ព័ត៌មានជាតិ
ទំហំពាណិជ្ជកម្មកម្ពុជាជាមួយដៃគូរអាស៊ានមានជាង៩ពាន់លានដុល្លារក្នុងរយៈ៧ខែ
ការដោះដូរពាណិជ្ជកម្មសរុបរបស់កម្ពុជាជាមួយបណ្តាប្រទេសសមាជិកអាស៊ានសម្រេចបានជាង ៩ ពាន់លានដុល្លារ ក្នុងរយៈពេល៧ខែដើមឆ្នាំនេះ កើនឡើងជិត ១៨ភាគរយ ធៀបនឹងរយៈពេលដូចគ្នាកាលពីឆ្នាំមុន ឆ្លុះបញ្ចាំងអំពីការកើនឡើងនៃតម្រូវការក្នុងតំបន់នេះ។
យោងតាមអគ្គនាយកដ្ឋានគយ និងរដ្ឋាករបានឱ្យដឹងថា ទំហំពាណិជ្ជកម្មសរុបរបស់កម្ពុជាជាមួយប្រទេសសមាជិកអាស៊ានចំនួន ៩ កើនឡើងជិត ១៧ ភាគរយ នៅក្នុងរយៈពេល៧ខែនេះ ដោយសម្រេចបានទឹកប្រាក់ជាង ៩ ពាន់លានដុល្លារ។ ក្នុងនោះ ការនាំចេញសរុបរបស់កម្ពុជាឈានជិតដល់ ៣ ពាន់លានដុល្លារ កើនឡើងជាង៩ ភាគរយ ខណៈការនាំចូលសរុបមានជាង ៦ ពាន់លានដុល្លារ កើនឡើងជាង ១៥ ភាគរយ។
ជាមួយនឹងពាណិជ្ជកម្មសរុបនេះ ការដោះដូរទំនិញជាមួយប្រទេសវៀតណាមជាប់ចំណាត់ថ្នាក់កំពូលបានឈានដល់ជាង ៤,៦ ពាន់លានដុល្លារ (កើនឡើងជិត២៦ភាគរយ); តាមពីក្រោយដោយប្រទេសថៃសម្រេចបានទឹកប្រាក់ ២,៤ ពាន់លានដុល្លារ (កើនឡើង ៦,៦ ភាគរយ); ប្រទេសសិង្ហបុរី មានចំនួនជាង ៧៧៨ លានដុល្លារ (ធ្លាក់ចុះជាង ១៣ ភាគរយ); ឥណ្ឌូនេស៊ីមានជាង ៦៦៤ លានដុល្លារ (ធ្លាក់ចុះជាង១ ភាគរយ); ប្រទេសម៉ាឡេស៊ី មានចំនួន ៥៣៤ លានដុល្លារ (កើនជាង៤២ ភាគរយ); ប្រទេសឡាវ មានចំនួនជាង ១២៣ លានដុល្លារ (កើន ១០ ភាគរយ); ប្រទេសហ្វីលីពីនជិត៥០ លានដុល្លារ (កើន ៣ ភាគរយ); ប្រទេសមីយ៉ាន់ម៉ា មានចំនួន ១៧,៦២ លានដុល្លារ (ថយចុះ ៦,៦២ ភាគរយ); និងប្រ៊ុយណេមានចំនួនជិត ១៤ លានដុល្លារ (កើនឡើង ៣,២៨ ភាគរយ)។
លោក ប៉ែន សុវិជាតិ រដ្ឋលេខាធិការក្រសួងពាណិជ្ជកម្មបានថ្លែងប្រាប់កាលពីថ្ងៃទី ២៧ ខែសីហាថា ការកើនឡើងនៃការដោះដូរទំនិញរបស់កម្ពុជាជាមួយប្រទេសសមាជិកអាស៊ានឆ្លុះបញ្ជាំងពីការងើបឡើងវិញនៃតម្រូវការក្នុង ក្នុងតំបន់ និងពិភពលោក បើទោះបីការអូសបន្លាយនៃសង្គ្រាមរុស្ស៊ី និងអ៊ុយក្រែននៅបន្តក្តី។
លោកបានថ្លែងថា៖ «យើងឃើញថា ការអូសបន្លាយពេលនៃសង្គ្រាមរវាងរុស្ស៊ី និងអ៊ុយក្រែននៅតែបន្ត ប៉ុន្តែបើយើងងាកមកមើលអំពីកត្តាសេដ្ឋកិច្ចទាំងក្នុងតំបន់ និងសកលហាក់មានសភាពប្រសើរជាងមុន ជាហេតុធ្វើអោយមានកំណើននៃតម្រូវការរបស់ប្រជាជន ខណៈដែលទីផ្សារអាស៊ានភាគច្រើនយើងបំពេញគ្នាទៅវិញទៅមក»។
បើតាមលោក សុវិជាតិ ការផ្លាស់ប្តូរពាណិជ្ជកម្មភាគច្រើនរវាងកម្ពុជា និងប្រជាជាតិអាស៊ានផ្សេងទៀត ភាគច្រើនជាផលិតផលកសិកម្ម និងសម្ភារកាត់ដេរមួយចំនួនស្របពេលដែលការនាំចូលផលិតផលកសិកម្មសម្រេច សម្ភារម្ហូបអាហារ គ្រឿងអេឡិចត្រូនិក និងរថយន្ត។
បើយោងតាមរបាយការណ៍ក្រសួងពាណិជ្ជកម្មបានឱ្យដឹងថា កម្ពុជាបាននាំចេញកសិផល សម្លៀកបំពាក់ ស្បែកជើង កាបូប គ្រឿងអេឡិចត្រូនិក និងកង់ ទៅកាន់ប្រទេសអាស៊ាន ខណៈដែលការនាំចូលមានដូចជាចំណីអាហារ ភេសជ្ជៈ ឧបករណ៍អគ្គិសនី និងអេឡិចត្រូនិក សម្ភារសំណង់ គ្រឿងយន្តកសិកម្ម និងយានជំនិះ៕
-
សេដ្ឋកិច្ច៦ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ១ សប្តាហ៍ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ១ សប្តាហ៍ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៧ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានអន្ដរជាតិ២ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សេដ្ឋកិច្ច១៤ ម៉ោង ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
សន្តិសុខសង្គម៤ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
សន្តិសុខសង្គម៧ ម៉ោង ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់