ព័ត៌មានអន្ដរជាតិ
ហ្វីលីពីនចាប់ខ្លួនមនុស្សជាង ១៦០ នាក់ ក្នុងករណីបង្រ្កាបទីតាំងល្បែងអនឡាញ និងបោកប្រាស់តាមអ៊ិនធឺណិតខុសច្បាប់
ក្រុមមន្ត្រីហ្វីលីពីនបានឱ្យដឹងកាលពីចុងសប្ដាហ៍មុនថា អាជ្ញាធរហ្វីលីពីនបានបើកប្រតិបត្តិការបង្រ្កាបលើទីតាំងល្បែងអនឡាញ និងបម្រើឱ្យការបោកប្រាស់តាមអ៊ិនធឺណិតខុសច្បាស់មួយកន្លែង និងចាប់ខ្លួនមនុស្សយកជាង ១៦០ នាក់ ដែលភាគច្រើនជាជនជាតិចិន និងឥណ្ឌូណេស៊ី ដែលប្រព្រឹត្តឧក្រិដ្ឋកម្មតាមអ៊ិនធឺណិត។
តាមការចុះផ្សាយរបស់ទីភ្នាក់ងារសារព័ត៌មាន AP ការវាយឆ្មក់បានធ្វើឡើងកាលពីថ្ងៃសៅរ៍ ដោយភ្នាក់ងាររដ្ឋាភិបាលជាង ១០០ គាំទ្រដោយចារកម្មយោធា ទៅលើទីតាំងរមណីយដ្ឋានមួយក្នុងទីក្រុង Lapu-Lapu។ វាគឺជាផ្នែកមួយនៃការបង្រ្កាបជាបន្តបន្ទាប់របស់អាជ្ញាធរហ្វីលីពីន តាមការបញ្ជាពីខែកក្កដារបស់លោកប្រធានាធិបតី ហ្វឺឌឺណង់ ម៉ារ៍កូស ជូនៀរ ឱ្យបិទជាទូទៅនូវប្រតិបត្តិការល្បែងអនឡាញ ដែលភាគច្រើនដំណើរការដោយជនជាតិចិន ដើម្បីបម្រើសេវាកម្មដល់អតិថិជនក្នុងប្រទេសចិន ដែលហាមឃាត់ល្បែងស៊ីសងខុសច្បាប់។
លោក ម៉ារ៍កូស បាននិយាយនាពេលនោះថា ប្រតិបត្តិការល្បែងស៊ីសងខុសច្បាប់ផ្សេងៗដ៏ធំ បានមិនអើពើនឹងច្បាប់ហ្វីលីពីន ដោយរំលោភលើបទប្បញ្ញត្តិទ្រង់ទ្រាយធំ ហើយថែមទាំងបានប្រព្រឹត្តបទឧក្រិដ្ឋផ្សេងទៀតផង រួមទាំងការឆបោកផ្នែកហិរញ្ញវត្ថុ ការជួញដូរមនុស្ស ការធ្វើទារុណកម្ម ការចាប់ជំរិត និងឃាតកម្ម។
ការវាយឆ្មក់នៅរមណីយដ្ឋាន Tourist Garden ដែលមានអគារចំនួន ១០ រួមទាំងអាងហែលទឹក បារ ខារ៉ាអូខេ និងភោជនីយដ្ឋាន បានធ្វើឡើងក្រោយស្ថានទូតឥណ្ឌូណេស៊ីប្រចាំក្រុងម៉ានីស បានស្នើសុំការជួយសង្គ្រោះជនជាតិឥណ្ឌូណេស៊ី ៨ នាក់ ដែលត្រូវបានគេរាយការណ៍ថារងការបង្ខំឱ្យធ្វើការក្នុងមជ្ឈមណ្ឌលហ្គេមអនឡាញ។ នេះបើយោងតាមគណៈកម្មាធិការប្រឆាំងឧក្រិដ្ឋកម្មរៀបចំរបស់ប្រធានាធិបតីហ្វីលីពីន។
គណៈកម្មការដដែលបាននិយាយថា ជនបរទេសយ៉ាងហោចណាស់ ១៦២ នាក់ ត្រូវបានចាប់ខ្លួនក្នុងទីតាំងដែលបានបង្រ្កាប ដែលមានអាគារសម្រាប់ប្រតិបត្តិការឆបោក៣ផ្សេងៗគ្នា ហើយពួកគេត្រូវរងការស៊ើបអង្កេតដោយការិយាល័យអន្តោប្រវេសន៍ ហើយអាចប្រឈមនឹងការនិរទេសខ្លួន។ យោងតាមមន្រ្តីហ្វីលីពីន ប្រតិបត្តិការឆបោកក្នុងបរិវេណបែបនេះ រួមមាន ការឆបោកលួមលោមបែបស្នេហា ការលេងល្បែងស៊ីសង និងគម្រោងវិនិយោគតាមអ៊ិនធឺណិត ដែលបានបោកប្រាស់ប្រាក់យ៉ាងច្រើនពីជនរងគ្រោះ។
គួរបញ្ជាក់ថា រដ្ឋាភិបាលចិនបានស្វាគមចំណាត់ការរបស់លោក ម៉ារ៍កូស ក្នុងការបិទការលេងល្បែងស៊ីសងតាមប្រព័ន្ធអ៊ិនធឺណែតដែលដំណើរការដោយជនជាតិចិន ដែលត្រូវបានគេប៉ាន់ប្រមាណថាមានចំនួនច្រើនជាង ៤០០ ទីតាំង នៅទូទាំងប្រទេសហ្វីលីពីន ហើយយកជនជាតិចិន និងជនជាតិពីអាស៊ីអាគ្នេយ៍រាប់ម៉ឺននាក់ឱ្យធ្វើការ។ ការបង្រ្កាប បានបង្កការបិទបិទអគារធំៗជាច្រើន ដែលអាជ្ញាធរសង្ស័យថា មានជនជាតិចិន វៀតណាម ឥណ្ឌូណេស៊ី និងជនជាតិផ្សេងៗទៀតរាប់ពាន់នាក់ដែលភាគច្រើនមកពីអាស៊ីអាគ្នេយ៍ ត្រូវបានបោកប្រាស់ និងបង្ខំឱ្យធ្វើការងារខុសច្បាប់៕
កម្ពុជាបានអនុម័តស្តង់ដារចំនួន៣៦ដើម្បីលើកកម្ពស់ឧស្សាហកម្មក្នុងស្រុក និងជំរុញការនាំចេញ
ត្រូវតុលាការកូរ៉េហាមផ្ដាច់មិនឲ្យវិលមកអាជីពសម្ដែង Park Yoochun ប្រើជីវិតបែបណាហើយ នាពេលនេះ
ពូទីន ផ្ញើសារឆ្នាំថ្មីឲ្យមេដឹកនាំកូរ៉េខាងជើង សង្ឃឹមថាទំនាក់ទំនងនឹងខ្លាំងជាងមុន
នគរបាលខណ្ឌជ្រោយចង្វារ បង្ក្រាបក្រុមក្មេងទំនើងប្រុស-ស្រី ៧ នាក់ បង្ហោះម៉ូតូតាមផ្លូវសាធារណៈ
សហជីពនៅកម្ពុជាសាទរទិវាសន្តិភាព ដោយអះអាងថា សន្តិភាពពេញលេញ ទើបវិស័យការងារកម្ពុជារីកចម្រើនបង្កើតឱកាសការងារច្រើន
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៧ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ