សេដ្ឋកិច្ច

សិប្បកម្មកែច្នៃកៅស៊ូសន្លឹក នៅខេត្តកំពង់ចាម មានសមត្ថភាពផលិតកៅស៊ូសន្លឹក ១០០ តោន

បានផុស

៥ ខែ មុន

នៅ

ថ្ងៃអាទិត្យ ១៥ កញ្ញា ២០២៤

ដោយ

សិប្បកម្មកែច្នៃកៅស៊ូសន្លឹក ដែលបានប្រមូលទិញជ័រកៅស៊ូពីកសិករ ស្ថិតនៅក្នុងឃ្មុំបុសខ្នុរ ស្រុកចម្ការលើ ខេត្ដកំពង់ចាម មានសមត្ថភាពផលិតកៅស៊ូសន្លឹក(RSS) បានចំនួនប្រមាណពី៩០-១០០តោន ក្នុងមួយខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃុន កក្គដា អគ្គនាយកស្ដីទី នៃអគ្គនាយកដ្ឋានកៅស៊ូ កាលពីថ្ងៃទី ១១ ខែកញ្ញា បានបានចុះពិនិត្យវឌ្ឍនភាពសិប្បកម្មកែច្នៃកៅស៊ូសន្លឹក ដើម្បីស្វែងយល់អំពីបញ្ហាប្រឈមនានាដែលសិប្បកម្មបានជួបប្រទះ និងរួមគ្នារកដំណោះស្រាយផ្សារភ្ជាប់ផលិតផលជ័រកៅស៊ូសិប្បកម្មទៅនឹងរោងចក្រផលិតសំបកកង់យានយន្តក្នុងស្រុក។

លោក ប្រាក់ ដាវីដ រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទបានណែនាំឱ្យអគ្គនាយកដ្ឋានកៅស៊ូ ធ្វើការសម្របសម្រួលរវាងម្ចាស់សិប្បកម្ម និងក្រុមហ៊ុនកែច្នៃសំបកកង់រថយន្ដដើម្បីរិះរកលទ្ធភាពផ្គត់ផ្គង់និងទទួលទិញកៅស៊ូស្របតាមបរិមាណនិងគុណភាព និងជួយផ្ដល់បច្ចេកទេសរក្សាគុណភាពទឹកជ័រនិងការកែច្នៃកៅស៊ូដល់សមាជិកក្នុងសហគមន៍។

យោងតាមរបាយការណ៍របស់អគ្គនាយកដា្ឋនកៅស៊ូនៃក្រសួងកសិកម្ម នៅក្នុងរយៈពេល ៧ ខែ (មករា-កក្កដា) ឆ្នាំ ២០២៤ កម្ពុជា រកចំណូលបានជាង២៧០លានដុល្លារ ពីការនាំចេញជ័រកៅស៊ូ និងឈើកៅស៊ូ ទៅកាន់ទីផ្សារអន្តរជាតិ កើនឡើងជាង១៨% បើធៀបនឹងរយៈពេលដូចនៅក្នុងឆ្នាំ ២០២៣៕