ព័ត៌មានអន្ដរជាតិ

ឥណ្ឌូណេស៊ីបង្កើនការប្រើប្រាស់រថយន្តក្រុងអគ្គិសនី ដើម្បីដោះស្រាយការបំពុលបរិយាកាស

បានផុស

៥ ខែ មុន

នៅ

ថ្ងៃសៅរ៍ ៧ កញ្ញា ២០២៤

ដោយ

រដ្ឋាភិបាលឥណ្ឌូណេស៊ីកំពុងបង្កើនការប្រើប្រាស់ធនធាន និងមូលនិធិបៃតង ដើម្បីបង្កើនប្រព័ន្ធដឹកជញ្ជូនសាធារណៈអគ្គិសនី ក្នុងគោលបំណងកាត់បន្ថយការបំពុលបរិយាកាស និងលើកទឹកចិត្តឱ្យប្រើប្រាស់ឥន្ធនៈស្អាត។ នេះបើតាមការចុះផ្សាយរបស់ទីភ្នាក់ងារសារព័ត៌មាន Antara។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីបន្ទុកផ្នែកហេដ្ឋារចនាសម្ព័ន្ធ និងដឹកជញ្ជូន នៃក្រសួងសម្របសម្រួលកិច្ចការសមុទ្រ និងការវិនិយោគឥណ្ឌូណេស៊ី លោក Rachmat Kaimuddin បានកត់សម្គាល់កាលពីថ្ងៃសុក្រថា៖ «យើងមានបំណងចង់ឱ្យមានជីវឥន្ធនៈស្អាតនៅត្រីមាសទី ៤ ឆ្នាំ ២០២៤ និងប្រេងសាំងស្អាតនៅត្រីមាសទី ១ ឆ្នាំ ២០២៥»។

លើសពីនេះ លោក Rachmat បានកត់សម្គាល់ថា លើសពីនេះ ឥណ្ឌូណេស៊ីបានពង្រីកលទ្ធភាពនៃបណ្ដាញរថយន្តក្រុង TransJakarta និងការប្រើប្រាស់រថយន្តក្រុងអគ្គិសនី (EV) ។ បណ្ដាញ TransJakarta បានប្រើប្រាស់រថយន្តក្រុង EV ចំនួន ២០០ គ្រឿង ហើយគ្រោងនឹងបន្ថែមប្រមាណ ២០០ គ្រឿងទៀត នៅចុងឆ្នាំ ២០២៤។

ជាមួយគ្នានេះ លោកបានលើកឡើងពីការយកចិត្តទុកដាក់ចំពោះកិច្ចខិតខំប្រឹងប្រែងកាត់បន្ថយការបំពុលពីរោងចក្រថាមពលចំហាយ (PLTU) ដែលជាប្រភពនៃការបំពុល ជាពិសេសក្នុងតំបន់ទីក្រុង ដូចជាទីក្រុងហ្សាការតា បន្ទាប់មកគឺការបំភាយឧស្ម័នចេញពីយានយន្ត ការដុតចំហ និងគុណភាពនៃឥន្ធនៈឥណ្ឌូណេស៊ី ដែលមិនទាន់បំពេញតាមស្តង់ដារអឺរ៉ុបហើយនោះ។

លោកក៏បានចង្អុលបង្ហាញផងដែរ ពីភាពគ្មានប្រសិទ្ធភាពនៃការចំណាយក្នុងការអនុវត្តដំណោះស្រាយដើម្បីកាត់បន្ថយការបំពុលបរិយាកាស ដែលចាំបាច់ត្រូវមានការសម្របសម្រួលពីភាគីពាក់ព័ន្ធផ្សេងៗ៕