ព័ត៌មានអន្ដរជាតិ

ទឹកជំនន់នៅភាគខាងជើងថៃ បង្កការខាតបងរហូតដល់ ៣ ប៊ីលានបាត

បានផុស

៥ ខែ មុន

នៅ

ថ្ងៃពុធ ២៥ កញ្ញា ២០២៤

ដោយ

រដ្ឋាភិបាលថៃបានប៉ាន់ស្មានថា ទឹកជំនន់នៅភាគខាងជើងប្រទេសដែលកំពុងបន្តអូសបន្លាយ បានបង្កការខាតបង់រហូតទៅដល់ ៣ ប៊ីលានបាត ឬប្រមាណ ៩១,៨៦ លានដុល្លារ។ នេះបើតាមការចុះផ្សាយរបស់កាសែតបាងកកប៉ុស្តិ៍នាថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុរដ្ឋមន្ត្រីក្រសួងហិរញ្ញវត្ថុថៃ លោក Julapun Amornvivat បាននិយាយកាលពីម្សិលមិញថា ទឹកជំនន់នៅភាគខាងជើងបានបណ្តាលឱ្យមានការខូចខាតយ៉ាងធ្ងន់ធ្ងរដោយសារតែទឹកជំនន់ភ្លាមៗ។ លោកបន្តថា៖ «សំណាងល្អ វាមិនបានយូរ»។

លោក Julapun បានថ្លែងថា ការិយាល័យក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិ បានប៉ាន់ប្រមាណជាបឋមថា ទឹកជំនន់នៅភាគខាងជើងបានបណ្តាលឱ្យមានការខូចខាតប្រហែល ៣ ប៊ីលានបាត។ លោក Julapun បាននិយាយថា ការខូចខាតមិនបានរីករាលដាលទ្រង់ទ្រាយធំ ដែលអាចប៉ះពាល់ដល់កំណើនសេដ្ឋកិច្ចនៅឆ្នាំនេះ យ៉ាងខ្លាំងនោះទេ។

ទន្ទឹមនឹងនោះ ស្ថាប័នពាក់ព័ន្ធថៃកំពុងបន្តខិតខំជួយ និងផ្តល់សំណងដល់ជនរងគ្រោះដោយទឹកជំនន់នៅតំបន់ភាគខាងជើង និងឦសាន។

គិតត្រឹមថ្ងៃពុធម្សិលមិញ អាជ្ញាធរថៃបានឱ្យដឹងថា នៅមានប្រជាពលរដ្ឋមិនអាចត្រឡប់ទៅផ្ទះវិញបាន ដោយសារដីភក់បានបិទផ្លូវ ហើយហូរកប់ចូលទៅក្នុងផ្ទះរបស់ពួកគេ។ គ្រួសារប្រមាណ ៥០០ រស់នៅតាមជម្រកផ្សេងៗ ក្រោមការមើលថែរបស់មន្ត្រី និងអ្នកស្ម័គ្រចិត្ត រហូតទាល់តែពួកគេអាចត្រឡប់ទៅផ្ទះសម្បែងដើម្បីរស់នៅជាធម្មតាវិញបានុះ៕