ព័ត៌មានអន្ដរជាតិ

វៀតណាមជិតសម្រេចបានការអនុញ្ញាតនាំចេញផ្លែផាសិនទៅអាមេរិក

បានផុស

៥ ខែ មុន

នៅ

ថ្ងៃសុក្រ ៣០ សីហា ២០២៤

ដោយ

កាសែតក្នុងស្រុកវៀតណាម Viet Nam News បានចុះផ្សាយកាលពីថ្ងៃព្រហស្បតិ៍ថា វៀតណាមជិតទទួលបានការអនុញ្ញាតឱ្យនាំចេញផ្លែផាសិនទៅសហរដ្ឋអាមេរិក បន្ទាប់ពីប្រទេសទាំង២ឈានដល់កិច្ចព្រមព្រៀងស្តីពីលក្ខខណ្ឌបច្ចេកទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាដំណើរការសំខាន់ថ្មីមួយទៀត ដែលបង្ហាញថា វៀតណាមកំពុងវាតទីទីផ្សារផលិតផលកសិផលរបស់ខ្លួន។ ជំហានថ្មីនេះ ធ្វើឡើងក្នុងដំណើរទស្សនកិច្ចរបស់ក្រសួងកសិកម្ម និងអភិវឌ្ឍន៍ជនបទវៀតណាមទៅកាន់សហរដ្ឋអាមេរិក ដើម្បីពន្លឿនការបើកទីផ្សារសម្រាប់ផ្លែឈើសំខាន់ៗពីប្រទេសវៀតណាម និងបង្កើនកិច្ចសហប្រតិបត្តិការទ្វេភាគីលើការការពាររុក្ខជាតិ ផលិតកម្មកសិកម្មប្រកបដោយនិរន្តរភាព និងការកាត់បន្ថយការបំភាយឧស្ម័ន។

បើតាមេះ Viet Nam News តម្រូវការបច្ចេកទេសសម្រាប់ផ្លែផាសិនវៀតណាមត្រូវបានព្រមព្រៀងគ្នា ហើយដំណើរការនេះនឹងឈានទៅជំហានបន្ទាប់នៃការអនុវត្តនីតិវិធីច្បាប់សម្រាប់ការនាំចូលផ្លែប្រភេទនេះជាផ្លូវការពីវៀតណាម។

ក្រៅពីនេះ វៀតណាម និងអាមេរិកក៏បានផ្តួចផ្តើមការពិចារណាអនុញ្ញាតការនាំចូលផ្លែឈើថ្មីពីប្រទេសវៀតណាមផងដែរ ដែលរួមមាន ក្រូចឆ្មាគ្មានគ្រាប់ ត្របែក និងខ្នុរជាដើម។

កិច្ចព្រមព្រៀងមួយក៏ត្រូវបានសម្រេចផងដែរ ដើម្បីបង្កើនកិច្ចសហប្រតិបត្តិការក្នុងការអភិវឌ្ឍកសិកម្មបៃតង ការពារបរិស្ថាន និងធានាសុវត្ថិភាពចំណីអាហារសកល ព្រមទាំងគាំទ្រគ្នាទៅវិញទៅមកក្នុងការអនុវត្តគំនិតផ្តួចផ្តើមជាសកលអំពីកសិកម្មដែលឆ្លាតវៃ សម្របតាមការប្រែប្រួលអាកាសធាតុ និងល្អចំពោះបរិស្ថាន។

គួរគូសបញ្ជាក់ថា បច្ចុប្បន្នបច្ចុប្បន្ន សហរដ្ឋអាមេរិកគឺជាទីផ្សារនាំចូលដ៏ធំបំផុតនៃផលិតផលកសិ-រុក្ខាប្រមាញ់-នេសាទពីវៀតណាម ជាមួយនឹងតម្លៃ ១០,៦ ប៊ីលានដុល្លារក្នុងឆ្នាំ ២០២៣ រួមចំណែកប្រមាណ ២០,៧ ភាគរយនៃការនាំចេញកសិផល-ជលផលសរុបរបស់វៀតណាម។ បច្ចុប្បន្ននេះ ផ្លែឈើវៀតណាមចំនួន៨ប្រភេទ បានទទួលការនាំចេញជាផ្លូវការទៅសហរដ្ឋអាមេរិក រួមមានផ្លែស្រកានាគ ស្វាយ មៀន គូលេន សាវម៉ាវ ទឹកដោះ ក្រូចថ្លុង និងដូង៕