ព័ត៌មានអន្ដរជាតិ
ទីហ្វុងយ៉ាកជី បង្កការខាតបង់ ១,៦ ប៊ីលានដុល្លារនៅវៀតណាម និងអាចទម្លាក់កំណើនសេដ្ឋកិច្ចប្រទេសនេះ
ទីហ្វុងដ៏កំណាច យ៉ាកជី និងចំហាយព្យុះនេះ បានបន្សល់ទុកនូវការបំផ្លិចបំផ្លាញយ៉ាងធ្ងន់ធ្ងរនៅតាមតំបន់នានារបស់វៀតណាម ដែលលាតសន្ធឹងចន្លោះពីខេត្ត Thanh Hoa និងតំបន់ភាគខាងជើង ដោយវាត្រូវបានគេប៉ាន់ស្មានថា បង្កការខាតបង់ទ្រព្យសម្បត្តិរហូតដល់ទៅ ៤០ ទ្រីលានដុង (១,៦ ប៊ីលានដុល្លារ) រហូតមកទល់ពេលនេះ។ នេះបើតាមការចុះផ្សាយរបស់កាសែត Viet Nam News។
តួលេខនេះ ត្រូវបានវាយតម្លៃជាបឋមដោយក្រសួងផែនការ និងវិនិយោគវៀតណាម ហើយត្រូវបានលើកយកមកបង្ហាញក្នុងកិច្ចប្រជុំគណៈរដ្ឋមន្ត្រីដើម្បីដោះស្រាយផលវិបាកក្រោយព្យុះទីហ្វុង ដឹកនាំដោយនាយករដ្ឋមន្ត្រីវៀតណាម លោក Pham Minh Chinh កាលពីថ្ងៃអាទិត្យ។
ខេត្ត-ក្រុងចំនួន ២៦ នៅតំបន់ភាគខាងជើង និងខេត្ត Thanh Hoa ដែលរងផលប៉ះពាល់ដោយទីហ្វុង យ៉ាកជី រួមចំណែកជាង ៤១ ភាគរយ នៃផលិតផលក្នុងស្រុកសរុប (GDP) របស់វៀតណាម និង ៤០ ភាគរយ នៃចំនួនប្រជាជនសរុបរបស់ប្រទេស។ រហូតមកដល់ពេលនេះ តំបន់មួយចំនួននៅតែជួបប្រទះនឹងគ្រោះទឹកជំនន់ ឬប្រឈមមុខនឹងហានិភ័យខ្ពស់នៃការខូចខាតបន្ថែមទៀត ដែលអាចធ្វើឱ្យការខាតបង់ទាំងមូលកាន់តែធ្ងន់ធ្ងរ។
ជុំវិញបញ្ហានេះ រដ្ឋមន្ត្រីក្រសួងផែនការ និងវិនិយោគវៀតណាម លោក Nguyen Chi Dung បានបញ្ជាក់ថា ឥទ្ធិពលនៃព្យុះទីហ្វុង យ៉ាកជី រំពឹងថានឹងធ្វើឱ្យអត្រាកំណើនសេដ្ឋកិច្ចវៀតណាម និងតំបន់ជាច្រើនរបស់ប្រទេស ធ្លាក់ចុះនៅក្នុងឆមាសទី២នៃឆ្នាំនេះ។
លោក Dung បានគូសបញ្ជាក់ជាលម្អិតថា កំណើន GDP របស់ប្រទេស អាចនឹងធ្លាក់ចុះ ០,៣៥ ភាគរយ នៅត្រីមាសទី៣ និង ០,២២ ភាគរយ នៅត្រីមាសទី៤។ សម្រាប់រយៈពេលពេញមួយឆ្នាំ GDP វៀតណាម អាចធ្លាក់ចុះ ០,១៥ ភាគរយ បើប្រៀបធៀបទៅនឹងសេណារីយ៉ូគោលដៅកំណើនសេដ្ឋកិច្ចចន្លោះពី ៦,៨ ទៅ ៧ ភាគរយ។ ទិន្នាការនេះ នឹងអាក្រក់ជាងគេនៅតំបន់រងគ្រោះខ្លាំងបំផុត ដូចជា ក្រុង Hai Phong ខេត្ត Quang Ninh ខេត្ត Thai Nguyen និងខេត្ត Lao Cai ដោយរំពឹងការធ្លាក់ចុះនៃកំណើនប្រមាណ ០,៥ ភាគរយ។
គួរគូសបញ្ជាក់ថា យ៉ាកជី គឺជាព្យុះទីហ្វុងដែលមានកម្លាំងខ្លាំងបំផុតនៅសមុទ្រចិនខាងត្បូងក្នុងរយៈពេល ៣០ ឆ្នាំកន្លងមក ហើយក៏ជាព្យុះដ៏កំណាចសាហាវបំផុត ដែលវាយលុកវៀតណាមក្នុងរយៈពេល ៧០ ឆ្នាំ។ វាបានបំផ្លិចបំផ្លាញហេដ្ឋារចនាសម្ព័ន្ធ និងផ្ទះសម្បែងយ៉ាងដំណំ និងធ្វើឱ្យមនុស្សប្រមាណ ៣៥០ នាក់ ស្លាប់ និងបាត់ខ្លួន គិតត្រឹមថ្ងៃអាទិត្យ៕
ទីហ្វុងយ៉ាកជី បង្កការខាតបង់ ១,៦ ប៊ីលានដុល្លារនៅវៀតណាម និងអាចទម្លាក់កំណើនសេដ្ឋកិច្ចប្រទេសនេះ
កម្ពុជាមានបំណុលសាធារណៈសរុបជាង១១,២៧ ប៊ីលានដុល្លារ និងបានទូទាត់សងបំណុលជាង ២៣១ លានដុល្លារ គិតត្រឹមត្រីមាសទី២ឆ្នាំនេះ
ក្រសួងសុខាភិបាលចុះពង្រឹង ការស្រាវជ្រាវធ្វើរោគវិនិច្ឆ័យជំងឺរបេង ជាពិសេសជំងឺរបេងកុមារ
តាមច្បាប់៖ តើប្តីផិតក្បត់ប្រពន្ធ ឬប្រពន្ធផិតក្បត់ប្តី ត្រូវមានទោសទណ្ឌយ៉ាងណា?
លោក Zelenskiy ថា អ៊ុយក្រែនខាតបង់ច្រើន ព្រោះលោកខាងលិចផ្ដល់អាវុធយឺតពេក
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
ក្រុមហ៊ុនចំនួន២ដាក់គ្រឿងចក្រជួសជុលផ្លូវគ្រួសក្រហមមួយខ្សែ បន្ទាប់ពីសន្យាជាមួយអាជ្ញាធរ និងពលរដ្ឋ
អគារសម្រាកព្យាបាលថ្មីនៃមន្ទីរពេទ្យកាល់ម៉ែតកម្ពស់២៥ជាន់ បើកការដ្ឋានសាងសង់ជាផ្លូវការនៅថ្ងៃនេះ
អគ្គិភ័យឆេះផ្ទះលក់គ្រឿងបន្លាស់រថយន្តនៅសង្កាត់ផ្សារដេប៉ូទី១ ខូចខាតសម្ភារៈមួយចំនួន
-
ព័ត៌មានអន្ដរជាតិ៧ ថ្ងៃ agoបាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ agoក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ agoផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៧ ថ្ងៃ agoបន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ agoផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ agoមិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ agoមិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ agoលើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ