ព័ត៌មានអន្ដរជាតិ
ថៃត្អូញត្អែរពីប្រតិបត្តិករឡានក្រុងចិន ដណ្ដើមភ្ញៀវ និងទម្លាក់តម្លៃដឹកជញ្ជូន
សមាគមប្រតិបត្តិករដឹកជញ្ជូនថៃ បានត្អូញត្អែរថា ប្រតិបត្តិករឡានក្រុងថៃប្រឈមមុខនឹងការប្រកួតប្រជែងខ្លាំងពី ប្រតិបត្តិករចិន ដែលប្រើអាជ្ញាប័ណ្ណរបស់ភ្នាក់ងារក្នុងស្រុក និងទម្លាក់តម្លៃដឹកជញ្ជូនភ្ញៀវ ខណៈមានកំណើនជនបរទេសធ្វើការខុសច្បាប់ជាអ្នកបើកបររថយន្តបម្រើភ្ញៀវទេសចរ ដោយដណ្ដើមការងារប្រជាជនថៃ។ នេះបើតាមការចុះផ្សាយរបស់កាសែតបាងកកប៉ុស្តិ៍។
ប្រធានសមាគម លោក Wasuchet Sophonsathien បាននិយាយថា ប្រតិបត្តិករឡានក្រុងបរទេសខុសច្បាប់នៅតែបន្តប្រកួតប្រជែងជាមួយក្រុមហ៊ុនឡានក្រុងក្នុងស្រុង ខណៈវិស័យដឹកជញ្ជូននេះមិនទាន់ស្ទុះងើបឡើងវិញពីវិបត្តិកូវីដ១៩ស្រួលបួលផង។
លោកបានឱ្យដឹងថា នៅពេលមានភ្ញៀវទេសចរឯករាជ្យ និងក្រុមទេសចរលំដាប់ខ្ពស់ចូលមកលេងថៃកាន់តែច្រើន ជាពិសេសភ្ញៀវទេសចរចិន ក្រុមហ៊ុនបរទេសខុសច្បាប់បានបង្វែរប្រតិបត្តិការរបស់ខ្លួនពីឡានក្រុងធំៗ ទៅឡានដឹកអ្នកដំណើរធម្មតា ឬឡានដឹកអ្នកដំណើរខ្នាតតូច សម្រាប់បម្រើសេវាកម្មដឹកជញ្ជូនដល់ភ្ញៀវ។
លោក Wasuchet បានបន្តថា ជនបរទេសដែលស្នាក់នៅក្នុងប្រទេសថៃរយៈពេលយូរមួយចំនួន បានដាក់ពាក្យសុំប័ណ្ណបើកបរផ្ទាល់ខ្លួន ឬប្រើប្រាស់ប័ណ្ណបើកបរអន្តរជាតិ ដើម្បីធ្វើការជាអ្នកបើកបរបម្រើភ្ញៀវទេសចរមួយក្រុមតូច ដែលជាទង្វើខុសច្បាប់ ព្រោះថា ការបើកបរជាមុខរបរសម្រាប់តែជនជាតិថៃជាកំហិត។
លោកបានបន្តថា ប្រតិបត្តិករបរទេសមួយចំនួនផ្តល់ទាំងសេវាឡានដឹកអ្នកដំណើរធម្មតា និងឡានក្រុង ដោយប្រើឈ្មោះក្រុមហ៊ុន ឬភ្នាក់ងារក្នុងស្រុក ដើម្បីចុះបញ្ជីអាជីវកម្មរបស់ខ្លួន ហើយក្រុមហ៊ុនទាំងនេះកាត់បន្ថយតម្លៃសេវាកម្មដើម្បីទទួលប្រមូលភ្ញៀវឱ្យបានច្រើន និងពង្រីកទីផ្សារ។
មន្រ្តីដដែល បានលើកជាឧទាហរណ៍ថា ប្រតិបត្តិករថៃជាធម្មតាផ្តល់សេវាឡានក្រុងដឹកជញ្ជូនភ្ញៀវពីអាកាសយានដ្ឋានសុវណ្ណភូមិ ទៅក្រុងផាត់ថាយ៉ាក្នុងតម្លៃ ៧ ០០០ បាត ដោយគិតទាំងថ្លៃប្រេងឥន្ធនៈ ប៉ុន្តែប្រតិបត្តិករចិនវិញ កាត់បន្ថយតម្លៃនេះដល់ទៅពាក់កណ្តាល។ ប្រតិបត្តិករបែបនេះជាច្រើន បានសហការជាមួយភ្នាក់ងារ និងប្រតិបត្តិករបរទេសក្នុងបណ្តាញរបស់ពួកគេ ដូចជាសណ្ឋាគារ និងភោជនីយដ្ឋាន ដើម្បីរៀបចំក្រុមទេសចរ។
លើសពីនេះ លោក Wasuchet បានត្អូញត្អែរបន្តថា គោលនយោបាយទាក់ទាញភ្ញៀវទេសចរបរទេស ដែលអនុញ្ញាតឱ្យជនបរទេសស្នាក់ដោយមិនប្រើទិដ្ឋាការរយៈពេល ៦០ ថ្ងៃសម្រាប់ ៩៣ ប្រទេស ក៏ធ្វើឱ្យមានកំណើនកាន់តែច្រើននៃជនបរទេសធ្វើការដោយខុសច្បាប់ក្នុងអាជីវកម្មរថយន្តក្រុង និងរថយន្តដឹកទំនិញ ដើម្បីរកប្រាក់ចំណូលផងដែរ។ លោកថា ទេសចរបង់ប្រាក់សម្រាប់សេវាកម្មរបស់ពួកគេតាមរយៈកម្មវិធីទូទាត់ប្រាក់បរទេស ដែលធ្វើឱ្យអាជ្ញាធរថៃមានការលំបាកក្នុងការតាមដានប្រតិបត្តិការហិរញ្ញវត្ថុដើម្បីទារពន្ធ។
កង្វល់លើបញ្ហានេះ កើតឡើងខណៈវិស័យសេវាកម្មរថយន្តក្រុងមិនទាន់ស្ទុះងើបឡើងវិញពីវិបត្តិកូវីដ១៩នៅឡើយទេ។ បើតាមលោក Wasuchet មានតែរថយន្តក្រុងទេសចរណ៍ពី ១៣ ០០០ ទៅ ១៤ ០០០ គ្រឿងប៉ុណ្ណោះ ដែលបានដំណើរការឡើងវិញមកទល់ពេលនេះ ខណៈរថយន្តក្រុងប្រមាណ ៤០ ០០០ គ្រឿង បានធ្វើប្រតិបត្តិការក្នុង ២០១៩ ពោលគឺមុនវិបត្តិ៕
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
តារាចម្រៀង ស៊ិន សុភ័ក្រ្ត ស្ងាត់ៗបង្ហាញមុខនារីដ៏ស្រស់ស្អាតម្នាក់ ថែមទាំងអះអាងថាជាគូដណ្តឹង
ផ្លូវក្រាលកៅស៊ូមួយខ្សែប្រវែងជាង ៥ គីឡូម៉ែត្រ នៅស្រុកបាធាយ ត្រៀមសម្ពោធដាក់ឲ្យប្រើប្រាស់នៅខែមីនានេះ
តបតាមការសួររក! សេន រ៉ានុត និពន្ធនិងច្រៀងបទ «លោកពុក» ផ្ញើជូនសម្តេចតេជោ
យោធាមីយ៉ាន់ម៉ា បន្តដាក់ប្រទេសក្នុងគ្រាអាសន្នរយៈពេលប្រាំមួយខែទៀត
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
ឆេះហាងកាហ្វេ ១ កន្លែង ដែលម្ចាស់បិទទ្វារចោលប្រមាណ ៣ ឆ្នាំ ដោយមិនដឹងមូលហេតុ
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៩ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ២២ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»