០០ រៀល
មេប៉េអឹមខេត្តបន្ទាយមានជ័យ ព្រមានអនុវត្តច្បាប់ បើរកឃើញថាប៉េអឹមក្រោមបង្គាប់កាងបទល្មើសខុសច្បាប់
«មណ្ឌលជលសារមហាសែនជ័យ» វត្តដែលកសាងឡើងដំបូងគេនៅខេត្តមណ្ឌលគិរី អ្នកកសាងមានប្រវត្តិមិនធម្មតាឡើយ
ហេតុអ្វីរដ្ឋកាលីហ្វ័រញ៉ា ងាយរងការវាយប្រហារដោយគ្រោះធម្មជាតិ?
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
មនុស្សស្លាប់ដោយសារភ្លើងឆេះព្រៃនៅ LA កើនដល់២៤នាក់ ខណៈ តួលេខអាចហក់ឡើងខ្ពស់ទៀត
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ២ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ