ព័ត៌មានជាតិ
SERC៖ កម្ពុជាប្តេជ្ញាជំរុញប្រតិបត្តិការនិរន្តរភាពហិរញ្ញវត្ថុក្នុងដំណើរនាំពិភពលោកឆ្ពោះទៅរកESG ប្រកបដោយភាពបៃតង
លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (SERC) បានលើកឡើងថាកម្ពុជាដើរស្របជាមួយបណ្តាប្រទេសនៅអាស៊ានក្នុងការលើកកម្ពស់ប្រតិបត្តិការនិរន្តរភាពហិរញ្ញវត្ថុ ដោយស្របទៅតាមបេសកកម្មរបស់ បណ្តាញធនាគារ និងហិរញ្ញវត្ថុនិរន្តរភាព (SBFN) ក្នុងដំណើរនាំពិភពលោកឆ្ពោះទៅរកសមាហរណកម្មបរិស្ថាន សង្គម និងអភិបាលកិច្ច (ESG) ដែលប្រកបដោយភាពបៃតង និងវិបុលភាពកាន់តែប្រសើរ។
![](https://www.kampucheathmey.com/wp-content/uploads/2024/09/b-11-1024x614.jpg)
ការលើកឡើងរបស់លោក ស៊ូ សុជាតិធ្វើឡើងនាឪកាសដែលលោកបានដឹកនាំគណៈប្រតិភូចូលរួមកិច្ចប្រជុំសកលលើកទី៨ របស់ SBFN នៅទីក្រុង Rio de Janeiro ប្រទេសប្រេស៊ីលក្នុងនាមជាសមាជិក SBFN ក្រោមកិច្ចសហការរៀបចំដោយបណ្តាញធនាគារ និងហិរញ្ញវត្ថុនិរន្តរភាព (Sustainable Banking and Finance Network-SBFN), សាជីវកម្មហិរញ្ញវត្ថុអន្តរជាតិ (IFC), ធនាគារកណ្តាលប្រេស៊ីល និងធនាគារសហព័ន្ធប្រេស៊ីល (FEBRABAN)។ ខណៈដែល SERC បានចូលជាសមាជិកនៃ SBFN កាលពីថ្ងៃទី១២ ខែសីហា គ.ស.២០២៤។
លោក ស៊ូ សុជាតិបានមានប្រសាសន៍ថា ក្នុងនាមជានិយ័តករគ្រប់គ្រងវិស័យមូលបត្រនៅក្នុងប្រទេសកម្ពុជា ន.ម.ក. ប្តេជ្ញាចិត្តយ៉ាងមោះមុតចូលរួមជំរុញគំនិតផ្តួចផ្តើមនិរន្តរភាពហិរញ្ញវត្ថុ ក្នុងប្រទេសកម្ពុជា និងក្នុងតំបន់អាស៊ាន ដោយស្របទៅតាមបេសកកម្មរបស់ SBFN ក្នុងដំណើរនាំពិភពលោកឆ្ពោះទៅរកសមាហរណកម្មបរិស្ថាន សង្គម និងអភិបាលកិច្ច (ESG) ដែលប្រកបដោយភាពបៃតង និងវិបុលភាពកាន់តែប្រសើរ។ ការរួបរួមគ្នា យើងអាចសម្រេចបាននូវគោលដៅរួមរបស់កម្ពុជា។
លោកបានថ្លែងថា៖«ការសម្រេចចិត្ត និងសកម្មភាពរបស់យើង នឹងត្រួសត្រាយផ្លូវសម្រាប់កូនចៅជំនាន់ក្រោយរបស់យើង។ យើងមានឱកាសដ៏ពិសេសនៅក្នុងការបង្កើតនូវភាពខុសប្លែកដ៏ល្អប្រសើរសម្រាប់ពិភពលោកនេះ ដូចនេះយើងត្រូវតែចាប់យកឱកាសនេះ និងបំពេញបេសកកម្មនេះ»។
![](https://www.kampucheathmey.com/wp-content/uploads/2024/09/c-9-1024x614.jpg)
កិច្ចប្រជុំនេះ មានការចូលរួមពីសមាជិក និងវាគ្មិនជំនាញជាន់ខ្ពស់នៃគំនិតផ្តួចផ្តើមសកលនៃ G20 SFWG, SBFN, IFC និងធនាគារពិភពលោក និងបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់ក្នុងស្មារតីរួមនាំពិភពលោកឆ្ពោះទៅកាន់ការអភិវឌ្ឍប្រកបដោយនិរន្តរភាព។
SBFN គឺជាសហគមន៍អ្នកស្ម័គ្រចិត្តដែលត្រូវបានបង្កើតឡើងកាលពីឆ្នាំ២០១២ ដោយមាន IFC ជាលេខាធិការដ្ឋាន និងមានការគាំទ្រពីធនាគារពិភពលោក (WB) ក្នុងគោលបំណងជួយប្រមូលព័ត៌មាន និងធនធាន និងផ្តល់នូវការគាំទ្រជាក់ស្តែងសម្រាប់សមាជិកក្នុងការរៀបចំ និងអនុវត្តគំនិតផ្តួចផ្តើមថ្នាក់ជាតិ ដែលជំរុញដល់ហិរញ្ញវត្ថុនិរន្តរភាពកម្រិតថ្នាក់ជាតិ តំបន់ និងសកលលោក តាមរយៈវេទិកាចែករំលែកចំណេះដឹង និងការកសាងសមត្ថភាពស្តីពីហិរញ្ញវត្ថុនិរន្តរភាព សម្រាប់និយ័តករផ្នែកហិរញ្ញវត្ថុ និងសមាគមឧស្សាហកម្មនៅទូទាំងទីផ្សារដែលកំពុងងើបឡើង។ បច្ចុប្បន្ន SBFN មានសមាជិកដែលជាស្ថាប័ននីតិបុគ្គល ចំនួន ៩៦ តំណាងឱ្យប្រទេសចំនួន ៧២ មកពីតំបន់អាមេរិក អាស៊ី អាហ្រ្វិក និងអឺរ៉ុប។
![](https://www.kampucheathmey.com/wp-content/uploads/2024/09/a-12-1024x614.jpg)
កិច្ចប្រជុំសកល SBFN លើកទី៨ នេះ ត្រូវបានរៀបចំឡើងគោលបំណងដើម្បីចែករំលែកនូវវឌ្ឍនភាព និងពិភាក្សាអំពីយុទ្ធសាស្ត្រអាទិភាព និងការសម្រេចបាននៃក្រុមការងារដែលជាសមាជិករបស់ SBFN ពាក់ព័ន្ធនឹងហិរញ្ញវត្ថុនិរន្តរភាព ក៏ដូចជាការចែករំលែកបទពិសោធដោយអ្នកជំនាញសកល និងកិច្ចសន្ទនារបស់ថ្នាក់ដឹកនាំកំពូលអំពីនិន្នាការ, កាលានុវត្តភាព និងបញ្ហាប្រឈមនៃហិរញ្ញវត្ថុនិរន្តរភាពនៅក្នុងទីផ្សារកំពុងងើបឡើង។
បន្ថែមពីនេះ ក៏មានការចូលរួមជាដៃគូចែករំលែកចំណេះដឹងដោយក្រុមការងារហិរញ្ញវត្ថុនិរន្តរភាព (SFWG) នៃប្រទេស G20 ដែលបានចែករំលែកនូវចំណេះដឹងដ៏មានតម្លៃ និងអាចនាំយកនូវសម្លេងរបស់ទីផ្សារកំពុងងើបឡើងនៅក្នុងរបៀបវារៈសកល ផងដែរ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២៣ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២៣ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?