ព័ត៌មានអន្ដរជាតិ
វៀតណាមត្រូវការលុយជាង ១០០ លានដុល្លារ ដើម្បីជួសជុលផ្លូវហាយវេខូតខាតដោយទីហ្វុងយ៉ាកជី
ក្រសួងដឹកជញ្ជូនវៀតណាមបានប៉ាន់ស្មានថា វៀតណាមត្រូវការលុយប្រហែល ២,៩ ទ្រីលានដុង (១១៨,៣ លានដុល្លារអាមេរិក) ដើម្បីយកទៅជួសជុលផ្លូវហាយវេជាតិ ដែលរងការខូតខាតដោយសារព្យុះទីហ្វុងដ៏កំណាច យ៉ាកជី រាប់ចាប់តាំងពីខេត្តភាគកណ្ដាល ថាញ់ហូ រហូតដល់តំបន់ភាគខាងជើងប្រទេស។ នេះបើតាមការចុះផ្សាយរបស់កាសែត Viet Nam News។
ក្នុងរបាយការណ៍ចុងក្រោយបង្អស់ស្តីពីការជម្នះផលវិបាកនៃព្យុះទីហ្វុង ដែលបានផ្ញើជូននាយករដ្ឋមន្ត្រី ក្រសួងដឹកជញ្ជូនបាននិយាយថា តាមបណ្តោយផ្លូវហាយវេជាតិពីខេត្ត ថាញ់ហូ ដល់បណ្ដាខេត្តភាគខាងជើង មានទីតាំងខូចខាតសរុបចំនួន ៤ ១៧៧ កន្លែង រួមតាំងផ្លាកសញ្ញាផ្លូវ ស្ថានីយ៍គិតលុយ និងស្ពាន។ ចំពោះ ៣ ៩២៤ កន្លែងក្នុងចំណោមនោះ បានរងការខូចខាតយ៉ាងធ្ងន់ធ្ងរដោយសារការរអិលបាក់ដី និងផុងប្រេះ។ ខេត្តក្រុងរបស់វៀតណាម ចំនួន ២៦ ត្រូវបានគេរាយការណ៍ថារងផលប៉ះពាល់។
គួរគូសបញ្ជាក់ថា ព្យុះទីហ្វុងយ៉ាកជី បានបក់បោកលើភាគខាងជើងវៀតណាម និងប្រទេសក្នុងតំបន់ក្បែរខាង កាលពីដើមខែកញ្ញានេះ ដោយសម្លាប់ និងបាត់លួនមនុស្សប្រមាណ ៣៥០ នាក់ គិតតែក្នុងប្រទេសវៀតណាម។ តាមការប៉ាន់ស្មានរបស់មន្រ្តីវៀតណាម យ៉ាកជី និងចំហាយរបស់វា បានបង្កការខាតបង់ទ្រព្យសម្បត្តិគិតជាប្រាក់ ១,៦ ប៊ីលាន ដុល្លារ។
យ៉ាងណាមិញ ផលប៉ះពាល់នៃព្យុះយ៉ាកជី មានវិសាលភាពធំខ្លាំង ដោយប៉ះពាល់ប្រជាជនរាប់លាននាក់ បើរាប់ទាំងនៅវៀតណាម ចិន ថៃ ឡាវ ហ្វីលីពីន និងសូម្បីតែនៅមីយ៉ាន់ម៉ា។ វាបានបណ្ដាលឱ្យមានការខូចខាតយ៉ាងធ្ងន់ធ្ងរដល់ផ្ទះសម្បែង និងហេដ្ឋារចនាសម្ព័ន្ធក្នុងតំបន់រងគ្រោះ ទាំងតាមរយៈកម្លាំងខ្យល់បក់បោក ទឹកជំនន់ និងការរអិលបាក់ដី៕
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា