សេដ្ឋកិច្ច
គម្រោងបង្កើតតំបន់សេដ្ឋកិច្ចពិសេសពោធិ៍សាត់ ត្រូវបានអនុម័តក្រោមទុនវិនិយោគ ៧០ លានដុល្លារ
ក្រុមប្រឹក្សាអភិវឌ្ឍកម្ពុជា (CDC) បានអនុម័តគម្រោងបង្កើតតំបន់សេដ្ឋកិច្ចពិសេសពោធិ៍សាត់ (Pursat Special Economic Zone Co., Ltd.) ស្ថិតនៅភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ក្នុងទុនវិនិយោគប្រមាណជាង ៧០លានដុល្លារនៅលើផ្ទៃដីជាង ១៤០ ហិកតា និងអាចបង្កើតការងារបានចំនួន ៧០៨កន្លែង។
លោក ខូយ រីដា អភិបាលនៃគណៈអភិបាលខេត្តពោធិ៍សាត់ប្រាប់កម្ពុជាថ្មី ថា វត្តមានរបស់តំបន់សេដ្ឋកិច្ចពិសេស នៅលើទឹកដីខេត្តពោធិ៍សាត់ នឹងជួយបង្កើតការងារបន្ថែមជូនប្រជាពលរដ្ឋឱ្យទទួលបានចំណូលបន្ថែម។
លោក ឡោ វិចិត្រ អនុប្រធានសមាគមពាណិជ្ជកម្ម កម្ពុជា-ចិន វិញប្រាប់កម្ពុជាថ្មីនៅថ្ងៃទី ០៨ ខែតុលា ឆ្នាំ ២០២៤ ថា ឧស្សាហកម្មមួយប្រើកម្លាំងពលកម្មក្នុងស្រុកច្រើន ឧទាហរណ៍វិស័យវាយនភណ្ឌ ដែលបង្កើតការងារធ្វើ ប៉ុន្តែប្រជាពលរដ្ឋទទួលបានប្រាក់ខែទាប ខណៈវិស័យមួយចំនួន ត្រូវការជំនាញមធ្យម និងជំនាញខ្ពស់ ដូចជាការផលិតកង់រថយន្ត និងការផលិតរថយន្តជាដើម។
លោក ឡោ វិចិត្រ អះអាងថា គម្រោងវិនិយោគតំបន់សេដ្ឋកិច្ចពិសេស ឬការបង្កើតរោងចក្រ ផ្ដល់ផលចំណេញដល់សេដ្ឋកិច្ច ដូចជាការបង្កើតការងារ ផ្ដល់ជម្រើសការងារបន្ថែមដល់ប្រជាពលរដ្ឋ។
លោក ឡោ វិចិត្រ៖ «ខ្ញុំយល់ឃើញថា និស្សិតមួយចំនួនដែលរៀនផ្នែកព័ត៌មានវិទ្យា ឬស្ថាបត្យកម្ម វិស័យមួយចំនួន មិនទាន់មានតម្រូវការផ្គត់ផ្គង់ការងារឱ្យនិស្សិតដែលបញ្ចប់ការសិក្សាបានច្រើននៅឡើយទេ»។
យោងតាមក្រុមប្រឹក្សាអភិវឌ្ឍកម្ពុជា (CDC) នៅក្នុងរយៈពេល ៩ ខែ ឆ្នាំ ២០២៤ កម្ពុជាទទួលបានគម្រោងវិនិយោគថ្មីសរុបចំនួន ៣១៥ គម្រោង មានទុនវិនិយោគសរុបប្រមាណជាង ៥ ពាន់លានដុល្លារអាមេរិក ហើយអាចបង្កើតការងារបានប្រមាណជាង ២៥ ម៉ឺនកន្លែង។
ក្នុងខែកញ្ញា ឆ្នាំ ២០២៤ គម្រោងវិនិយោគចំនួន ២៨ ដែលមានទុនវិនិយោគចំនួន ៤៤៣ លានដុល្លារ ត្រូវបានអនុម័តដោយក្រុមប្រឹក្សាអភិវឌ្ឍន៍កម្ពុជា។
ការវិនិយោគពីប្រទេសចិន នៅតែស្ថិតនៅលំដាប់លេខរៀងទី១ ដោយបានរួមចំណែក ៣៨,២៣% នៃទុនវិនិយោគសរុប ខណៈការវិនិយោគក្នុងស្រុកគ្របដណ្ដប់ ៣២,៣២% នៃទុនវិនិយោគសរុប៕
អត្ថបទ៖ ឡេង ដេត
-
ព័ត៌មានអន្ដរជាតិ៥ ថ្ងៃ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ១ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ៧ ម៉ោង ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៧ ម៉ោង ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ២៣ ម៉ោង ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៤ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម៦ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានជាតិ៩ ម៉ោង ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង