Connect with us

ព័ត៌មានអន្ដរជាតិ

ក្រុមហ៊ុនមេរបស់ TikTok បញ្ឈប់​បុគ្គលិករាប់រយ​នាក់​នៅម៉ាឡេស៊ី ដោយ​ប្រើ AI ជំនួសការងារ

បានផុស

នៅ

ក្រុមហ៊ុនចិន​ ByteDance ដែលជា​ក្រុម​ហ៊ុន​មេរបស់​វេទិកាបណ្ដាញ​សង្គម​ ​TikTok បានបញ្ឈប់បុគ្គលិកជាង ៧០០ នាក់ ពី​ការិយាល័យ​ក្នុងប្រទេស​ម៉ាឡេស៊ី ចំពេល​ដែល​ក្រុមហ៊ុន​នេះ​ងាក​ទៅប្រើប្រាស់បញ្ញាសិប្បនិម្មិត (AI) ដើម្បី​សម្រប​សម្រួល​ការងារ​ រួម​ទាំង​ការ​ត្រួត​ពិនិត្យ​មាតិកា។ នេះ​បើ​តាម​ការ​ចុះ​ផ្សាយ​របស់​ទីភ្នាក់ងារសារព័ត៌មាន​រ៉យទ័រ​ ដោយ​ស្រង់​សម្ដី​ប្រភព​២រូប​ជាអនាមិក​។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបាននិយាយថា បុគ្គលិកដែលភាគច្រើនបានចូលរួមក្នុងប្រតិបត្តិការសម្របសម្រួលមាតិការបស់ក្រុមហ៊ុនត្រូវបានជូនដំណឹងអំពីការបញ្ឈប់​តាមរយៈអ៊ីមែលកាលពីល្ងាចថ្ងៃពុធ ដោយសុំមិនបញ្ចេញឈ្មោះ ខណៈដែលពួកគេមិនត្រូវបានអនុញ្ញាតឱ្យនិយាយទៅកាន់ប្រព័ន្ធផ្សព្វផ្សាយ។

TikTok បានបញ្ជាក់ពីការបញ្ឈប់បុគ្គលិក​នា​ថ្ងៃ​សុក្រ​នេះ ប៉ុន្តែ​លើក​ឡើង​ថា​ ខ្លួន​មិន​អាច​ផ្ដល់​តួលេខ​ច្បាស់លាស់​នៃ​ចំនួន​បុគ្គលិក​ដែល​រង​ផល​ប៉ះពាល់​នៅ​ក្នុងប្រទេសម៉ាឡេស៊ីនោះទេ។ នេះ​បើ​តាម​រ៉យទ័រ។

គេ​រំពឹងថា បុគ្គលិក​រាប់រយ​នាក់​នឹង​រងគ្រោះ​ដោយសារតែ​ការ​កែ​សម្រួល​ប្រតិបត្តិការងារ​របស់​ក្រុមហ៊ុន ByteDance នៅ​ទូទាំង​ពិភព​លោក​។ ជា​ធម្មតា​ ក្រុមហ៊ុន​នេះ​ប្រើ​ទាំង​ប្រព័ន្ធ​ស្វ័យប្រវត្តិ និង​មនុស្ស​ ដើម្បី​សម្រប​សម្រួល និង​ត្រួត​ពិនិត្យ​មើល​ខ្លាំង​សារ​តែ​បង្ហោះ​លើវេទិកា​ TikTok។

Bytedance មានបុគ្គលិកជាង ១១០ ០០០ នាក់ នៅ​ទីក្រុងជាង ២០០ ទូទាំងពិភពលោក។ នេះបើយោងតាមគេហទំព័ររបស់ក្រុមហ៊ុន។ បើ​តាម​រ៉យទ័រ​ ប្រភព​១រូប​​បាន​និយាយ​ថា ​ក្រុមហ៊ុន​បច្ចេកវិទ្យា​នេះ​ក៏​កំពុង​រៀបចំ​ផែនការ​កាត់​បន្ថយ​បុគ្គលិក​បន្ថែម​ទៀត​នៅ​ខែ​ក្រោយ​ ​ដើម្បី​ជា​ផ្នែក​មួយ​នៃ​ការ​​បង្រួម​ប្រតិបត្តិការ​ក្នុង​តំបន់​មួយ​ចំនួន​របស់​ខ្លួន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

មន្ត្រី​ជាន់ខ្ពស់​នៃ​ក្រសួងសាធារណការ​ និង​ដឹកជញ្ជូន​បន្តចុះពិនិត្យ​វឌ្ឍនភាព​ការ​ស្ថាបនាផ្លូវជាតិលេខ៧

ព័ត៌មានជាតិ១ ម៉ោង មុន

អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ

ព័ត៌មានជាតិ៣ ម៉ោង មុន

សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ

សន្តិសុខសង្គម៣ ម៉ោង មុន

ជនរងគ្រោះពីរនាក់ទៀត ក្នុងហេតុការណ៍ឆេះក្លឹបនៅខណ្ឌដង្កោ បានស្លាប់នៅរសៀលនេះ

ព័ត៌មានជាតិ៣ ម៉ោង មុន

សម្ដេច ហ៊ុន ម៉ាណែត ថា សម័យបច្ចេកវិទ្យា អ្នកខ្លះយកទូរសព្ទសំខាន់ជាងគ្រួសារ

Sokha Hotels

ព័ត៌មានពេញនិយម