រោងចក្រអគ្គិសនី ដើរដោយឧស្ម័នធម្មជាតិ ​ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ

ក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េងនឹងបើក​ការដ្ឋាន​សាងសង់​រោងចក្រ​​ផលិត​អគ្គិសនី​ដើរ​ដោយ​ឧស្ម័នធម្មជាតិ នៅឃុំ​ថ្ម​ស ស្រុកបូទុម​សាគរ​ ខេត្ត​កោះកុង នៅថ្ងៃទី១៦ ខែតុលា ឆ្នាំ ២០២៤។

យោងតាមសេចក្ដីរាយការណ៍របស់ភ្នាក់ងារសារព័ត៌មានកម្ពុជាថ្មី បានឱ្យដឹងថា រោងចក្រផលិត​អគ្គិសនីនេះ​មាន​អានុភាព ៩០០ មេហ្គាវ៉ាត់ នឹងបើកការដ្ឋានសាងសង់ក្រោម​វត្តមានលោក កែវ រតនៈ រដ្ឋមន្ត្រី​ក្រសួង​រ៉ែ និងថាមពល។

ប្រភពដដែលបង្ហើបថា ដំបូងឡើយក្រុមហ៊ុន រ៉ូយ៉ាល់គ្រុបគ្រោង សាងសង់រោងចក្រអគ្គិសនី​ដុតធ្យូងថ្មអានុភាព ៧០០មេហ្គាវ៉ាត់ និងប្រើទុនវិនិយោគសរុប ១,៣ ពាន់លានដុល្លារអាមេរិក ប៉ុន្តែពេលនេះក្រុមហ៊ុនបានបង្វែរមកសាងសង់រោងចក្រអគ្គិសនី​ដើរ​ដោយ​ឧស្ម័នធម្មជាតិវិញ៕