ព័ត៌មានជាតិ
តម្លៃស្រូវនៅខេត្តបាត់ដំបង និងខេត្តពោធិ៍សាត់វិលមករកសភាពធម្មតា
មន្ត្រីក្រសួងកសិកម្ម រុក្ខាប្រមាញ់ និងនេសាទ បានឱ្យដឹងនៅថ្ងៃទី ៣ ខែតុលា ឆ្នាំ ២០២៤ នេះថា តម្លៃស្រូវ នៅខេត្តបាត់ដំបង និងខេត្តពោធិ៍សាត់ បានវិលមករកសភាពធម្មតាវិញ បន្ទាប់ពីមានការធ្លាក់ចុះដល់ ៨០០ រៀល ក្នុងមួយគីឡូក្រាម នៅរយៈពេលប៉ុន្មានថ្ងៃកន្លងមកនេះ។

លោក គង់ គា ប្រធាននាយកដ្ឋានដំណាំស្រូវ នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា រោងម៉ាស៊ីនកិនស្រូវបានប្រាប់ថា តម្លៃស្រូវ ទទួលទិញពីកសិករយ៉ាងហោចណាស់ ១០០០ រៀលក្នុងមួយគីឡូក្រាមនៅថ្ងៃទី ០៣ ខែតុលា ឆ្នាំ ២០២៤ និងអះអាងថា និន្នាការតម្លៃស្រូវអាចនឹងឡើងថ្លៃដល់ ១១០០-១២០០រៀលវិញ ក្នុងមួយគីឡូក្រាម ក្នុងលក្ខខណ្ឌដែលប្រជាពរដ្ឋមិនបន្ទាន់ច្រូតកាត់ និងប្រមូលផលព្រមគ្មា។
លោក គង់ គា បានពន្យល់អំពីមូលហេតុដែលថ្លៃស្រូវងើបឡើងវិញ ព្រមទាំងការណែនាំមួយចំនួនដល់ប្រជាកសិករ ដើម្បីធានាថា ពួកគាត់អាចលក់ស្រូវបានក្នុងតម្លៃល្អគឺត្រូវទុកស្រូវឱ្យទុំល្អ កុំឱ្យស្ពៀតច្រើន ការប្រើប្រាស់ពូជសុទ្ធក្នុងការដាំដុះ និងកុំផ្សព្វផ្សាយបន្ទាបថ្លៃស្រូវជាដើម។

កញ្ញា អ៊ឹម រចនា អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ការថតវីដេអូផ្សាយតាម TikTok ត្អូញត្អែរពីរឿងថ្លៃស្រូវធ្លាក់ចុះ គឺជាការបើកដៃឱ្យឈ្មួញកណ្ដាល យកជាលេសដើម្បីបំភ័យ និងបន្ទាបថ្លៃស្រូវឱ្យកាន់តែធ្លាក់ចុះមួយកម្រិតទៀត។
មន្ត្រីអ្នកនាំពាក្យរូបនេះ បានលើកឡើងថា ជាជាងថតវីដេអូផ្សាយតាម TikTok និយាយពីរឿងស្រូវចុះថ្លៃ កសិករគួរទាក់ទងជាមួយមន្ដ្រីកសិកម្មឃុំ ឬស្រុករបស់ខ្លួន ដើម្បីជួយសម្របសម្រួលការទិញ-លក់ ព្រោះមន្ដ្រីកសិកម្មឃុំរបស់យើង មានទិន្នន័យគ្រប់គ្រាន់អំពីផ្ទៃដីដាំដុះ និងកាលវិភាគប្រមូលផលរបស់កសិករ ភ្ជាប់ជាមួយសមត្ថភាពទិញរបស់រោងម៉ាស៊ីនកិនស្រូវ។
បើតាមអ្នកនាំពាក្យ ទិន្នន័យទាំងអស់នេះ ល្មមអាចឱ្យមន្ដ្រីកសិកម្មឃុំ សម្របសម្រួលពេលវេលាច្រូតកាត់ ឱ្យត្រូវទៅតាមសមត្ថភាពទិញរបស់រោងម៉ាស៊ីនកិនស្រូវ ដែលអាចធានាបានតម្លៃល្អពេលលក់ស្រូវចេញ៕

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ