ព័ត៌មានអន្ដរជាតិ
តម្លៃប្រេងធ្លាក់ចុះជាង១ដុល្លារ ដោយសារបរិត្តផរណានៅចិន បង្កក្ដីបារម្ភពីកម្សោយតម្រូវការ
តម្លៃប្រេងបានធ្លាក់ចុះជាង ១ ដុល្លារក្នុងមួយបារ៉ែល ឬជាង ១,៥ ភាគរយ សម្រាប់ការជួញដូរនាព្រលឹមថ្ងៃចន្ទដើមសប្ដាហ៍នេះ ដោយសារតែបរិត្តផរណា និងកង្វះភាពច្បាស់លាស់លើផែនការជំរុញសេដ្ឋកិច្ចរបស់ចិន ដែលបង្កជាក្ដីបារម្ភលើតម្រូវការ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានធ្លាក់ចុះ ១,២៦ ភាគរយ ឬ ១,៥៩ ភាគរយ ដោយបើកការជួញដូរនៅតម្លៃ ៧៧,៧៨ ភាគរយ/បារ៉ែល ខណៈប្រេងឆៅនាពេលអនាគតរបស់អាមេរិក ម៉ាក West Texas Intermediate (WTI) បានធ្លាក់ចុះ ១,២០ ដុល្លារ ឬ ១,៥៩ ភាគរយ ដោយជួញដូរនៅតម្លៃ ៧៤,៣៦ ដុល្លារ/បារ៉ែល។ វាជាការបន្តធ្លាក់ចុះ ពីថ្ងៃបញ្ចប់ការជួញដូរកាលពីថ្ងៃសុក្រ។
ដោយសារតែចិនជាប្រទេសដែលនាំចូលប្រេងដ៏ធំបំផុតមួយរបស់ពិភពលោក ក្ដីបារម្ភពីកម្សោយតម្រូវការរបស់ប្រទេសនេះ កំពុងគ្របដណ្ដប់លើទំនុកចិត្តវិនិយោគិន ដោយលើសលុបលើក្ដីបារម្ភនៃភាពតានតឹងជុំវិញជម្លោះនៅមជ្ឈិមបូព៌ា ដែលជាធម្មតាធ្វើឱ្យតម្លៃប្រេងកើនឡើង។
យោងតាមទិន្នន័យផ្លូវការពីការិយាល័យស្ថិតិជាតិដែលបានចេញផ្សាយកាលពីថ្ងៃសៅរ៍ សម្ពាធបរិត្តផរណារបស់ចិនកាន់តែអាក្រក់ទៅៗនៅក្នុងខែកញ្ញា ខណៈមានការចោទសួរលើយុទ្ធសាស្រ្តជំរុញសេដ្ឋកិច្ចផ្សេងៗ ដែលរដ្ឋាភិបាលចិនបានដាក់ចេញ ដើម្បីជំរុញកំណើនឱ្យសម្រេចតាមគោលដៅ ៥ ភាគរយ។ ទិន្នន័យបង្ហាញថា សន្ទស្សន៍តម្លៃទំនិញប្រើប្រាស់ បានកើនឡើង ០,៤ ភាគរយ ដោយតិចជាងការរំពឹងទុក ខណៈសន្ទស្សន៍តម្លៃអ្នកផលិតបានធ្លាក់ចុះក្នុងល្បឿនលឿនបំផុតក្នុងរយៈពេល៦ខែ ធ្លាក់ចុះ ២,៨ ភាគរយ ក្នុងអត្រាប្រចាំឆ្នាំ។
ទោះបីជាយ៉ាងនេះក្ដី វិនិយោគិននៅតែដាក់ក្រសែរភ្នែកលើបញ្ហានៅមជ្ឈិមបូព៌ា ដែលកំពុងបន្តតានតឹងកាន់តែខ្លាំង ជាពិសេសក្នុងបរិបទដែលអ៊ីស្រាអែលត្រៀមសងសឹកអ៊ីរ៉ង់ ចំពោះការវាយប្រហារដោយមីស៊ីលផ្លោងជិត ២០០ ដើម លើប្រទេសរបស់ខ្លួន។ ខណៈភាពតានតឹងមិនស្ងប់ស្ងាត់ដែលអ៊ីស្រាអែលមានគ្រប់ទិសជាមួយសត្រូវ សហរដ្ឋអាមេរិកដែលជាសម្ព័ន្ធមិត្ត បានប្រកាសកាលពីថ្ងៃអាទិត្យថា ខ្លួននឹងបញ្ជូនប្រព័ន្ធការពារដែនអាកាស THAAD និងកងទ័ពប្រតិបត្តិការប្រហែល១០០នាក់ទៅកាន់អ៊ីស្រាអែល ដើម្បីពង្រឹងការការពារខ្លួនរបស់ប្រទេសនេះ។ ការណ៍នេះ បង្កការព្រមានពីសត្រូវរបស់អ៊ីស្រាអែល ជាពិសេសអ៊ីរ៉ង់ដែលថា អាមេរិកកំពុងដាក់ពង្រាយទ័ពរបស់ខ្លួនក្នុងហានិភ័យ។
គេមិនដឹងថាអ៊ីស្រាអែលនឹងឆ្លើយតបសងសឹកបែបណាចំពោះអ៊ីរ៉ង់នោះទេ ប៉ុន្តែមានក្ដីបារម្ភថាហេដ្ឋារចនាសម្ព័ន្ធប្រេងរបស់អ៊ីរ៉ង់អាចជាគោលដៅ។ អ្នកវិភាគលើកឡើងថា ប្រសិនបើការណ៍នោះកើតឡើងមែន នោះតម្រូវប្រេងនឹងហក់ឡើងកប់ពពកមួយរំពេច៕
លោក Munoz និយាយពីកីឡាករចំណូលថ្មី ក្រោយរកបាន Hat-trick
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២០ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ៣ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ