ព័ត៌មានអន្ដរជាតិ

ថាក់ស៊ីន ថា កូនស្រីរបស់លោកនឹងប្រើអំណាចទន់របស់ថៃ ជាអាវុធដ៏មានឥទ្ធិពល ដើម្បីជំរុញសេដ្ឋកិច្ចប្រទេស

បានផុស

៧ ខែ មុន

នៅ

ថ្ងៃសៅរ៍ ២៤ សីហា ២០២៤

ដោយ

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា បាននិយាយកាលពីពេលថ្មីៗនេះថា រដ្ឋាភិបាលដែលដឹកនាំដោយកូនស្រីរបស់លោក គឺលោកស្រី ផែតងតាន ស៊ីណាវ៉ាត្រា នឹងប្រែអំណាចទន់របស់ថៃ ទៅជាមូលដ្ឋានគ្រឹះនៃសេដ្ឋកិច្ចថៃជាមួយនឹងគំនិតផ្តួចផ្តើមផ្សេងៗ ដូចជា «Premier League» ក្នុងប្រដាល់មួយថៃជាដើម។ នេះបើតាមការចុះផ្សាយរបស់កាសែត The Nation ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថាក់ស៊ីន ថ្លែងក្នុងកម្មវិធី «ទស្សនវិស័យសម្រាប់ថៃ» កាលពីថ្ងៃព្រហស្បតិ៍ថា៖ «រដ្ឋាភិបាលនេះនឹងមត់ចត់ជាមួយអំណាចទន់»។

លោកបានបន្ថែមថា រដ្ឋាភិបាលរបស់លោកស្រី ផែតងតាន នឹងលើកកម្ពស់អំណាចទន់របស់ថៃលើវិស័យអាហារ កីឡា ពិធីបុណ្យ តន្ត្រី សៀវភៅ ភាពយន្ត ហ្គេម សិល្បៈ ការរចនា និងម៉ូដ។

គួរគូសបញ្ជាក់ថា អំណាចទន់ត្រូវបានគេដឹងថាជាវិធីសាស្រ្តទាក់ទាញភ្ញៀវទេសចរដ៏សំខាន់មួយសម្រាប់ថៃ ដោយរួមចំណែកលើការរកចំណូលរាប់ពាន់លានបាត ដើម្បីជំរុញកំណើនសេដ្ឋកិច្ច។ ខណៈសេដ្ឋកិច្ចថៃស្ថិតក្នុងសន្ទុះយឺតយ៉ាវ វិស័យទេសចរណ៍រំពឹងថានឹងជយស្ដារកំណើន ដើម្បីប៉ះប៉ូវនឹងវិស័យផ្សេងៗទៀត ដែលធ្លាក់ចុះ៕