ព័ត៌មានអន្ដរជាតិ
ការដាំក្បាលចុះនៃតម្លៃភាគហ៊ុនរបស់ PDD បង្ហាញពីស្ថានភាពយ៉ាប់យឺននៃសេដ្ឋកិច្ចចិន
ក្នុងអ្វីដែលអ្នកវិភាគហៅថាជាការព្រមានចុងក្រោយបំផុតដល់ទីផ្សារពិភពលោកអំពីសុខភាពសេដ្ឋកិច្ចចិន PDD Holdings ដែលជាក្រុមហ៊ុនមេរបស់វេទិកាលក់ឥវ៉ាន់អនឡាញ Temu និង Pinduoduo កាលពីថ្ងៃចន្ទ បានធ្វើឲ្យវិនិយោគិនភ្ញាក់ផ្អើលជាមួយនឹងការដាំក្បាលចុះនៃតម្លៃភាគហ៊ុនរបស់ខ្លួន។ នេះបើតាមការចុះផ្សាយរបស់សារព័ត៌មាន Bloomberg។
PDD Holdings គឺជាក្រុមហ៊ុនពាណិជ្ជកម្មអេឡិចត្រូនិកដ៏ធំមួយរបស់ចិន ដែលជួយជំរុញលំហូរទំនិញ និងការចំណាយរបស់ប្រជាជនក្នុងស្រុកជាមួយនឹងការលក់ទំនិញអនឡាញថោកៗ នៅពេលដែលសេដ្ឋកិច្ចចិនស្ថិតនៅក្នុងស្ថានភាពអួរអាប់។ តម្លៃភាគហ៊ុនរបស់ក្រុមហ៊ុននេះ បានធ្លាក់ចុះជាគំហុកប្រមាណ ២៩ ភាគរយ ក្នុងការជួញដូរកាលពីថ្ងៃចន្ទ ដែលនេះជាការធ្លាក់ចុះដ៏ធំបំផុតក្នុងកំណត់ត្រារបស់ក្រុមហ៊ុន ដោយធ្វើឱ្យរបូតតម្លៃទីផ្សារប្រមាណ ៥៥ ប៊ីលានដុល្លារ។
ការធ្លាក់ចុះនេះ កើតឡើងក្រោយក្រុមហ៊ុន PDD បានរាយការណ៍ពីកំណើនចំណូលតិចជាងការប៉ាន់ស្មាន។ នាយកប្រតិបត្តិក្រុមហ៊ុនលោក Chen Lei បានលើកឡើងក្នុងអំឡុងការសង្ខេបស្ដីពីប្រាក់ចំណូល យ៉ាងហោចណាស់ ៨ ដងថា ប្រាក់ចំណូល និងប្រាក់ចំណេញនឹង «ធ្លាក់ចុះដោយជៀសមិនរួច» ដោយសារកំណើនសេដ្ឋកិច្ចធ្លាក់ចុះ ខណៈមានបញ្ហាប្រឈមថ្មីៗជាច្រើននៅខាងមុខ រាប់តាំងពីការប្រែប្រួលតម្រូវការរបស់អ្នកប្រើប្រាស់ ការប្រកួតប្រជែងកាន់តែខ្លាំង និងភាពមិនច្បាស់លាស់ផ្សេងៗជាសកល។
អ្នកជំនាញមើលឃើញថា ការព្រមានរបស់ក្រុមហ៊ុន PDD បានធ្វើឱ្យវិនិយោគិនស្រឡាំងកាំង ដោយសារតែក្រុមហ៊ុននេះត្រូវបានគេមើលឃើញជាយូរមកហើយថា ជាអ្នកជំរុញកំណើនតម្រូវការ ជាមួយនឹងយុទ្ធសាស្រ្តលក់ផលិតផលថោកៗ តាមរយៈវេទិកាអនឡាញរបស់ខ្លួនដូចជា Pinduoduo ក្នុងស្រុកចិន និង Temu នៅបរទេស។
ការព្រមាននេះ បានធ្វើឱ្យទំនុកចិត្តរបស់វិនិយោគិនរង្គុះរង្គើ ហើយធ្វើឱ្យតម្លៃហ៊ុនរបស់ក្រុមហ៊ុនធ្លាក់ចុះធ្ងន់ធ្ងរ។ អ្នកជំនាញលើកឡើងថា ស្ថានភាពរបស់ក្រុមហ៊ុន PDD បានបង្ហាញពីភាពកាន់តែផុយស្រួយនៃសេដ្ឋកិច្ចចិន ដែលទ្រុធទ្រោមដោយសារតែកម្សោយនៃតម្រូវការ និងការប្រកួតប្រជែងខ្លាំង។
គួរគូសបញ្ជាក់ថា ការប្រើប្រាស់ដែលជាកត្តាជំរុញដ៏សំខាន់នៃសេដ្ឋកិច្ចចិន បានធ្លាក់ចុះនៅឆ្នាំនេះបន្ទាប់ពីការស្ទុះងើបឡើងវិញនៃការចំណាយរបស់ប្រជាជនក្រោយវិបត្តិកូវីដ១៩កាលពីឆ្នាំមុន។ ដើម្បីទប់ទល់នឹងបញ្ហាសេដ្ឋកិច្ច ប្រជាជនចិនកាន់តែប្រុងប្រយ័ត្នបន្ថែមទៀតជាមួយនឹងការចំណាយរបស់ខ្លួន ដែលការណ៍នេះនាំឱ្យមាន «សង្គ្រាមតម្លៃ» ដ៏ខ្លាំងដើម្បីរក្សាចំណែកទីផ្សារក្នុងវិស័យផ្សេងៗ។
ជាងក្រឡឹងម្នាក់នៅស្រុកអូយ៉ាដាវ ខេត្តរតនគីរី ឈ្នះរង្វាន់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
ផ្លូវថ្មើរជើង (Walk street) តាមបណ្តោយមាត់ទន្លេចាប់មុខប្រៃសណីយ៍ ដល់មុខព្រះបរមរាជវាំង នឹងដាក់ឱ្យដំណើរការនៅចុងខែមករា២០២៥ខាងមុខនេះ
ប្រធានគណបក្សខ្មែរតែមួយ អំពាវនាវដល់យុវជនជំនាន់ក្រោយចងចាំ«ទិវាសន្ដិភាពនៅកម្ពុជា»
ត្បិតទំហំពាណិជ្ជកម្ពុជា-ឥណ្ឌា កើនឡើង តែសម្ដេចតេជោ ថាមិនទាន់សមនឹងសក្តានុពលប្រទេសទាំងពីរ និងបានស្នើឱ្យពង្រីកការផ្លាស់ប្តូរសេដ្ឋកិច្ច និងការវិនិយោគ
ប្រធានគណបក្សខ្មែរតែមួយ ហៅទណ្ឌិត សម រង្ស៊ី ជាអ្នកនយោបាយប្រើគំនុំសងសឹក ធ្វើជាដើមទុនបោកប្រាស់ពលរដ្ឋ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២៤ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ