ព័ត៌មានអន្ដរជាតិ
អ្នកជំនាញថា៖ ការនាំចូលពីចិន បង្កហានិភ័យខ្លាំងសម្រាប់ឧស្សាហកម្មថៃសំខាន់ៗចំនួន៤
ខណៈសល់តែ២ខែទៀតប៉ុណ្ណោះដល់ការបោះឆ្នោតប្រធានាធិបតីអាមេរិក អ្នកវិភាគថៃមួយរូបបានព្រមានថា សង្គ្រាមពាណិជ្ជកម្មរវាងអាមេរិក និងចិននឹងបន្តអូសបន្លាយ មិនថានរណាជាអ្នកជាប់ឆ្នោតនោះទេ ប៉ុន្តែប្រសិនបើលោក ដូណាល់ ត្រាំ របស់គណបក្សសាធារណៈរដ្ឋជាអ្នកឈ្នះនោះ នោះបញ្ហានឹងកាន់តែធ្ងន់ធ្ងរសម្រាប់ប្រទេសថៃ ដែលទទួលរងឥទ្ធិពលអវិជ្ជមានពីជម្លោះដដែលនេះ។
កាសែត The Nation បានស្រង់សម្ដីប្រធានសេដ្ឋវិទូនៅក្រុមហ៊ុនស្រាវជ្រាវ KKP Research លោក Phiphat Luangnaruemitchai ដែលនិយាយថា លំហូរទំនិញរបស់ចិនទ្រង់ទ្រាយធំ ដែលជាលទ្ធផលនៃសង្រ្គាមពាណិជ្ជកម្មអាមេរិក-ចិន បង្កើតជាហានិភ័យខ្លាំង លើឧស្សាហកម្មសំខាន់ៗចំនួន៤របស់ថៃ ដែលរួមមាន ដែកថែប យានយន្ត អង្គផ្ទុកទិន្នន័យ (HDD) និងគីមីឥន្ធនៈ ដែលសុទ្ធតែជាឧស្សាហកម្មប្រពៃណីរបស់ប្រទេស។
ខណៈការចំណាយសម្រាប់អាជីវកម្មកំពុងកើនឡើង លំហូរទំនិញរបស់ចិនធ្វើឱ្យអាជីវកម្មថៃប្រឈមមុខនឹងគុណវិបត្តិនៃការប្រកួតប្រជែង ជាពិសេសបញ្ហាប្រឈមដែលលេចកាន់តែច្បាស់ក្នុងវិស័យរថយន្តអគ្គិសនី (EV) និងវិស័យគីមីឥន្ធនៈ។
លោក Phiphat បានគូសបញ្ជាក់ពីលទ្ធផលនៃសង្រ្គាមពាណិជ្ជកម្មចិន ដោយបន្ថែមយ៉ាងដូច្នេះថា៖ «លទ្ធភាពនៃការដំឡើងពន្ធលើប្រទេសចិនគឺខ្ពស់ណាស់។ នេះនឹងធ្វើឱ្យថៃក្លាយជាផ្លូវឆ្លងកាត់សម្រាប់ពាណិជ្ជកម្ម។ ពេលសេដ្ឋកិច្ចរបស់ចិនចុះខ្សោយ ហើយពាណិជ្ជកម្មក្នុងស្រុករបស់ប្រទេសនេះធ្លាក់ចុះ ចិននឹងនាំចេញទំនិញថោកៗរបស់ខ្លួនទៅកាន់ប្រទេសជាច្រើន រួមទាំងថៃផងដែរ»។
ឥទ្ធិពលអវិជ្ជមានបែបនេះមានស្រាប់ទៅហើយ ដោយលោក Phiphat បានបន្ថែមថា៖ «ចិនបានប្រើប្រាស់ថៃជាមជ្ឈមណ្ឌលពាណិជ្ជកម្ម ហើយការធ្លាក់ចុះនៃសេដ្ឋកិច្ចរបស់ចិនបានបណ្តាលឱ្យមានការហូរចូលនៃទំនិញចិន ដែលមានតំលៃថោកៗចូលក្នុងប្រទេសថៃ។ នេះបង្កការប្រកួតប្រជែងកាន់តែខ្លាំង ហើយបណ្ដាលឱ្យការប្រកួតប្រជែងរបស់អាជីវកម្មថៃធ្លាក់ចុះ»។
ក្នុងរយៈពេល៦ខែដំបូងនៃឆ្នាំនេះ ថៃមើលឃើញពីកំណើននៃឱនភាពពាណិជ្ជកម្មជាមួយចិនដល់ ៣០ ប៊ីលានដុល្លារ ហើយសង្គ្រាមពាណិជ្ជកម្មរវាងសហរដ្ឋអាមេរិក និងចិន បាននាំឱ្យមានការថយចុះនៃទំហំពាណិជ្ជកម្មពិភពលោក ដែលវាកាត់បន្ថយឱកាសពាណិជ្ជកម្មរបស់ប្រទេសថៃជារួម ខណៈបង្កើនការចំណាយក្នុងអាជីវកម្មសម្រាប់ថៃ។
ដោយហេតុនេះហេតុ ដូចគ្នាទៅនឹងអ្នកជំនាញ ក៏ដូចជាមន្រ្តីថៃផ្សេងទៀតដែរ លោក Phiphat បានជំរុញឱ្យរដ្ឋាភិបាលថៃ ដាក់ពន្ធលើការនាំចូលទំនិញរបស់ចិនដែលលក់ក្រោមតម្លៃផលិតកម្ម និងធានាថាគុណភាពផលិតផលចិនមានស្តង់ដារដូចទំនិញថៃ ដើម្បីទប់ទល់នឹងហានិភ័យក្នុងស្រុក៕
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ