ព័ត៌មានអន្ដរជាតិ

ឥណ្ឌូណេស៊ីស្នើចូលរួមក្នុងកតិកាសញ្ញាពាណិជ្ជកម្មអន្តរប៉ាស៊ីហ្វិក ជាផ្លូវការ

បានផុស

៤ ខែ មុន

នៅ

ថ្ងៃពុធ ២៥ កញ្ញា ២០២៤

ដោយ

ប្រទេសឥណ្ឌូណេស៊ី បានស្នើសុំចូលរួមកិច្ចព្រមព្រៀងពាណិជ្ជកម្មអន្តរប៉ាស៊ីហ្វិកជាផ្លូវការ ដើម្បីពង្រីកទីផ្សារនាំចេញរបស់ខ្លួន។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋ Antara ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីសម្របសម្រួលកិច្ចការសេដ្ឋកិច្ចឥណ្ឌូណេស៊ី លោក Airlangga Hartarto បានថ្លែងថា ឥណ្ឌូណេស៊ីបានផ្ញើលិខិតស្នើសុំការចូលជាសមាជិកទៅកាន់ប្រទេសនូវែលសេឡង់ ក្នុងនាមជាគ្រប់គ្រងឯកសារសម្រាប់កិច្ចព្រមព្រៀងគ្រប់ជ្រុងជ្រោយ និងរីកចម្រើនសម្រាប់ភាពជាដៃគូអន្តរប៉ាស៊ីហ្វិក (CPTPP)។

លោក Airlangga បាននិយាយថា៖ «នេះគឺជាការសម្រេចចិត្តដែលយើងធ្វើដើម្បីកែទម្រង់រចនាសម្ព័ន្ធសេដ្ឋកិច្ចរបស់យើង និងបើកទ្វារទៅកាន់ទីផ្សារសម្រាប់សេដ្ឋកិច្ចឥណ្ឌូណេស៊ី»។

គួរគូសបញ្ជាក់ថា ទីក្រុងហ្សាកាតាបានប្រកាសពីចេតនារបស់ខ្លួនក្នុងការចូលរួមកិច្ចព្រមព្រៀងពាណិជ្ជកម្មសេរីនេះកាលពីខែឧសភា ក្នុងសង្ឃឹមថានឹងទាក់ទាញការវិនិយោគដោយការពង្រីកទីផ្សារនាំចេញ។ បច្ចុប្បន្ន CPTPP មានសមាជិក ១១ ប្រទេស រួមមាន អូស្ត្រាលី ប្រ៊ុយណេ កាណាដា ឈីលី ជប៉ុន ម៉ាឡេស៊ី ម៉ិកស៊ិក នូវែលសេឡង់ ប៉េរូ សិង្ហបុរី និងវៀតណាម៕