ព័ត៌មានអន្ដរជាតិ
ក្នុងករណីចុងក្រោយ ឧក្រិដ្ឋជននៅថៃបង្កើតគណនីធនាគារក្លែងក្លាយ ដើម្បីសម្រួលការឆបោកប្រាក់ជាង ៧០ លានបាត
នាយកដ្ឋានស៊ើបអង្កេតឧក្រិដ្ឋកម្មតាមអ៊ិនធឺណិត CCID5 របស់ប្រទេសថៃ បានឱ្យដឹងកាលពីដើមសប្ដាហ៍នេះថា មនុស្ស ៤ នាក់ត្រូវបានចាប់ខ្លួនពីបទបង្កើតក្រុមហ៊ុនខ្មោច និងគណនីធនាគារក្លែងក្លាយ ដើម្បីប្រើជាមធ្យោបាយបំភាន់ភ្នែក សម្រាប់សម្របសម្រួលគម្រោងវិនិយោគបោកប្រាស់ ដែលបណ្តាលឱ្យជនរងគ្រោះត្រូវខាតបង់ប្រាក់ជាង ៧០ លានបាត។ នេះបើតាមការចុះផ្សាយរបស់កាសែតបាងកកប៉ុស្តិ៍។
មេបញ្ជាការ CCID5 លោក Phumphat Pattarasriwongchai បានថ្លែងថា ការចាប់ខ្លួនធ្វើឡើងតាមពាក្យបណ្តឹងរបស់ជនរងគ្រោះ ដែលអះអាងថា ខ្លួនត្រូវបានពួកឧក្រិដ្ឋជនបោកបញ្ឆោតឱ្យបណ្តាក់ទុនលើភាគហ៊ុនបរទេសចំនួន ៣,៧ លានបាត ដើម្បីទទួលបានប្រាក់ចំណេញខ្ពស់។
ចាប់តាំងពីការស៊ើបអង្កេតបានចាប់ផ្តើម មនុស្សយ៉ាងហោចណាស់មនុស្ស ២៦ នាក់ផ្សេងទៀត បានចេញមុខមករាយការណ៍អំពីជនបោកប្រាស់ ដែលបានទាក់ទងទៅពួកគេតាមរយៈកម្មវិធីផ្ញើសារ Line ដើម្បីផ្តល់ឱកាសវិនិយោគផ្សេងៗ។ លោក Phumphat បានថ្លែងថា ក្រៅពីមនុស្ស៤នាក់ដែលត្រូវបានចាប់ខ្លួន ប៉ូលិសថៃកំពុងស្វែងរកជនសង្ស័យ ៥ នាក់ផ្សេងទៀត។
ជនបោកប្រាស់បានឱ្យជនរងគ្រោះផ្ទេរប្រាក់របស់ខ្លួនទៅកាន់គណនីធនាគារផ្សេងៗ ដែលមានឈ្មោះក្រោមឈ្មោះក្រុមហ៊ុនផ្សេងៗគ្នា ប៉ុន្តែអ្នកស៊ើបអង្កេតមានការសង្ស័យ ដោយសារតែគ្មានក្រុមហ៊ុនណាមួយដែលធ្វើអាជីវកម្មពាណិជ្ជកម្មត្រូវនឹងព័ត៌មានលម្អិត នៃការចុះឈ្មោះជាផ្លូវការរបស់ពួកគេនោះទេ។
បើតាម CCID5 ជនឧក្រិដ្ឋបានបើកគណនីធនាគារនៅសាខាធនាគារមួយចំនួនក្នុងខេត្ត នុងខៃ រ៉ាកយ៉ង ពិស្ណុលោក និងខេត្តអាយុធ្យា ហើយ «ក្រុមហ៊ុន» ដែលបើកក្នុងខេត្តទាំងនេះ គ្រាន់តែជាហាងលក់អាហារ ឬទំនិញតូចៗ ឬខ្លះគ្មានទាំងទំនិញដាក់លក់ផង។
គួរគូសបញ្ជាក់ថា នេះគឺជាករណីចុងក្រោយមួយ ដែលឧក្រិដ្ឋជននៅថៃធ្វើការឆបោកជនរងគ្រោះ តាមរយៈគម្រោងវិនិយោគខ្មោច ឬក្លែងក្លែង ចំពេលដែលការឆបោកហិរញ្ញវត្ថុប្រភេទផ្សេងៗគ្នាក្នុងប្រទេសថៃនៅតែបន្តជាក្ដីបារម្ភ ទាំងសម្រាប់ជនបរទេស និងប្រជាជនក្នុងស្រុក។ បើតាមសារព័ត៌មានក្នុងស្រុក ការឆបោកធំៗមានជាប់ពាក់ព័ន្ធនឹងការវិនិយោគគ្រីបតូ ភ្នាក់ងារប្ដូរប្រាក់តាមអ៊ិនធឺណិតជាមួយនឹងអត្រាប្ដូរប្រាក់ខ្ពស់ ការក្លែងបន្លំខ្លួន(ធ្វើជាមន្រ្តីរដ្ឋាភិបាល អ្នកជំនួញ ឬសមាជិកគ្រួសារ/សាច់ញាតិ)ដើម្បីបោកជនរងគ្រោះ ការឆបោកបែបប្រើការលួមលោកស្នេហា និងការវិនិយោគក្លែងក្លាយផ្សេងៗទៀត។
បញ្ហាថៃបង្ហាញពីបញ្ហារួមនៅអាស៊ីអាគ្នេយ៍
បញ្ហាក្នុងស្រុកថៃនេះ គឺជាផ្នែកមួយនៃក្ដីបារម្ភរួមដែលឆ្លុះបញ្ជាំងអំពីការប្រឈមមុខរបស់ប្រទេសក្នុងតំបន់អាស៊ីអាគ្នេយ៍មួយចំនួនផ្សេងទៀត រួមទាំងបញ្ហាឧក្រិដ្ឋកម្មឆ្លងដែន ដូចជាមជ្ឈមណ្ឌលឆបោកតាមអ៊ិនធឺណិត ការជួញដូរគ្រឿងញៀន ការឆបោក ល្បែងស៊ីសង និងការជួញដូរមនុស្ស ជាដើម។
ខណៈអាស៊ីអាគ្នេយ៍រងការចោទប្រកាន់រស៊ើបលើឧក្រិដ្ឋកម្មឆ្លងដែន រួមមានទាំងការជួញដូរមនុស្ស របាយការណ៍ស្ដីពីការជួញដូរមនុស្សរបស់សហរដ្ឋអាមេរិក ឆ្នាំ ២០២៤ បានដាក់ចំណាត់ថ្នាក់ថៃលើកម្រិតទី២ ពោលគឺស្រាលជាងកម្រិតធ្ងន់ធ្ងរបំផុតមួយលេខ (៣)។ របាយការណ៍បានគូសបញ្ជាក់ថា ឧក្រិដ្ឋជនជារឿយៗបានប្រើប្រាស់ថៃជាប្រទេស «ឆ្លងកាត់» ដោយបោកពលករពីប្រទេសដទៃ ក្រោមការសន្យាការងារជាមួយប្រាក់ខែខ្ពស់នៅថៃ ក្រោយមកបញ្ជូនជនរងគ្រោះឱ្យធ្វើប្រតិបត្តិការបោកប្រាស់តាមអ៊ិនធឺណិតខុសច្បាប់ផ្សេងៗដូចជានៅមីយ៉ាន់ម៉ា និងឡាវជាដើម។
ជុំវិញបញ្ហានេះជារួមសម្រាប់តំបន់ រដ្ឋមន្ត្រីការបរទេសនៃប្រទេសសមាជិកទាំង៦នៃកិច្ចសហប្រតិបត្តិការមេគង្គ-ឡានឆាង ដែលរួមមានថៃ ចិន ឡាវ កម្ពុជា មីយ៉ាន់ម៉ា និងវៀតណាម ក៏បានសម្ដែងការព្រួយបារម្ភរួមក្នុងសេចក្តីថ្លែងការណ៍មួយផងដែរ ក្រោយជំនួបនៅទីក្រុងឈៀងម៉ៃរបស់ថៃ កាលពីពាក់កណ្ដាលខែកន្លងទៅ។
ក្រុមរដ្ឋមន្រ្តីបានលើកឡើងកាលពីពេលនោះថា៖ «យើងមានការព្រួយបារម្ភយ៉ាងខ្លាំងអំពីភាពធ្ងន់ធ្ងរនៃការគំរាមកំហែងដែលកើនឡើង និងជាបន្តបន្ទាប់ ដែលបង្កឡើងដោយឧក្រិដ្ឋកម្មឆ្លងដែន ហើយធ្វើឱ្យប៉ះពាល់ដល់សន្តិសុខ និងស្ថិរភាពនៃតំបន់ឡានឆាង-មេគង្គ ក៏ដូចជាសុវត្ថិភាព និងសុខុមាលភាពរបស់ប្រជាជនយើង»។ ក្រុមរដ្ឋមន្រ្តីបន្តថា៖ «យើងជំរុញឱ្យប្រទេសសមាជិក ផ្តល់អាទិភាពដល់កិច្ចសហប្រតិបត្តិការលើការប្រឆាំងការជួញដូរគ្រឿងញៀន ក៏ដូចជាការទប់ស្កាត់ការក្លែងបន្លំទូរគមនាគមន៍/អនឡាញ និងការលេងល្បែងស៊ីសងតាមអ៊ិនធឺណិតគ្រប់ប្រភេទ» និងកែលម្អចែករំលែកព័ត៌មានគ្នា និងការគ្រប់គ្រងព្រំដែន៕
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា