ព័ត៌មានអន្ដរជាតិ
តម្លៃប្រេងកើនតិចតួចនៅថ្ងៃចន្ទ ខណៈធនាគារកណ្ដាលអាមេរិកត្រៀមកាត់អត្រាការប្រាក់
តម្លៃប្រេងឆៅលើទីផ្សារជួញដូរនៅអាស៊ីនាថ្ងៃចន្ទនេះ បានកើនឡើងមកវិញ ចំពេលមានការរំពឹងទុកពីការកាត់បន្ថយអត្រាការប្រាក់របស់ធនាគារកណ្ដាលអាមេរិកនាសប្ដាហ៍នេះ ទោះបីកំណើនតម្លៃមានតិចតួចដោយសារតែកម្សោយតម្រូវនៅប្រទេសប្រើប្រាស់ប្រេងធំៗដូចជាចិន ជាដើម។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានកើនឡើង ៣៨ សេន ឬ ០,៥ ភាគរយ ដោយជួញដូរនៅតម្លៃ ៧១,៩៩ ដុល្លារ/បារ៉ែល ខណៈប្រេងឆៅអាមេរិក ម៉ាក WTI ជួញដូរនៅតម្លៃ ៦៩,១៤ ដុល្លារ/បារ៉ែល ដោយធ្លាក់ចុះ ៤៩ សេន ឬ ០,៧ ភាគរយ។
តម្លៃប្រេងទាំង២បានធ្លាក់ចុះក្នុងថ្ងៃបញ្ចប់ការជួញដូរប្រចាំសប្ដាហ៍កាលពីថ្ងៃសុក្រ ក្រោយក្ដីបារម្ភអំពីការរំខានការផ្គត់ផ្គង់បានធូរស្បើយ ពេលផលិតកម្មប្រេងឆៅនៅឈូងសមុទ្រម៉ិកស៊ិកបានបន្តឡើងវិញក្រោយព្យុះសង្ឃរា Francine បានបក់បោកផុត ហើយទិន្នន័យអំពីការខួងអណ្ដូងប្រេងរបស់សហរដ្ឋអាមេរិកបង្ហាញពីការកើនឡើង។
យ៉ាងណាមិញ កំណើនតម្លៃនាថ្ងៃចន្ទនេះ កើតឡើងខណៈអ្នកវិនិយោគសម្លឹងមើលពីលទ្ធភាពដែលធនាគារកណ្ដាលអាមេរិកកាត់បន្ថយអត្រាការប្រាក់។ ជាធម្មតា អត្រាការប្រាក់ទាបកាត់បន្ថយថ្លៃដើមនៃការខ្ចី ដែលអាចជំរុញសកម្មភាពសេដ្ឋកិច្ច និងលើកតម្រូវការប្រេង។
ទោះយ៉ាងណាមិញ វានៅតែមានកម្រិតតិចតួច ខណៈទិន្នន័យសេដ្ឋកិច្ចចិនបង្ហាញពីភាពមិនអំណោយផលសម្រាប់តម្រូវការប្រេងរបស់ប្រទេសនេះ។ បើតាមរ៉យទ័រ កំណើនទិន្នផលឧស្សាហកម្មចិន ដែលជាប្រទេសនាំចូលប្រេងកំពូលរបស់ពិភពលោកបានធ្លាក់ចុះដល់កម្រិតទាបរយៈពេល ៥ ខែ កាលពីខែខែសីហា ខណៈការលក់រាយ និងតម្លៃផ្ទះថ្មីបានធ្លាក់ចុះបន្ថែមទៀត៕
-
ព័ត៌មានអន្ដរជាតិ១ សប្តាហ៍ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ១ សប្តាហ៍ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានជាតិ៨ ម៉ោង ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា