ព័ត៌មានអន្ដរជាតិ

វៀតណាមគ្រោងបុកគ្រឹះសង់ផ្លូវរថភ្លើងល្បឿនលឿន៦៧ ប៊ីលានដុល្លារ នៅឆ្នាំ ២០២៧

បានផុស

៣ ខែ មុន

នៅ

ថ្ងៃពុធ ៩ តុលា ២០២៤

ដោយ

វៀតណាម សង្ឃឹមថានឹងចាប់ផ្តើមបុកគ្រឹះសាងសង់ផ្លូវរថភ្លើងល្បឿនលឿន ដែលតភ្ជាប់ពីភាគខាងជើង ដល់ភាគខាងត្បូងប្រទេស នៅចុងឆ្នាំ ២០២៧។ នេះបើតាមការចុះផ្សាយរបស់កាសែត The Investor។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍សិក្សាលទ្ធភាពជាមុនរបស់ក្រសួងដឹកជញ្ជូន (MoT) លើកឡើងថា ការសាងសង់នៅចាប់ផ្ដើមលើផ្លូវរថភ្លើងពីកំណាត់ ដែលរួមមាន ពីក្រុងហាណូយ-Vinh និងទីក្រុង Nha Trang-ហូជីមិញ។ ការសាងសង់លើកំណាត់ផ្លូវក្រុង Vinh-Nha Trang គ្រោងនឹងចាប់ផ្តើមនៅឆ្នាំ ២០២៨-២០២៩ ដោយមានគោលដៅបញ្ចប់គម្រោងទាំងមូលនៅឆ្នាំ ២០៣៥។

គួរគូសបញ្ជាក់ថា គម្រោងផ្លូវរថភ្លើងល្បឿនលឿនជើង-ត្បូង មានប្រវែង ១ ៥៤១ គីឡូម៉ែត្រ និងត្រូវបានប៉ាន់ប្រមាណថាមានតម្លៃ ៦៧,៣៤ ប៊ីលានដុល្លារ ជាមួយនឹងល្បឿន ៣៥០ គីឡូម៉ែត្រ/ម៉ោង។ ក្រសួងដឹកជញ្ជូនបាននិយាយថា ផ្លូវរថភ្លើងដដែលនឹងបម្រើការដឹកជញ្ជូនអ្នកដំណើរ និងដឹកជញ្ជូនទំនិញធុនស្រាលនៅពេលចាំបាច់។

របាយការណ៍របស់ក្រសួងបាននិយាយថា ផ្លូវរថភ្លើងល្បឿនលឿននេះរំពឹងថានឹងបំពេញតម្រូវការដឹកជញ្ជូនដែលកើនឡើង បង្កើនប្រសិទ្ធភាព និងរៀបចំរចនាសម្ព័ន្ធចំណែកទីផ្សារដឹកជញ្ជូនតាមច្រករបៀងខាងជើងទៅខាងត្បូង បង្កើតមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចសង្គម និងលើកកម្ពស់ការការពារជាតិ និងសន្តិសុខ។

គិតមកទល់នឹងពេលនេះ ប្រទេសយ៉ាងហោចណាស់ចំនួន ៣ រួមមាន ជប៉ុន ចិន និងកូរ៉េខាងត្បូង បានបង្ហាញចំណាប់អារម្មណ៍ក្នុងការចូលរួមអភិវឌ្ឍគម្រោងដដែល ហើយរដ្ឋាភិបាលវៀតណាម បានស្នើសុំខ្ចីប្រាក់ពីសមភាគីជប៉ុន និងកូរ៉េខាងត្បូង ដើម្បីផ្តល់ហិរញ្ញប្បទាន៕