ព័ត៌មានអន្ដរជាតិ

សកម្មភាពរោងចក្រចិន បន្តធ្លាក់ចុះនៅខែសីហា បង្ហាញសញ្ញាមិនស្រួលនៃសេដ្ឋកិច្ច

បានផុស

៤ ខែ មុន

នៅ

ថ្ងៃសុក្រ ៣០ សីហា ២០២៤

ដោយ

របាយការណ៍ស្ទង់មតិរបស់សេដ្ឋវិទូរបស់ទីភ្នាក់ងារសារព័ត៌មានរ៉យទ័រ បង្ហាញថា សកម្មភាពរោងចក្រចិនប្រចាំខែទំនងនឹងបន្តធ្លាក់ចុះទៀតនៅខែសីហា ពោលគឺ៤ខែជាប់ៗគ្នា ដែលនេះជាសញ្ញាមិនស្រួលនៃសេដ្ឋកិច្ចក្រោមកម្សោយនៃតម្រូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្ទស្សន៍អ្នកគ្រប់គ្រងការទិញ (PMI) ដែលជាសូចនាករសកម្មភាពសេដ្ឋកិច្ច ត្រូវបានព្យាករថានឹងមាន ៤៩,៥ ពិន្ទុ កើនឡើងពី ៤៩,៤ កាលពីខែមុន ប៉ុន្តែនៅតែតិចជាងអត្រាដែលគេអាចរាប់ថាជាកំណើនសកម្មភាពរោងចក្រ នៅ ៥០ ពិន្ទុ។

ដំណើរការសេដ្ឋកិច្ចដែលមានទំហំ ១៩ ទ្រីលានដុល្លាររបស់ចិន ចាប់ផ្ដើមក្នុងឆមាសទី២ឆ្នាំដោយស្ថានភាពរដិបរដុបជាមួយនឹងសូចនាការផ្សេងៗ រួមទាំងតម្លៃ និងកម្សោយនៃអត្រាផ្ដល់ប្រាក់កម្ចីរបស់ធនាគារនៅខែកក្កដា ដែលបង្ហាញពីភាពបន្តខ្សោយនៃតម្រូវការក្នុងស្រុក ដែលរួមចំណែកខ្លាំងលើកំណើនសេដ្ឋកិច្ចចិន។

កម្សោយនៃការប្រើប្រាស់របស់ប្រជាជន គឺជាឧបសគ្គដ៏ធំដើម្បីជំរុញការស្ទុះងើបឡើងវិញនៃសេដ្ឋកិច្ចចិនក្រោយវិបត្តីកូវីដ ដោយសារតែវិបត្តិអចលនទ្រព្យក្នុងរយៈពេលប្រមាណ ៣ ឆ្នាំចុងក្រោយនេះ ដែលធ្វើឱ្យប្រជាជនរឹតត្បឹតការចំណាយរបស់ខ្លួន ទោះបីជារដ្ឋាភិបាលចិនបញ្ចេញគោលនយោបាយជំរុញផ្សេងៗក៏ដោយ៕